MARK 16:14 - Hakcipta - Biatah Bidayuh

¹⁴ Sikasŭn-i, Jesus pinandŭng adŭp-I di ngara adi simŭng-ndi naan darŭm ngara guru man. Ngga tuas Ayŭh nang di ngara, sabab ngara kurang pinyabah buang paŭh baking dŭh an sabah ngara adi kiris Ayŭh udip.

MARK 16:14 ပူးပေါင်းရင်းမြစ်များ

PINYIKIANG 14:11

TUHAN nang di Moses, “Ndŭg sinde bara daya ati babŭ tirawan Aku? Ndŭg sinde ngara abah bisaya di Aku, sunggu Aku mbŭh ari ndai pingandai-nginga di ruang ngara?

MATTHEW 11:20

Daya adi di kupo di yŭn Jesus ko ndai bagŭ pingandai-nginga dŭh an marik pimudip ngara pari ka Tapa; jadi Jesus nyarah kupo kupo anŭ.

MATTHEW 17:20

“Angān dŭh tungang sabab angān kurang sabah di Tapa,” Jesus nam. “Puan meh! Kambŭi angān biyŭn pinyabah mati sirah ruwang sabi, angān bisa nang di sandah ati, ‘Sigen adŭp mu kamajeh!’ ka-i sawŭ sigen adŭp-i. Tungang angān ndai tadŭ tadŭ kayuh!”

MATTHEW 28:17

Kan ngara kiris Ayŭh, ngara nyambah Ayŭh, sunggu agi kada so ngara babŭ kurang sabah.

MARK 7:18

“Angān taŭn mbŭh dŭh adŭ pandai so ngara adi bŭkŭn,” Jesus nang di ngara. “Angān dŭh mirati kah? Mating kayuh adi mŭrŭt daya so ka sapa bisa kinais daya,

LUKE 24:11

Pak bara pinyuruh, pikir kayuh adi bara dayung anŭ nang kayuh au-tarun, dŭh-i sabah ngara.

LUKE 24:25

Komŭnŭ Jesus nang di ngara, “Ruai nang budo-i angān, paŭh sais sabah di sopŭrŭg kayuh anŭ adi bara nabi ko nang!

JOHN 20:25

Jadi bara murid adi bŭkŭn kidaan di ayŭh, “Kieh agi kiris Tuhan!” Thomas nang di ngara, “Kambŭi gibayuh kiris arit pasak di tangan-I, ka tama arit anŭ samŭn arit jarok di tigang-I, aku manŭn dŭh re sabah.”

JOHN 20:26

Ndi minggu ripas anŭ, bara murid tikuruk dinge darŭm arŭn, ka Thomas mbŭh agi ngga ngara. Sopŭrŭg tiban mbŭh birabŭt, pak Jesus mandŭg ka mijog di ruang ngara ka nang, “Damai ka angān.”

JOHN 20:27

Komŭnŭ Ayŭh nang di Thomas, “Na trinju mu digiti, ka tingga tangan Ku; ton tangan mu ka na-i di tigang Ku. Dŭhnyah kurang sabah, pak sabah meh!”

JOHN 21:1

Ripas anŭ, Jesus pinandŭng adŭp-I dinge di bara murid-I di Rawŭt Tiberias. Ka simuti inŭh Ayŭh pinandŭng adŭp-I.

JOHN 21:14

Ati mbŭh adi pitaruh saba Jesus pinandŭng adŭp-I di bara murid ripas Ayŭh dog pakat so kabŭs.

PINGANDAI 1:3

Sitadŭn pat puru andu, ripas pinyikabŭs-I, Ayŭh agi pinandŭng adŭp-I di ngara darŭm bagŭ masam gaya adi kiren Ayŭh sawŭ udip. Ngara kiris Ayŭh, ka Ayŭh minyu ngga ngara pasar Pinyipritah Tapa.

1 CORINTH 15:5

Ayŭh nandŭng di Peter ka komŭnŭ di sopŭrŭg bara pinyuruh adi simŭng-duwŭh naan.

PINANDŬNG 3:19

Aku nang ka ngukum sopŭrŭg adi Aku rindu. Ndai meh pikir mu yŭn ngubah adŭp mu ka dŭh tia bidosa.