MARK 10:14 - Hakcipta - Biatah Bidayuh

¹⁴ Kan Jesus kiris, Ayŭh tuas ka nang di bara murid-I, “Bada bara anak-sŭ anŭ mandŭg ka Aku, ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.

MARK 10:14 ပူးပေါင်းရင်းမြစ်များ

TIBIRIK 17:7

“Aku re kingat janji Ku di kuu ka di sesang mu di turap turap adi re, da jadi simanya adi tan adu adu. Aku re jadi Tapa mu ka Tapa bara sesang mu.

MAZMUR 78:4

Kieh dŭh re dŭh kidaan-i di bara anak ami; kieh re kidaan di turap bauh pasar kuasa TUHAN ngga pingandai bās-I ka kayuh saruh adi Ayŭh mbŭh ndai.

ISAIAH 65:23

Ngara re mujur di kraja pingandai adŭp ngara, ka anak anak ngara re dŭh dog pinyirusag. Aku re nyiberkat ngara samŭn sesang ngara ndŭg situi tui.

PINYIKIANG 14:31

Angān nang bara anak ngan re dog nakap pinganyu, pak Aku re taban ngara ka tana anŭ adi abah ngan, ka-i re jadi tarun yŭn ngara rŭŭ.

MATTHEW 18:10

“Ingat nŭh, dŭhnyah ngamun tadŭ tadŭ so ngara adi sŭ ati. Malaikat ngara di shorga, Aku kidaan di angān, agi siraru di sirung jawin Sama Ku di shorga. [

MATTHEW 18:4

Adi siabo bās di dupan ngara adi kinyam Pinyipritah Tapa inŭh sianŭ adi pirapat adŭp-i mun anak-sŭ ati.

MATTHEW 19:14

Jesus nang, “Bada bara anak-sŭ anŭ mandŭg ka Aku ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.”

MATTHEW 5:10

Sanang inŭh ngara adi dog kisiis sabab ngara ndai pinyiraan Tapa; ngara inŭh adi kinyam Pinyipritah Tapa.

MATTHEW 5:3

“Sanang inŭh ngara adi puan adŭp-i biguna di Tapa; ngara inŭh adi kinyam Pinyipritah Tapa!

MARK 3:5

Jesus tuas buang-I tingga ngara bait tauh-I, pak masi di ngara, sabab ngara paŭh baking buang sarah. Jadi Ayŭh nang di daya anŭ, “Ton tangan mu.” Ayŭh ton tangan-i, ka-i pari bua.

MARK 8:33

Pak Jesus bigiring, kimat bara murid-I, ka nyara Peter. “Bu so Aku, Shetan,” Ayŭh nang. “Pikir-kira mu dŭh mandŭg so Tapa pak so manusia!”

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

JOHN 3:5

“Aku kidaan di kuu kayuh adi sawŭ,” Jesus nam, “mating daya tungang kinyam Pinyipritah Tapa kambŭi ayŭh dŭh dog biranak bauh ngga piin ka ngga Roh Kudus.

PINGANDAI 2:39

Amai janji Tapa mbŭh dog ndai di angān samŭn di anak ngan, ka di sopŭrŭg adi rŭŭ di tarun jo; sopŭrŭg, adi Tuhan Tapa ta ko bagan ka adŭp-I.”

PINGANDAI 3:25

Janji Tapa so baba bara nabi-I mbŭh yŭn ngan, ka angān mbŭh sua dapu simanya adi Tapa ko ndai ngga tayung-babuk ngan. Nimun adi ko-I nang di Abraham, ‘So bara sesang ngan Aku re nyiberkat sopŭrŭg bangsa daya di ong.’

ROME 11:16

Kambŭi sibungas kiping ruti dog nggen di Tapa, ndi baru anŭ mbŭh tung jangi gŭh; ka kambŭi uat tŭngŭn kayuh dog jugan ka Tapa, dudu daan-i mbŭh jangi gŭh.

ROME 11:28

Sabab daya Jahudi tirawan Agah Kana, ngara mbŭh jadi pinganyu Tapa yŭn kana ngan daya adi dŭh bangsa Jahudi. Pak sabab-i mbŭh pimien Tapa, ngara mbŭh dingan-I sitagar tayung-babuk ngara.

1 CORINTH 14:20

Dŭhnyah bipikir mun anak daya, bara dingan ku. Angān patut keya ka anak-anya jeja ka kayuh adi arap, pak jadi daya tuuh darŭm pikir ngan.

1 CORINTH 7:14

Amai banŭh adi dŭh Kristen mbŭh dog trima Tapa darŭm-i bisindi ngga sawŭn-i, ka sawŭn adi dŭh Kristen mbŭh dog trima Tapa darŭm-i bisindi ngga banŭh-i adi Kristen. Kambŭi dŭh simŭnŭ, anak ngara re jadi keya ka anak daya adi dŭh puan Tapa; pak darŭm-i simŭnŭ, ngara mbŭh dog trima Tapa.

EPHESUS 4:26

Kambŭi angān baji, dŭhnyah bada baji ngan bada angān bidosa; ka dŭhnyah baji ndŭg batŭh andu simŭdŭp.

DITRONOMI 4:37

Sabab Ayŭh rindu tayung-babuk ngan, Ayŭh mien angān, ka ngga kuasa-I adi bās Ayŭh mbŭh taban angān ngga ruah so Egypt.

2 TIMOTHY 1:5

Aku ingat pinyabah mu adi so atin tŭnggŭn mu, pinyabah adi mun tung simbuk mu Lois ka adi mun tung sindŭ mu Eunice. Aku taŭn manŭn puan kuu biyŭn pinyabah adi mun tung ngara.

2 TIMOTHY 3:15

ka kuu ingat so mu gi-sŭ kuu mbŭh puan Surat-kudus, adi bisa nggen di kuu pinyibijak adi ngga kuu dapŭd pinyiramat so ka pinyabah di Kristus Jesus.

JOSHUA 8:35

Barang Pinyipesan Moses dog basa Joshua di sirung jawin daya bagŭ adi agi tikuruk diginŭ, samŭn bara dayung ngga anak-anya, ngga bara daya pinami adi agi rŭŭ bigaur ngga ngara.

1 PETER 2:2

Bada adŭp ngan mun anak pira adi bauh dog biranak, siraru aus an nok sisuh roh, isa darŭm angān nok-i angān bisa dŭ dŭ kambang ka dog nyiramat.

PINANDŬNG 14:5

Ngara bŭn nang piminyu kadong; ngara dŭh biyŭn sarah.

1 SAMUEL 1:11

Hannah bipayu nang, “O TUHAN adi Bisa-pŭrŭg, tingga aku ati adi urun Mai! Tingga pinyusah ku ka ingat aku! Dŭhnyah kambŭt aku! Kambŭi Kaam nggen anak dari di aku, aku bijanji aku re nitah ayŭh ka Kaam sitŭkŭd umbur-i ka ayŭh re bŭn kapŭg ubok-i.”

1 SAMUEL 1:22

Pak saba anŭ Hannah dŭh sua. Ayŭh kidaan di banŭh-i, “Kan anak ta ati mbŭh dŭh tia nyisuh, aku re taban ayŭh ka ramin TUHAN, di yŭn-i re rŭŭ sitŭkŭd umbur-i.”