MARK 4:28 - Hakcipta - Biatah Bidayuh

²⁸ Adŭp tana inŭh adi bada-i timbu ka buān buwa; sibungas-i ayŭh prisok, komŭnŭ ayŭh bitundun, sikasŭn-i tundun anŭ puno ngga buwa.

MARK 4:28 ပူးပေါင်းရင်းမြစ်များ

TIBIRIK 2:9

TUHAN Tapa napa barang masam tŭngŭn kayuh adi ramus bada timbu diginŭ ka buān buwa adi kana. Di yun teya anŭ agi ndi tŭngŭn pimuruh adi nggen udip ka ndi tŭngŭn pimuruh adi nggen pinyipuan pasar kana ngga arap.

MAZMUR 1:3

Ngara keya ka dudu tŭngŭn kayuh adi timbu di pang anak sungi, adi buān buwa di tipuh adi batur, ka dawŭn dawŭn-i adi dŭh rayu. Ngara mujur di sopŭrŭg kayuh adi ngara ndai.

PITAS 4:18

Aran adi daya tŭnggŭn kadŭg inŭh keya ka batŭh andu makat, adi dŭ dŭ jawa ndŭg ka-i mbŭh jadi jawa sandu.

EKLISIASTIS 3:1

Barang masam kayuh adi jadi di ong jadi di tika adi Tapa mbŭh mien.

EKLISIASTIS 3:11

Ayŭh mbŭh natu tika adi batur yŭn sopŭrŭg kayuh. Ayŭh mbŭh nggen di ata pinyiraan yŭn puan tipuh adi re, pak bŭn nggen di ata pinyipuas mirati kayuh adi ndai-I.

ISAIAH 61:11

Nimun bine adi dog nabur dŭh siŭn dŭh timbu ka masang udip, simŭnŭ gŭh TUHAN Raja re nyiramat daya-I, ka sopŭrŭg bangsa re muji Ayŭh.

HOSEA 6:3

Ja ata suba puan TUHAN. Ayŭh re sawŭ mandŭg ka ata nimun batŭh andu sawŭ re makat, nimun ujen adi misa tana sawŭ re mandŭg di tipuh bunga.”

MATTHEW 13:26

Kan bine mbŭh timbu ka piguru pijadi tundun gandom, nganŭ gŭh uduh tatŭng.

MARK 4:27

Sitadŭn ayŭh bŭŭs singarŭm ka burah sandu ndai kraja-i, bine anŭ timbu. Pak ayŭh dŭh puan munki-i timbu.

MARK 4:29

Kan buwa mbŭh masak, daya sun buwa-i amai-i mbŭh tipuh ngatŭm.

PHILIPPI 1:6

Ka aku puan Tapa, adi piguru kraja kana di angān, re pijuu-i ndŭg ka-i kamas di Andu Kristus Jesus mandŭg dinge.

COLOSSAE 1:10

Amai simŭnŭ inŭh meh, angān re bisa udip nanyam ka pinyiraan Tuhan, siraru ndai kayuh adi pimunos asŭng-I. Angān re buān buwa darŭm sopŭrŭg pingandai kana, buang bitambah darŭm pinyipuan ngan pasar Tapa.