MARK 12:29 - Hakcipta - Biatah Bidayuh

²⁹ Jesus nam, “Adi siabo biguna inŭh ati: ‘Dingah, O Israel! Tuhan Tapa ta agi sadi-I Tuhan.

MARK 12:29 ပူးပေါင်းရင်းမြစ်များ

MAZMUR 86:10

Kaam inŭh bikuasa ka ndai kayuh adi saruh; Kaam sadi inŭh Tapa.

PITAS 23:26

Nakit ngatin, nak, ka tunda suto danding pimudip ku.

MATTHEW 10:37

“Ngara adi rindu sama-i puan kah sindŭ-i rabis so Aku dŭh inŭh tibirang jadi murid Ku; ngara adi rindu anak dari-i puan kah anak dayung-i rabis so Aku dŭh inŭh tibirang jadi murid Ku.

MATTHEW 23:9

Ka angān dŭh siŭn kadŭn tadŭ tadŭ daya di ong ‘Sama,’ sabab angān biyŭn ndi adŭ Sama di shorga.

LUKE 10:27

Daya anŭ nam, “ ‘Rindu Tuhan adi Tapa mu ngga siabo abo atin mu, ngga siabo abo simangi mu, ngga siabo abo asŭng mu, ka ngga siabo abo pikir mu’; ka ‘Rindu dingan mu nimun kuu rindu adŭp mu.’ ”

ROME 3:30

Tapa inŭh ndi, ka Ayŭh bada daya Jahudi bamai ngga adŭp-I sabab pinyabah ngara, ka re bada daya adi dŭh bangsa Jahudi bamai ngga adŭp-I so ka pinyabah ngara.

1 CORINTH 8:4

Jadi pasar man pinguman adi ko dog jugan ka tibudo: ata puan nang tibudo taŭn-i gambar yŭn kayuh adi dŭh sawŭ agi; ata puan Tapa agi ndi adŭ.

GALATIA 3:20

Daya-asah dog biguna kambŭi-i yŭn duwŭh naan daya adŭ; ka Tapa inŭh ndi.

DITRONOMI 10:12

“Madin, angān daya Israel, dingah nŭh kayuh adi TUHAN adi Tapa ngan mite so angān: Nyambah TUHAN ka ndai sopŭrŭg anŭ adi-I pesan. Rindu Ayŭh, bituan di Ayŭh ngga siabo atin ngan,

DITRONOMI 30:6

TUHAN adi Tapa ngan re nggen di angān ngga bara sesang ngan atin adi raan tunda pinganang-I, isa angān bisa rindu Ayŭh ngga siabo atin ngan, ka angān re gibabŭ rŭŭ di tarun tana anŭ.

DITRONOMI 6:4

“Israel, ingat ati! TUHAN — ka TUHAN sadi adŭ — inŭh Tapa ta.

1 TIMOTHY 1:5

Pinŭtŭn pritah ati inŭh ngga kies pinyirindu adi mandŭg so atin bisig, pikir-kira atin adi bisig, ka pinyabah adi sawŭ batur.

1 TIMOTHY 2:5

Amai agi ndi adŭ Tapa, ka agi ndi naan adŭ adi nguru manusia ka Tapa; Ayŭh anŭ Kristus Jesus,

JAMES 2:19

Sabah mu kah Tapa agi ndi adŭ? Bara umot sabah gŭh buang kimŭtŭr taru.