MARK 14:72 - Hakcipta - Biatah Bidayuh

⁷² Ka jam anŭ gŭh babang kukok adi piduwŭh saba, ka Peter ingat Jesus agi nang di ayŭh, “Diŭ so babang kukok piduwŭh kari, kuu re pitaruh kari nang adŭp mu dŭh puan Aku.” Ka ayŭh nyisakuk sien.

MARK 14:72 ပူးပေါင်းရင်းမြစ်များ

2 SAMUEL 24:10

Pak ripas David muko ndai pimirang anŭ, pikir-kira atin-i nyirisut ayŭh, ka ayŭh nang di TUHAN, “Aku mbŭh raru bidosa darŭm aku ndai simŭnŭ! Turung apun aku. Aku mbŭh ndai kayuh adi raru budo.”

EZEKIEL 16:63

Aku re apun sopŭrŭg sarah adi kuu mbŭh ndai, pak kuu re ingat-i ka re raru mangŭh kanga baba mu.” TUHAN Raja mbŭh minyu.

EZEKIEL 36:31

Angān re ingat urah rakah ngan adi arap ka sarah adi angān mbŭh ndai, ka angān re sidot di adŭp ngan sabab dosa ngga pingandai kais ngan.

EZEKIEL 7:16

Kada re bikaduh bu ka darŭd mun manuk asang mikabur bu so rubān. Sopŭrŭg ngara re muās amai dosa ngara.

MATTHEW 26:34

Jesus nang di Peter, “Aku kidaan di kuu diŭ so babang kukok sikambŭh, kuu re pitaruh kari nang adŭp mu dŭh puan Aku.”

MARK 14:30

Jesus nang di Peter, “Aku kidaan di kuu, sibayuh babang kukok piduwŭh kari sikambŭh, kuu re pitaruh kari nang adŭp mu dŭh puan Aku.”

MARK 14:68

Pak ayŭh miman. “Aku dŭh puan; aku dŭh mirati kayuh nang mu,” ayŭh nam. Ka-i panu di ka tiban buwang ramin. Ka nganŭ gŭh babang kukok.

MARK 14:71

Peter nang, “Aku bipayu aku kidaan kayuh adi sawŭ! Isa-i Tapa ngukum aku kambŭi aku kadong! Aku dŭh puan daya anŭ adi nang ngan!”

LUKE 22:60

Pak Peter nam, “Aku dŭh puan kayuh nang mu!” Nganŭ gŭh, darŭm ayŭh babŭ minyu, babang kukok.

LUKE 22:62

Peter ruah so nŭ ka nyisakuk sien.

2 CORINTH 7:10

Amai atin mandam ngan anŭ adi so Tapa ngubah atin ngan da nŭtŭn ka aran pinyiramat; anŭ mating arap-i! Pak kambŭi ong ati bada atin ngan mandam, ayŭh bisa taban pinyikabŭs.