MALACHI 4:2 - Hakcipta - Biatah Bidayuh

² Pak yŭn angān adi nundok di Aku, kuasa Ku adi nyiramat angān re makat keya ka batŭh andu, ka kuasa Ku anŭ re nggen pinyibua keya ka jawa batŭh andu. Angān re dog pirupas ka gaŭn keya ka anak sapi dog piruah so kandang.

MALACHI 4:2 ပူးပေါင်းရင်းမြစ်များ

2 SAMUEL 23:4

mbŭh keya ka batŭh andu nyekar di rangit kan abun mating dieh, keya ka sekar batŭh andu adi bada kupai mikirab ripas ujen.”

MAZMUR 103:3

Ayŭh apun sopŭrŭg dosa ku ka pibua sopŭrŭg andam ku.

MAZMUR 147:3

Ayŭh nguri atin ngara adi asur, ka marut tawan ngara.

MAZMUR 61:5

Kaam mbŭh dingah janji ku, O Tapa, ka Kaam mbŭh nggen di aku kayuh ngara adi stabi di Kaam.

MAZMUR 67:1

Tapa, masi di kieh ka nyiberkat kieh; tingga kieh ngga mandis,

MAZMUR 84:11

TUHAN inŭh pinyigrindung ngga raja ta adi bibragah, nyiberkat ata ngga mandis ngga stabi. Ayŭh dŭh abah nggen tadŭ tadŭ kayuh kana di ngara adi ndai kayuh adi batur.

MAZMUR 85:9

Ayŭh sawŭ mbŭh sidia an nyiramat ngara adi stabi di Ayŭh, ka bragah-I re rŭŭ di tarun tana ta.

PITAS 4:18

Aran adi daya tŭnggŭn kadŭg inŭh keya ka batŭh andu makat, adi dŭ dŭ jawa ndŭg ka-i mbŭh jadi jawa sandu.

ISAIAH 30:26

Buran re jawa mun batŭh andu, ka batŭh andu re pikuju kari jawa so adi mbŭh, mun jawa ju andu dog nyekar ndi sidah. Sopŭrŭg kayuh anŭ re jadi kan TUHAN marut ka pibua tawan adi-I mbŭh ndai di daya-I.

ISAIAH 35:6

Daya bajang re mirupat ka bitanda, ka ngara adi dŭh pandai minyu re nyirais ngga gaŭn. Anak anak sungi re aman di tarun tana-pajam;

ISAIAH 49:6

TUHAN nang di aku, “Aku biyŭn kraja adi rabis bās yŭn mu, urun Ku. Dŭh-i kuu re bada pari bās adŭ daya Israel adi babŭ udip, pak Aku re bada kuu jadi jawa ani yŭn bangsa bangsa; isa sopŭrŭg daya di ong dapŭd dog nyiramat.”

ISAIAH 50:10

Sopŭrŭg ngan adi stabi di TUHAN adi dingah pinganang urun-I, aran adi angān kadŭg kadŭ-i karŭm patŭ', pak sabah di TUHAN, bisangan di Tapa ngan.

ISAIAH 53:5

Pak sabab dosa ta ayŭh mbŭh tawan, dog pukong sabab arap adi ata mbŭh ndai. Ukum adi ayŭh kinyam pibua ata, ka ata mbŭh bua amai pukong adi ayŭh trima.

ISAIAH 9:2

Daya adi panu darŭm karŭm mbŭh kiris jawa adi bās. Ngara udip di tarun tana singangi, pak madin jawa nyekar ngara.

JEREMIAH 17:14

TUHAN, pibua aku ka aku re batur batur bua; nyiramat aku ka aku re sukup siramat. Kaam inŭh adi aku muji!

JEREMIAH 30:17

Aku re bada angān pari bua; Aku re pibua tawan ngan, sunggu angān nang, ‘Zion mbŭh dog taran; mating daya piduri ayŭh.’ Aku, adi TUHAN, mbŭh minyu.”

JEREMIAH 33:6

Pak Aku re pari pijog kupo ati samŭn bara daya-i ka bada ngara bua sanang. Aku re bada ngara udip sukup pagŭng buang siramat.

EZEKIEL 47:12

Di soduwŭh tabing anak sungi anŭ bagŭ masam tŭngŭn kayuh adi bisa buān re timbu. Dawŭn-i re dŭh rayu, ka-i re dŭh rŭŭ buān. Tŭngŭn tŭngŭn anŭ re biyŭn buwa bauh barang buran, sabab-i dog misa piin so anak sungi adi aman so Ramin TUHAN. Buwa buwa tŭngŭn kayuh anŭ re jadi pinguman, ka dawŭn dawŭn-i re dog pakai ngga pibua daya.”

HOSEA 6:1

Daya Israel nang, “Ja pari ka TUHAN! Ayŭh kinaman ata, pak Ayŭh tatu re pibua ata; Ayŭh bada ata tawan, pak Ayŭh tatu re marut tawan ta.

HOSEA 6:3

Ja ata suba puan TUHAN. Ayŭh re sawŭ mandŭg ka ata nimun batŭh andu sawŭ re makat, nimun ujen adi misa tana sawŭ re mandŭg di tipuh bunga.”

MALACHI 3:16

Komŭnŭ daya adi taru di TUHAN minyu dupan adŭp ngara, ka TUHAN nyiringa ka dingah kayuh adi ngara nang. Di sirung jawin-I, agi dog nuris darŭm surat dŭn ngara adi taru di TUHAN ka adi stabi di Ayŭh.

MATTHEW 11:5

daya karak dapŭd kiris, daya bajang dapŭd panu, ngara adi naman andam kurit adi bisā mbŭh dog pibisig, daya bangam dapŭd dingah, daya kabŭs dog pakat, ka Agah Kana mbŭh dog nyuse di daya sirata.

MATTHEW 23:37

“Jerusalem, Jerusalem! Kuu siŭ bara nabi ka manjan ngga batŭh bara pinyisung adi Tapa pait ka kuu! Pikudu kari Aku raan dakŭp sopŭrŭg daya mu, nimun sindŭ siok nguruk anak anak-i di ribo urad-i, pak daya daya mu abah!

LUKE 1:50

so turap ndi ndŭg turap andi Ayŭh kiren masi-I di ngara adi stabi di Ayŭh.

LUKE 1:78

Tapa ta masi buang duduh. Amai an nyiramat ata, Ayŭh re mandŭg. Keya ka pinusak batŭh andu

LUKE 2:32

Jawa adi kiren pinyiraan Mai di daya bangsa bŭkŭn ka taban bragah ka daya Mai Israel.”

JOHN 1:14

Pinganang jadi manusia ka, puno ngga pinyirasi-mandis ngga pinyawŭ, mbŭh rŭŭ di ruang ta. Ata mbŭh kiris bragah-I; bragah adi-I kambat jadi Anak tambŭ Sama-I.

JOHN 1:4

Pinganang inŭh adi atak udip, ka udip anŭ taban jawa ka manusia.

JOHN 1:8

Adŭp-i dŭh jawa anŭ, pak-i mandŭg di kidaan pasar jawa anŭ.

JOHN 12:40

“Tapa mbŭh kinarŭm batŭh ngara, ka mbŭh bada atŭk ngara madŭd; isa batŭh ngara dŭh kiris, ka atŭk ngara dŭh mirati, ka ngara dŭh tudu Aku, mite Aku pibua ngara, Tuhan nang”

JOHN 8:12

Jesus minyu di bara daya Pharisee dinge. “Aku ati inŭh jawa ong,” Ayŭh nang. “Daya adi tunda Aku re biyŭn jawa adi nggen udip ka dŭh re panu darŭm karŭm.”

JOHN 9:4

Siragi andu babŭ jawa, ata dŭh siŭn dŭh an ndai pingandai adi-I pait Aku da ndai; kan-i mbŭh karŭm, mating daya bisa nyiraja.

PINGANDAI 13:26

“Bara dingan ku daya Israel, adi bara sesang Abraham, ka sopŭrŭg adi dŭh bangsa Jahudi digiti adi nyambah Tapa: yŭn ata inŭh Tapa mbŭh pait agah pinyiramat anŭ.

PINGANDAI 13:47

Amai sakati inŭh pinyipesan adi Tuhan mbŭh nggen di kieh: ‘Aku mbŭh bada angān jadi jawa yŭn bara daya adi dŭh bangsa Jahudi, isa ndi ong ong bisa dog nyiramat.’ ”

PINGANDAI 26:18

Kuu siŭn kuka batŭh ngara isa ngara pari so karŭm ka jawa, ka pari so kuasa Shetan di ka Tapa, isa ngara so ka pinyabah di Aku bisa dapŭd pingapun dosa samŭn pinyirŭŭ samah ngga bara daya adi Tapa mbŭh mien.’

2 THESSALONICA 1:3

Bara dingan, kieh dŭh siŭn dŭh an siraru nggen trima kaseh di Tapa sabab angān. Patut inŭh kieh ndai simŭnŭ, sabab pinyabah ngan mbŭh bana kambang ka pinyirindu ngan dupan adŭp ngan mbŭh dŭ dŭ bitambah.

2 PETER 1:19

Anŭ sabab kieh mbŭh rabis sabah nang agah adi ko dog piagah bara nabi agi sawŭ. Angān patut nakit mbit bat di agah anŭ, sabab-i agi keya ka prita nyekar darŭm karŭm ndŭg andu jawa, ka keya ka jawa bitang isan isan nyekar darŭm atin ngan.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.

1 JOHN 2:8

Pak pinyipesan adi aku nuris ka angān madin inŭh bauh, sabab pinyawŭ-i agi tatŭng darŭm Kristus ka darŭm angān gŭh. Amai karŭm re ripuan, ka jawa adi sawŭ mbŭh agi nyekar.

PINANDŬNG 11:18

Daya adi dŭh puan Kaam mbŭh baji, sabab tika adi ngga Kaam kiren baji Mai mbŭh mandŭg, tika adi ngga daya adi mbŭh kabŭs dog bisara. Tika-i mbŭh mandŭg adi ngga urun Mai adi bara nabi dog ngupah, samŭn sopŭrŭg daya Mai, sopŭrŭg ngara adi stabi ka taru di Kaam, adi bās ngga adi sŭ. Tika-i mbŭh mandŭg ngga bada ngara adi pirusak ong binasa!”

PINANDŬNG 22:16

“Aku, Jesus, mbŭh pait malaikat Ku da kidaan kayuh kayuh ati di barang eklisia. Aku ati sesang David; Aku ati bitang adi jawa nyekar isan isan.”

PINANDŬNG 22:2

ka aman di yun aran raya di kupo. Di so-duwŭh parad sungi anŭ agi tŭngŭn kayuh adi nggen udip, adi buān simŭng-duwŭh kari darŭm ndi sawa, anŭ inŭh ndi buran ndi sidah. Dawŭn-i bisa dog pakai ngga pibua barang bangsa.

RUTH 2:12

Isa-i TUHAN ngupah kuu sabab kayuh adi mbŭh mu ndai. Isa-i kuu dapŭd upah ngga sipuno-i so TUHAN adi Tapa Israel, adi kuu mbŭh tudu yŭn pinyigrindung.”