MALACHI 4:3 - Hakcipta - Biatah Bidayuh

³ Di andu Aku makat ndai kayuh, angān re ngarah daya ginaka, ka ngara re keya ka dabu tana di punda kaja ngan.

MALACHI 4:3 ပူးပေါင်းရင်းမြစ်များ

TIBIRIK 3:15

Aku re bada kuu ngga dayung anŭ tiru di dingan ngan; bara sesang-i ngga tung jamu re jadi pinganyu. Anak sukuh-i re mŭmŭs ubak mu ka kuu re kuut tiga ngara.”

2 SAMUEL 22:39

Aku mukong ngara ndŭg ka ngara dŭh tungang makat; ngara tumbang arah di sirung jawin ku.

2 SAMUEL 22:43

Aku pirandŭk ngara, ka ngara jadi mun dabu; aku bidigang di tunduh ngara keya ka tawang di aran kupo.

JOB 40:12

Sawŭ, tingga ngara ka bisor ngara; pirandŭk daya ginaka di yŭn ngara mijog.

MAZMUR 147:6

Ayŭh pakat ngara adi pirapat adŭp-i, pak bada asur di tana daya ginaka.

MAZMUR 49:14

ngara mbŭh dog natu bada kabŭs mun biri, ka Pinyikabŭs re jadi pingingat ngara. Daya tŭnggŭn re mritah ngara, darŭm pŭrŭng ngara rikas madam di sibayan jo so arŭn adŭp ngara.

MAZMUR 91:13

Kuu re digang singah ngga jippŭh, singah adi gaok ngga jippŭh adi bisā.

ISAIAH 25:10

TUHAN re grindung Sandah Zion, pak daya Moab re dog digang, keya ka siriyang dog digang di tarun yŭn adi kais.

ISAIAH 26:6

Ngara adi dog kinanyuh panu ka bidigang dieh madin.

PUĀS 1:15

“TUHAN tirawan sopŭrŭg soldadu ku adi siabo bake; Ayŭh pait ndi tibaran bara soldadu bada pirabur bara dari ku adi mara. Ayŭh pirandŭk daya ku mun daya mŭ buwa anggor.

EZEKIEL 28:18

Dagang mu puno ngga pingandai arap ndŭg ka tarun yŭn bisambah mu mbŭh sembar. Ngapŭi Aku sigot kupo mu ndŭg ka rŭpŭg. Madin sopŭrŭg daya kiris kuu mbŭh jadi apŭk.

DANIEL 7:18

Ka daya Tapa adi Siabo Bigatung, re kambat kuasa-raja ka nyikŭn-i ndŭg situi tui.”

DANIEL 7:27

Kuasa ngga sangŭn sopŭrŭg pritah di ong re dog nggen di daya Tapa adi Siabo Bigatung. Kuasa-raja ngara dŭh re mungan ka sopŭrŭg pimritah di ong re bituan ka nundok di ngara.”

MICAH 5:8

Ngara adi babŭ udip di dupan bangsa bangsa re keya ka singah bidandong jiroh pinguman di tuān bait di tarun tana kupai: kan-i mbŭh di ruang kaban biri, singah anŭ mirupat di tunduh biri, ka nyirigat-i; mating daya dapŭd nyiramat-i.

MICAH 7:10

Komŭnŭ pinganyu ta re kiris kayuh anŭ ka re mangŭh. Ngara inŭh pinganyu adi kinuas ata, adi nang, “Diki TUHAN adi Tapa ngan?” Ata re kiris ngara dog ngarah, dog digang mun tawang di aran.

ZECHARIAH 10:5

Daya Judah re manang mun bara soldadu adi bidigang di tunduh pinganyu di tawang di aran. Ngara re biperang sabab TUHAN agi ngga ngara, ka ngara re ngarah ndŭg ka bara pinganyu adi nunggang kuda.

MALACHI 3:17

“Ngara re jadi daya Ku,” nang TUHAN Bisa-pŭrŭg. “Di andu Aku makat ndai kayuh, ngara re jadi tung jaku. Aku re masi di ngara, nimun sama masi di anak adi bituan di adŭp-i.

ROME 16:20

Ka Tapa, adi atak damai, re rikas pirandŭk Shetan di ribo kaja ngan. Pinyirasi-mandis Tuhan ta Jesus, agi ngga angān.

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”

PINANDŬNG 14:20

Buwa buwa anggor dog mŭ di tarun yŭn-i dog mŭ di sapa kupo, deya ruah so nŭ ka paman mun uba, taruh ratus kilomita jo-i ka agi duwŭh mita tŭrŭp-i.