“Pak daya Mai rawan ka dŭh tŭtŭd di Kaam; ngara nyipunok Ukum-adat Mai. Ngara siŭ nabi nabi adi bakan ngara, adi kidaan di ngara bada pari ka Kaam. Ngara ari ngamun Kaam,
“Angān daya adi paŭh baking! Nimun ngara adi dŭh biguna di Tapa, angān dŭh an kuka atin ngan di pinganang Tapa! Angān mbŭh mun tayung-babuk ngan, ari rawan Roh Kudus!
“Nyamtadar-i ndi naan daya sawŭn ndi naan dayung, ka dŭh tui ripas anŭ ayŭh matŭd pikir-i dŭh raan dayung anŭ, sabab ayŭh mbŭh puan kayuh adi dŭh-i suka pasar dayung anŭ. Jadi ayŭh nuris surat birakang ka nggen-i di dayung anŭ, ka pibu ayŭh so ramin-i.