MARK 2:5 - Hakcipta - Biatah Bidayuh

⁵ Kiris munki masam bās-i pinyabah ngara, Jesus nang di sianŭ adi naman andam ruku, “Nak, dosa mu mbŭh dog apun.”

MARK 2:5 ပူးပေါင်းရင်းမြစ်များ

TIBIRIK 22:12

“Dŭhnyah bada anak anŭ kinaman bait ida ida ngga ayŭh,” ayŭh nang. “So madin aku puan nang kuu stabi ka taru di Tapa, amai kuu dŭh tungang siŭt kaŭs kaŭs anak dari mu so Ayŭh.”

MAZMUR 103:3

Ayŭh apun sopŭrŭg dosa ku ka pibua sopŭrŭg andam ku.

ISAIAH 38:17

Pide atin ku re marui jadi sanang. Kaam nyiramat aku so sopŭrŭg pinyusah; Kaam apun sopŭrŭg dosa ku.

ISAIAH 53:11

Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.

MATTHEW 9:2

di yŭn agi kada daya taban ka yŭn-I ndi naan daya naman andam ruku, guring di ambok. Kan Jesus kiris munki masam bās-i pinyabah ngara, Ayŭh nang di daya adi naman andam ruku anŭ, “Dŭhnyah susah, nak! Dosa mu mbŭh dog apun.”

MATTHEW 9:22

Jesus bigiring ka kiris ayŭh, ka nang, “Dŭhnyah susah nak! Amai kuu sabah di Aku kuu mbŭh bua.” Di jam anŭ gŭh dayung anŭ bua.

MATTHEW 9:5

Udah dŭ kah nŭŭh nang, ‘Dosa mu mbŭh dog apun,’ puan kah nang, ‘Makat meh panu’?

MARK 2:6

Kada gurū Ukum-adat Jahudi adi agi guru diginŭ nang darŭm asŭng ngara,

MARK 5:34

Jesus nang di ayŭh, “Nak, sabab kuu sabah di Aku kuu mbŭh bua. Mari meh darŭm damai. Kuu mbŭh bua madin”

LUKE 5:20

Kan Jesus kiris munki masam bās-i pinyabah ngara, Ayŭh nang di daya anŭ, “Dingan, dosa mu mbŭh dog apun.”

LUKE 8:48

Jesus nang di ayŭh, “Nak, sabab kuu sabah di Aku, kuu mbŭh bua. Panu kuu darŭm damai.”

JOHN 2:25

Dŭhsah daya kidaan di Ayŭh pasar tadŭ tadŭ daya, amai Ayŭh mbŭh puan isi atin manusia.

JOHN 5:14

Ripas anŭ, Jesus dapŭd ayŭh di Ramin Tuhan, ka nang di ayŭh, “Ingat nŭh, kuu mbŭh bua madin; dŭh tia bidosa te kayuh adi rabis arap jadi di kuu rai-i.”

PINGANDAI 11:23

Kan ayŭh mbŭh ndŭg ka kiris munki masam Tapa mbŭh nyiberkat ngara, ayŭh mbŭh raru gaŭn ka ngatat sopŭrŭg ngara da tŭtŭd di Tuhan ngga siabo atin ngara.

PINGANDAI 14:9

Ayŭh guru diginŭ ka nyiringa pinganang Paul. Paul, kiris ayŭh sabah buang dapŭd dog pibua, nakit tingga ayŭh

PINGANDAI 5:31

Tapa mbŭh katuh Ayŭh ka tangan tauh-I, nimun Pinguru ka Pinyikudip, siŭn daya Israel dapŭd aran ngga marik pimudip-i pari ka adŭp-I ka dapŭd pingapun dosa.

1 CORINTH 11:30

Anŭ inŭh sabab bagŭ angān mbŭh birandam ka ramah, ka bagŭ gŭh mbŭh kabŭs.

2 CORINTH 2:10

Kan angān apun sarah daya, aku apun gŭh ayŭh. Amai kan aku apun, kambŭi agi re ku apun, aku apun di sirung jawin Kristus sabab angān,

EPHESUS 2:8

Amai so ka pinyirasi-mandis Tapa inŭh angān dog nyiramat sabab angān sabah di Jesus; dŭh so ka kraja pingandai adŭp ngan, pak mbŭh pinganggen adŭp Tapa, isa daya dŭh mingangŭn.

COLOSSAE 3:13

Sabar ngga dingan ngan ka apun dingan ngan kan angān agi dŭh sanang asŭng di dingan ngan. Angān dŭh siŭn dŭh an apun dingan ngan nimun Tuhan mbŭh apun angān.

JAMES 5:15

Dua adi dog nang ngga pinyabah bisa pibua daya anŭ; Tuhan re bada ngara pari bua, ka dosa adi ngara ko ndai re dog apun.