MARK 15:21 - Hakcipta - Biatah Bidayuh

²¹ Di aran ngara bidapŭd ngga ndi naan daya dŭn Simon, adi mandŭg ka Kupo so sapa tarun tana rais, ka bara soldadu takan ayŭh da gŭrŭng rigang Jesus. (Simon asar daya Cyrene ka mbŭh sama Alexander ngga Rufus.)

MARK 15:21 ပူးပေါင်းရင်းမြစ်များ

MATTHEW 27:32

Darŭm ngara aŭn panu ruah, ngara bidapŭd ngga ndi naan daya so Cyrene dŭn Simon, ka bara soldadu takan ayŭh da gŭrŭng rigang Jesus.

MATTHEW 5:41

Ka kambŭi ndi naan soldadu adi mŭrŭt rais ngan takan angān da kabis barang-i ndi kilomita, kabis-i duwŭh kilomita.

MARK 15:20

Kan ngara muko napat Ayŭh, ngara kadi jipo-ambu adi bēng anŭ ka pari kasŭk piraka adŭp-I. Komŭnŭ ngara taban Ayŭh ruah yŭn masak di rigang.

LUKE 14:27

Asi asi adi dŭh gŭrŭng rigang-i ka tunda Aku, dŭh bisa jadi murid Ku.

LUKE 23:26

Bara soldadu taban Jesus bu, ka darŭm ngara panu, ngara bidapŭd ngga ndi naan daya so Cyrene dŭn Simon adi mandŭg so sapa tarun tana rais re mŭrŭt kupo. Ngara nakap ayŭh, na rigang di kawin-i, ka bada ayŭh gŭrŭng-i tunda Jesus.

JOHN 19:17

Jesus ruah so kupo, gŭrŭng rigang-I, ka mandŭg ka tarun adi dog kadŭn “Tarun yŭn Tikurok.” (Darŭm piminyu Hebrew, tarun anŭ dog kadŭn “Golgotha.”)

PINGANDAI 11:20

Pak agi kada so ngara adi sabah, adi so Cyprus ka Cyrene, darŭm pimanu ngara nuju Antioch agi piagah agah anŭ di daya adi dŭh bangsa Jahudi ani, kidaan di ngara Agah Kana pasar Tuhan Jesus.

PINGANDAI 13:1

Di eklisia di Antioch agi bara nabi ka bara gurū: Barnabas, Simeon (adi dog kadŭn Singŭt), Lucius (so Cyrene), Manaen (adi ko samah dog mira ngga Herod adi gabenor), ka Saul.

PINGANDAI 2:10

so Phrygia ka so Pamphylia, so Egypt ka so tarun tana Libya sindŭk Cyrene. Agi kada so ata mandŭg so Rome,

PINGANDAI 6:9

Pak agi kada daya nyakar ayŭh, tibaran so ramin simayang-Jahudi adi dog kadŭn daya-bebas (mbŭh dog kadŭn sakanŭ). Agi kada ngara mbŭh daya Jahudi so Cyrene ngga Alexandria. Ngara ngga kada daya Jahudi so utung rais Cilicia ngga Asia bikarit ngga Stephen.

ROME 16:13

Aku pait tabi ka Rufus, sianŭ adi traŭn darŭm kraja Tuhan, ka di sindŭ-i, adi ko nakit ngga aku keya ka ngga anak adŭp-i.