MARK 4:19 - Hakcipta - Biatah Bidayuh

¹⁹ pak pinyusah pasar pimudip, pinyiawang di pinyikaya, ngga sopŭrŭg pinyiripong adi bŭkŭn mbŭh piaka agah anŭ da-i dŭh buān buwa.

MARK 4:19 ပူးပေါင်းရင်းမြစ်များ

PITAS 23:4

Kuu an sukup bijak dŭh pijera adŭp mu gruwŭn an kaya.

PITAS 23:5

Duit mu bisa miyap ngga ndi kidap batŭh, mun kah duit anŭ biyŭn urad ka mikabur bu mun beuh.

EKLISIASTIS 4:8

Agi ndi naan daya adi udip sadi. Ayŭh dŭh biyŭn anak, dŭh biyŭn jurud, pak ayŭh marar nyiraja, dŭh puas ngga pinyikaya adi ayŭh mbŭh biyŭn. Yŭn asi ayŭh bandar nyiraja ka bitan adŭp-i so pinyirami? Anŭ gŭh dŭh biyŭn rati, buang pimudip adi sangsara.

ISAIAH 5:2

Ayŭh nyakor tana ka pibisig-i so dudu batuh; ayŭh purun anggor adi siabo kana. Ayŭh pijog sirangga ngga jaga-i, kareh rubang yŭn ngindik-mŭ buwa anggor. Ayŭh kajŭn buwa-i masak, pak barang pŭrŭng buwa-i masŭm.

ISAIAH 5:4

Agi kah kayuh adi aku kambŭt ndai yŭn teya anggor ku? Ka mani meh teya anggor ku buān buwa adi masŭm ka dŭh buwa anggor adi kana adi aku kajŭn?

MATTHEW 13:22

Bine adi rabu di ruang reja rati-i ngara adi dingah agah anŭ; pak pinyusah pasar pimudip di ong ati ngga pinyirindu di pinyikaya piaka agah anŭ, ka ngara dŭh buān.

MATTHEW 19:23

Jesus meh nang di bara murid-I, “Puan meh, raru mbar-i daya kaya re kinyam Pinyipritah Tapa.

MATTHEW 3:10

Kapak mbŭh dog sidia ngga tabŭng tŭngŭn kayuh di uat-i; barang tŭngŭn kayuh adi dŭh buān buwa adi kana re dog tabŭng ka dog taran ka darŭm apui.

MARK 4:18

Adi bŭkŭn mbŭh keya ka bine adi dog nabur di ruang reja. Ngara inŭh adi dingah agah anŭ,

LUKE 10:41

Tuhan nam ayŭh, “Martha, Martha! Kuu susah ka bipito di bagŭ masam kayuh.

LUKE 21:34

“Jaga adŭp ngan! Dŭhnyah bada adŭp ngan sayŭp da gawai, da birunok, ka da atin ngingen di pimudip ong, te andu anŭ gŭgŭh mandŭg ka angān

JOHN 15:2

Barang daan adi darŭm Aku adi dŭh buān Ayŭh japa, ka barang daan adi buān buwa Ayŭh pibisig isa-i buān rabis bagŭ buwa.

ROME 12:2

Dŭhnyah bada adŭp ngan mun daya di ong ati, pak bada Tapa ngubah aran pikir ngan. Mun anŭ angān re tungang puan pinyiraan Tapa, anŭ inŭh kayuh adi kana, adi sukup batur ka adi pimunos asŭng-I.

EPHESUS 2:2

Nganŭ angān kadŭg aran pimudip ong adi sarah; angān bituan di pinguasa roh roh adi arap di rangit ngga di ong, anŭ inŭh roh adi nguasa daya adi nyibireu pinganang Tapa.

EPHESUS 6:12

Amai dŭh inŭh ata rawan manusia pak rawan sopŭrŭg kuasa adi arap di rangit, anŭ inŭh roh roh adi bikuasa adi mritah jaman adi karŭm ati.

PHILIPPI 4:6

Dŭhnyah gapang pasar tadŭ kayuh, pak siraru mite di Tapa darŭm simayang kayuh adi angān biguna ngga atin trima kaseh.

1 TIMOTHY 6:17

Nakit ngajar ngara adi kaya di kayuh ong siŭn dŭh jadi gambung, pak na pingarap ngara, dŭh di kayuh adi dŭh tan tui mun pinyikaya, pak di Tapa, adi ngga pinyikana-I mbŭh nggen sopŭrŭg kayuh di ata yŭn udip sanang.

2 TIMOTHY 4:10

Demas mbŭh awang ong ati ka mbŭh tagan aku, di ka Thessalonica. Crescens di ka Galatia, ka Titus di ka Dalmatia.

2 PETER 1:8

Simŭnŭ inŭh angān patut masang darŭm pimudip ngan, ka kambŭi angān udip mun anŭ, angān re puan nang kayuh adi angān puan pasar Jesus Kristus mbŭh bada pimudip ngan biguna ka biyŭn rati.

JUDE 1:12

Ngga urah ngara adi mangŭh nŭŭh ngarun ngara mbŭh keya ka takar kais di dupan angān di tika tikuruk man. Ngara rada adŭp-i adŭ. Ngara mbŭh keya ka kruman dog poh sabak, pak dŭh taban ujen. Keya ka tŭngŭn kayuh adi dŭh buān, ndŭg ka di tipuh jaya ani, ka adi dog dimbut ndŭg uat-i ka kabŭs.