Kan ngara mbŭh ndŭg Jerusalem, Jesus di ka Ramin Tuhan ka piguru pibu sopŭrŭg daya adi bijua ka adi miris kayuh diginŭ. Ayŭh kureb mija ngara adi tukang nyambi duit samŭn baku ngara adi jua manuk asang,
Komŭnŭ Ayŭh ngajar bara daya: “Agi dog nuris di Surat-kudus Tapa nang, ‘Ramin-Ku re dog kadŭn ramin simayang yŭn sopŭrŭg bangsa daya.’ Pak angān mbŭh bada-i jadi tarun yŭn pirupak bisukan!”