MARK 1:21 - Hakcipta - Biatah Bidayuh

²¹ Jesus ngga bara murid-I mandŭg ka kupo Capernaum, ka di andu Sabbath anŭ ndi Jesus di ka ramin simayang-Jahudi ka piguru ngajar.

MARK 1:21 ပူးပေါင်းရင်းမြစ်များ

MATTHEW 4:13

Ayŭh dŭh rŭŭ di Nazareth, pak matak di rŭŭ di Capernaum, kupo di bŭngŭn Danu Galilee, di tarun tana Zebulun ka Naphtali.

MATTHEW 4:23

Jesus panu di ndi tarun tana Galilee, ngajar di ramin ramin simayang-Jahudi, nyuse Agah Kana pasar dŭm dŭh tui Tapa re mritah, ka pibua bagŭ daya adi naman barang masam andam ka udar.

MARK 1:20

Kan Jesus kiris ngara, Ayŭh rasu bagan ngara; ngara tingge sama-i Zebedee darŭm arud ngga bara daya-gaji ka tunda Jesus.

MARK 1:29

Jesus ngga bara murid-I, samŭn James ngga John, ruah so ramin simayang-Jahudi ka panu di ka ramin Simon ngga Andrew.

MARK 1:33

Sopŭrŭg daya di kupo anŭ tikuruk di rawa ramin anŭ.

MARK 1:39

Jadi Ayŭh panu di ndi tarun tana Galilee, ngajar di ramin ramin simayang-Jahudi ka pibu umot.

MARK 10:1

Komŭnŭ Jesus bu so nŭ, matak ka utung rais Judea, ka mutas Yang Jordan. Bara daya bagŭ mandŭg ka tikuruk maning Ayŭh dinge, ka Ayŭh ngajar ngara, nimun adi mbŭh.

MARK 2:1

Dŭh tui ripas anŭ Jesus pari ka Capernaum, ka agah pasar Ayŭh agi di arŭn-I mbŭh tambus kajit daya bagŭ.

MARK 3:1

Komŭnŭ Jesus pari ka ramin simayang-Jahudi, di yŭn agi ndi naan daya adi tangan-i mabŭs ndi.

MARK 6:2

Di andu Sabbath Ayŭh piguru ngajar di ramin simayang-Jahudi. Diginŭ agi bagŭ daya; ka kan ngara dingah ajar-I, ngara mbŭh inga inga. “So ki ayŭh dapŭd sopŭrŭg kayuh ati?” ngara siken. “Pinyibijak ani ati adi mbŭh dog nggen di Ayŭh? Simuki Ayŭh ndai pingandai-nginga?

LUKE 10:15

Ka kuu, Capernaum! Dŭh kah kuu ko an katuh adŭp mu ndŭg shorga? Kuu re dog taran ka neraka!”

LUKE 13:10

Di ndi andu Sabbath Jesus ngajar di ramin simayang-Jahudi.

LUKE 4:16

Komŭnŭ Jesus di ka Nazareth, tarun yŭn-I ko dog mira. Diginŭ Ayŭh di ka ramin simayang-Jahudi nimun kanyet-I di andu Sabbath. Ayŭh mijog re basa Surat-kudus

LUKE 4:23

Ayŭh nang di ngara, “Tatu angān re ngagit pinganang pitas ati di Aku, ‘Doktor, pibua adŭp Mai.’ Angān re bada gŭh Aku ndai digiti di kupo adŭp Ku kayuh anŭ adi angān dingah mbŭh dog ndai di Capernaum.

PINGANDAI 17:2

Nimun kanyet-i Paul di ka ramin simayang-Jahudi anŭ. Diginŭ, sitadŭn taruh andu Sabbath, ayŭh taban bara daya ngga kirakar, pakai pinganang Surat-kudus

PINGANDAI 18:4

Barang andu Sabbath di ramin simayang-Jahudi ayŭh kirakar ngga bara daya, suba an bada daya Jahudi ka daya Greek sabah di Jesus.