MARK 10:30 - Hakcipta - Biatah Bidayuh

³⁰ re kambat rabis bagŭ-i di jaman ati. Ngara re kambat siratus rupet bagŭ-i ramin, jurud dari, jurud dayung, sindŭ, anak, ka teya; samŭn pinyikisiis ani. Ka di jaman adi re mandŭg ngara re kambat udip adi sawŭ adi tan adu adu.

MARK 10:30 ပူးပေါင်းရင်းမြစ်များ

2 KRONIKEL 25:9

Amaziah siken nabi anŭ, “Pak simuki meh ngga sopŭrŭg pirak adi aku muko nggen ngga ngupah ngara?” Nabi anŭ nam, “TUHAN bisa nggen pari ka kuu rabis so anŭ!”

MAZMUR 84:11

TUHAN inŭh pinyigrindung ngga raja ta adi bibragah, nyiberkat ata ngga mandis ngga stabi. Ayŭh dŭh abah nggen tadŭ tadŭ kayuh kana di ngara adi ndai kayuh adi batur.

PITAS 16:16

Jo kana-i, nŭŭh biyŭn pinyibijak ngga pinyipuan so nŭŭh biyŭn mas ngga pirak.

MALACHI 3:10

Taban sopŭrŭg pinganggen ndi utung-so-simŭng ngan ka Ramin TUHAN, isa pinguman jadi bagŭ diginŭ. Suba Aku, ka angān re kiris Aku kuka pinjan shorga ka ren di tunduh ngan barang masam kayuh kana.

MATTHEW 12:32

Daya adi nang pinganang arap rawan Anak Manusia dapŭd dog apun; pak daya adi ngujat rawan Roh Kudus dŭh dapŭd dog apun, madin bait di tadŭ nga-i.

MATTHEW 13:8

Pak kada bine rabu di tana mandis, ka ayŭh piruah bagŭ buwa: kada-i biyŭn siratus rupet, adi bŭkŭn nŭm puru, ka adi bŭkŭn taruh puru.”

MATTHEW 6:33

Pak mbit bat di Pinyipritah Tapa ka ndai pinyiraan-I, ka Ayŭh re nggen di angān sopŭrŭg kayuh anŭ.

LUKE 18:30

re kambat rabis bagŭ-i di jaman ati ngga udip adi sawŭ adi tan adu adu di jaman adi re mandŭg.”

JOHN 10:23

Jesus agi aŭn panu di Awah-Solomon di Ramin Tuhan,

PINGANDAI 14:22

Ngara nagap bara pinunda diginŭ buang ngatat ngara da bijijŭ darŭm pinyabah. Ngara ngajar, “Ata dŭh siŭn dŭh an kinyam bagŭ pinyusah sibayuh ata kinyam Pinyipritah Tapa.”

PINGANDAI 16:25

Ngga arong sitŭrŭp ngarŭm Paul ngga Silas simayang buang nyanyi ka Tapa; bara daya adi dog jer adi bŭkŭn nyiringa ngara.

PINGANDAI 5:41

Darŭm bara pinyuruh bu so Kunsil, ngara mbŭh sanang asŭng, sabab mbŭh tibirang di sirung jawin Tapa kinyam mangŭh yŭn adŭn Jesus.

ROME 5:3

Ata gŭh mingangŭn di pinyusah ta, sabab ata puan nang pinyusah pijadi pinyitŭtŭd atin,

ROME 6:23

Dosa nggen pinyikabŭs ndu upah; pak pinganggen bās Tapa inŭh udip adi sawŭ adi tan adu adu ngga Kristus Jesus Tuhan ta.

2 CORINTH 6:10

Sunggu dog pinyusah, kieh siraru gaŭn; mun adi sirata, pak kieh bada bagŭ daya kaya; mun adi dŭh biyŭn kayuh, pak kieh biyŭn sopŭrŭg kayuh.

PHILIPPI 3:8

Dŭh anŭ adŭ; aku nang sopŭrŭg kayuh dŭh biguna sabab anŭ adi rabis biguna, anŭ inŭh pinyipuan pasar Kristus Jesus Tuhan ku. Sabab Ayŭh aku mbŭh taran sopŭrŭg kayuh; aku nyirundeng sopŭrŭg-i sapok, ramŭn ku an dapŭd Kristus

2 THESSALONICA 2:16

Isa-i adŭp Tuhan ta Jesus Kristus ka Tapa adi Sama ta, adi rindu ata ka adi ngga pinyirasi mandis-I mbŭh nggen di ata pinyibirani ngga pingarap adi tan,

1 TIMOTHY 4:8

Pigagah pŭrŭng agi kana-i, pak pigagah darŭm roh bagŭ yŭn-i kana, sabab-i natu pimudip adi madin ngga adi jŭ.

1 TIMOTHY 6:6

Adat bisa bada daya kaya, kambŭi daya puas ngga anŭ adi-i biyŭn.

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

JAMES 5:11

Kieh kadŭn ngara sanang sabab ngara tan. Angān ko dingah pasar atin sabar Job, ka munki Tuhan di pinŭbŭn-i turung ayŭh. Ayŭh simŭnŭ amai Tuhan mandis buang puno ngga atin masi.

1 JOHN 2:25

Ka ati inŭh kayuh adi Kristus ko bijanji an nggen di ata, udip adi sawŭ adi tan adu adu.

1 JOHN 3:1

Tingga, munki masam bās-i pinyirindu Tapa di ata! Pinyirindu-I raru bās ndŭg ka ata mbŭh dog kadŭn anak Tapa. Anŭ taŭn-i sawŭ, ngapŭi ong dŭh puan ata, sabab-i dŭh puan Tapa.

PINANDŬNG 2:9

Aku puan pinyusah mu; Aku puan kuu sirata, pak kuu sawŭ kaya! Aku puan pinganang arap adi daya nang maka kuu. Ngara nang adŭp-i daya Jahudi pak sibandar-i dŭh. Ngara inŭh tibaran adi dog dapu Shetan!

PINANDŬNG 3:18

Sabab anŭ Aku pitayan kuu, miris mas so Aku, tigŭrŭ mas, ngga mu jadi kaya. Miris gŭh piraka buda ngga kibarui adŭp mu ka nutu adŭp mu adi sitagor. Miris gŭh inyo ngga nginyo batŭh mu, isa kuu bisa kiris tarun.