MARK 16:16 - Hakcipta - Biatah Bidayuh

¹⁶ Asi asi adi sabah ka dog baptisa re siramat; asi asi adi dŭh sabah re dog nunggu.

MARK 16:16 ပူးပေါင်းရင်းမြစ်များ

MATTHEW 28:19

Panu angān ka barang yŭn ka bada sopŭrŭg daya jadi murid Ku: baptisa ngara ngga adŭn Sama, Anak, ka Roh Kudus

MARK 1:15

“Tipuh-i mbŭh mandŭg,” Ayŭh nang, “Dŭm dŭh tui Tapa re mritah. Marik pimudip ngan pari ka Tapa meh angān, ka sabah di Agah Kana ati!”

LUKE 8:12

Bine adi rabu di aran, rati-i ngara adi dingah; pak Siarap mandŭg ka tambit agah anŭ so atin ngara ngga bada ngara dŭh sabah ka dŭh dog nyiramat.

JOHN 20:31

Pak sopŭrŭg ati dog nuris siŭn angān bisa sabah Jesus ati sawŭ Kristus, Anak Tapa, ka so ka pinyabah ngan angān bisa dapŭd udip adi sawŭ.

JOHN 3:36

Daya adi sabah di Anak dapŭd udip adi sawŭ adi tan adu adu, pak daya adi nyibireu pinganang Anak dŭh-i re dapŭd udip anŭ; ayŭh re ruro di ribo ukum Tapa.

JOHN 3:5

“Aku kidaan di kuu kayuh adi sawŭ,” Jesus nam, “mating daya tungang kinyam Pinyipritah Tapa kambŭi ayŭh dŭh dog biranak bauh ngga piin ka ngga Roh Kudus.

JOHN 5:24

“Aku kidaan di angān kayuh adi sawŭ: daya adi dingah pinganang Ku ka sabah di Ayŭh adi pait Aku biyŭn udip adi sawŭ adi tan adu adu. Ngara dŭh re dog ukum, pak mbŭh ruah so pinyikabŭs nuju udip anŭ.

JOHN 6:29

Jesus nam, “Anŭ adi Tapa raan angān ndai inŭh sabah di sianŭ adi-I pait.”

JOHN 6:35

“Aku ati inŭh ruti adi nggen udip,” Jesus nang di ngara. “Daya adi mandŭg ka Aku dŭh re tia sibŭrŭk; daya adi sabah di Aku dŭh re tia badŭh asŭng.

JOHN 6:40

Amai pinyiraan Sama Ku inŭh ngara adi kiris Anak ka sabah di Ayŭh patut dapŭd udip adi sawŭ adi tan adu adu. Ka Aku re pakat ngara di andu sikasŭn.”

JOHN 8:24

Ngapŭi Aku nang angān re kabŭs darŭm dosa ngan. Sawŭ inŭh angān re kabŭs kambŭi angān dŭh sabah ‘Aku ati inŭh Ayŭh’.”

PINGANDAI 10:43

Sopŭrŭg nabi mbŭh minyu pasar Ayŭh, nang sopŭrŭg adi sabah di Ayŭh re dapŭd pingapun dosa so ka kuasa adŭn-I.”

PINGANDAI 13:46

Pak Paul ngga Barnabas tanŭ ka minyu ngga atin adi rabis pagan: “Ngga sipatut-i pinganang Tapa dog kidaan di angān diŭ. Pak amai angān abah trima-i ka dŭh nyirundeng adŭp ngan tibirang yŭn udip adi sawŭ adi tan adu adu, kieh re tingge angān ka di tudu bara daya adi dŭh bangsa Jahudi.

PINGANDAI 2:38

Peter nang di ngara, “Barang naan angān marik pimudip ngan pari ka Tapa, ka kambat baptisa meh ngga adŭn Jesus Kristus, isa dosa ngan bisa dog apun; ka angān re bisa kambat pinganggen Tapa, anŭ inŭh Roh Kudus.

PINGANDAI 2:41

Bagŭ ngara sabah di pinganang-i ka mbŭh rasu dog baptisa; ka agi taruh ribu naan daya dog nambah di tibaran ngara di andu anŭ.

PINGANDAI 22:16

Ka madin, ani meh kajŭn mu? Makat di baptisa, siŭn dosa mu dog musor darŭm kuu bidua ka Ayŭh.’

ROME 3:6

Mating aran-i! Kambŭi Tapa dŭh tŭnggŭn simuki meh Ayŭh re bisa nggen bisara di tunduh ong?

ROME 4:24

Pinganang anŭ dog nuris yŭn ta adi re dog ngitong tŭnggŭn ani, adi sabah di Ayŭh adi pakat Jesus Tuhan ta so kabŭs.

2 THESSALONICA 1:8

taban apui adi bijireb, ngga ngukum ngara adi tirawan Tapa samŭn ngara adi abah dingah Agah Kana pasar Tuhan ta Jesus.

2 THESSALONICA 2:12

Pinŭbŭn-i, sopŭrŭg adi dŭh sabah di agah adi sawŭ anŭ, ka adi pimunos adŭp-i ngga dosa, re dog nunggu.

1 PETER 1:21

So Ayŭh angān sabah di Tapa, adi pakat Ayŭh so kabŭs ka nggen bragah di Ayŭh; ngapŭi madin angān sabah di Tapa ka harap di Ayŭh ngga sipuno-i.

1 PETER 3:21

adi taŭn tandā pinatŭng baptisa adi nyiramat angān madin. Baptisa ati dŭh-i ngga ngu pŭrŭng ganan so kais rŭnŭk, pak-i janji ngan ka Tapa adi dog ndai so pikir-kira atin adi kana. Baptisa ati nyiramat angān so ka pinyimakat Jesus Kristus so kabŭs,

PINANDŬNG 20:15

Ngara adi dŭh biyŭn dŭn-i dog nuris darŭm surat di yŭn dŭn bara daya adi Tapa mbŭh mien dog nuris, dog taran ka darŭm danu apui anŭ.

PINANDŬNG 21:8

Pak ngara adi pinakut, adi nyipunok Jesus, adi sembar, adi pinyiŭ, adi udip darŭm pimudip adi dŭh tatu darŭm pingandai kais, adi ndai biruri karŭm, adi nyambah tibudo, samŭn sopŭrŭg adi pingadong; tarun yŭn ngara inŭh danu anŭ adi bijagu ngga apui ka mirirang, anŭ inŭh pinyikabŭs adi numbor duwŭh.”