MARK 13:13 - Hakcipta - Biatah Bidayuh

¹³ Sopŭrŭg daya re tiru di angān sabab Aku. Pak asi asi adi bijijŭ ndŭg sikasŭn-i re dog nyiramat.

MARK 13:13 ပူးပေါင်းရင်းမြစ်များ

DANIEL 12:12

Sanang inŭh ngara adi babŭ tŭtŭd ndŭg 1,335 andu mbŭh ripuan!

MATTHEW 10:22

Barang naan daya re tiru di angān sabab angān murid Ku. Pak asi asi adi bijijŭ ndŭg sikasŭn-i re dog nyiramat.

MATTHEW 24:13

Pak asi asi adi bijijŭ ndŭg sikasŭn-i re dog nyiramat.

MATTHEW 24:9

“Komŭnŭ angān re dog nakap ka dog nyerah yŭn dog kijera ka dog nggen ukum kabŭs. Barang naan daya re tiru di angān sabab Aku.

MARK 13:12

Daya re nyerah jurud adŭp-i da dog ukum kabŭs, ka sama re ndai simŭnŭ gŭh di bara anak-i. Anak re makat rawan pimas-i ka bada ngara dog ukum kabŭs.

LUKE 21:17

Sopŭrŭg daya re tiru di angān sabab Aku.

LUKE 6:22

“Sanang inŭh angān kan daya tiru di angān, tirawan angān, pimangŭh angān, ka kinarap angān, sitagar Anak Manusia!

JOHN 15:21

Pak ngara re ndai di angān anŭ adi ngara ko ndai di Aku, sabab angān mbŭh tung jaku. Ngara re ndai simŭnŭ sabab ngara dŭh puan sianŭ adi bada Aku mandŭg.

JOHN 17:14

Aku mbŭh nggen pinganang Mai di ngara, ka ong tiru di ngara, sabab ngara dŭh tung ong, nimun Aku dŭh tung ong.

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

GALATIA 6:9

Ka dŭhnyah meh ata kawŭk ndai pingandai kana; amai kambŭi ata dŭh jimŭ, andu-i re mandŭg kan ata re kambat upah-i.

HEBREW 10:39

Ata dŭh inŭh daya adi dŭh sabah di Tapa, ka adi manyap. Ata inŭh daya adi biyŭn pinyabah ka adi mbŭh siramat.

HEBREW 3:14

Amai sopŭrŭg ata samah nyiraja ngga Kristus kambŭi ata bidigŭng tagap di atin-sabah ta anŭ adi ata mbŭh biyŭn so sibungas ndŭg sikasŭn-i.

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

1 JOHN 3:13

Jadi dŭhnyah meh gŭgŭh, bara dingan ku, kambŭi daya di ong tiru di angān.

PINANDŬNG 2:10

Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.

PINANDŬNG 3:10

Sabab kuu mbŭh dingah pinyipesan Ku ngga mu jadi tŭtŭd, Aku re kingat gŭh kuu di tika pinyusah adi re mandŭg ka ong adi ngga sopŭrŭg daya di ong dog suba.