MALACHI 3:3 - Hakcipta - Biatah Bidayuh

³ Ayŭh re mandŭg di bisara daya, mun daya pibisig ka pijarŭh pirak. Nimun tukang basi pibisig pirak ngga mas, simŭnŭ inŭh pinyisung TUHAN re pibisig bara imam, isa ngara taban ka TUHAN sadis adi batur.

MALACHI 3:3 ပူးပေါင်းရင်းမြစ်များ

MAZMUR 116:17

Aku re nggen di Kaam sadis trima kaseh ka jugan dua ku ka Kaam.

MAZMUR 4:5

Jugan sadis adi batur ka TUHAN, ka sabah di Ayŭh.

MAZMUR 4:6

Bagŭ daya bidua: “Nggen bagŭ berkat di kieh, O TUHAN. Tingga kieh ngga mandis Mai!”

MAZMUR 50:14

Bada pinganggen trima kaseh jadi sadis ngan ka Tapa, ka nggen di Ayŭh adi Bisa-pŭrŭg sopŭrŭg adi angān mbŭh bijanji an nggen.

MAZMUR 50:23

Pinganggen trima kaseh inŭh sadis adi ngga stabi di Aku, ka Aku sawŭ re nyiramat daya adi stabi di Aku.”

MAZMUR 51:19

Komŭnŭ Kaam re munos asŭng di sadis adi batur ka di sadis badang ami; ka dari dari sapi re dog nyadis di tunduh mija-sambah Mai.

MAZMUR 66:10

Kaam mbŭh suba kieh, Tapa; nimun pirak dog pibisig ngga apui simŭnŭ gŭh Kaam ngga kieh.

PITAS 17:3

Mas ngga pirak dog suba ngga apui, ka atin daya dog suba TUHAN.

PITAS 25:4

Pibisig pirak so rŭnŭk-i, ka tukang pirak dapŭd ndai kayuh adi grua.

ISAIAH 1:25

Aku re ngukum kuu. Aku re pibisig kuu mun daya pibisig basi, ka re taran sopŭrŭg pinyikais mu.

ISAIAH 48:10

Aku mbŭh suba angān ngga apui sangsara, mun pirak dog suba ngga apui. Pak Aku mbŭh dapŭd angān dŭh biguna.

ISAIAH 61:6

Ka angān re dog puan jadi imam imam TUHAN, bara urun Tapa ta. Angān re kinyam pinyikaya bangsa bangsa ka re mingangŭn dapu pinyikaya anŭ.

JEREMIAH 9:7

Sabab anŭ TUHAN Bisa-pŭrŭg nang, “Aku re pibisig daya Ku mun tukang basi pibisig basi, siŭn ngara jadi bisig. Daya Ku mbŭh ndai arap, re simuki dinge Aku ngga ngara?

EZEKIEL 20:38

Aku re kadi so ruang ngan sinadan daya adi an birawan ka adi bidosa. Aku re kadi ngara so tarun tana adi yŭn ngara rŭŭ madin, pak Aku dŭh re bada ngara pari ka tarun tana Israel. Ka angān re puan nang Aku ati TUHAN.”

DANIEL 11:35

Kada so bara pinguru adi bijak anŭ re dog siŭ, pak so ka kayuh adi mun anŭ daya re dog pibisig. Kayuh anŭ re babŭ mun anŭ ndŭg ka pimungan-i, tika adi Tapa mbŭh miratak.

DANIEL 12:10

Bagŭ daya re dog pibisig. Ngara adi ginaka re dŭh mirati pak re adu adu ginaka; kaŭs-i daya adi bijak adŭ adi re mirati.

HOSEA 14:2

Pari ka TUHAN, ka bada dua ati jadi sadis ngan ka Ayŭh: “Apun sopŭrŭg dosa ami, ka kambat dua ami, ka kieh re muji Kaam nimun adi ko ami janji.

ZECHARIAH 13:9

Ka Aku re suba utung adi taruh adi siramat ka re pibisig ngara mun pirak dog pibisig ngga apui. Aku re suba ngara mun suba mas. Ka ngara re bidua ka Aku, ka Aku re nam ngara. Aku re kidaan di ngara nang ngara inŭh daya Ku, ka ngara re ngaku Aku ati Tapa ngara.”

MALACHI 4:1

TUHAN Bisa-pŭrŭg nang, “Andu re mandŭg adi ngga sopŭrŭg daya adi sambuh ngga adi arap re dog badang keya ka siriyang dog badang. Di andu anŭ ngara re abo dog badang, ndŭg ka mating ani ani dŭm so ngara.

PINYIKIANG 8:6

“Nyidŭrŭ daya Levi so daya Israel ka pibisig ngara

LUKE 3:16

Jadi John nang di sopŭrŭg ngara, “Aku baptisa angān ngga piin, pak Ayŭh adi rabis bās so aku re mandŭg. Bŭŭng kasut-I bina, dŭh aku pus re kuka. Ayŭh re baptisa angān ngga Roh Kudus ka ngga apui.

ROME 12:1

Bara dingan ku, sabab masi bās Tapa aku mite angān jugan adŭp ngan ka Tapa nimun sadis adi udip, bisig buang munos-I kiris. Anŭ inŭh aran adi batur ngga ta bituan di Ayŭh.

ROME 15:16

an bada aku jadi urun Kristus Jesus yŭn daya adi dŭh bangsa Jahudi. Aku kraja keya ka imam nyuse Agah Kana so Tapa, siŭn Roh Kudus bisa bada daya adi dŭh bangsa Jahudi jadi keya ka pinganggen adi tungang dog trima Tapa.

PHILIPPI 2:17

Kadŭ aku re dog siŭ ka deya ku re dog ren mun pinganggen di tunduh sadis adi angān jugan ka Tapa ngga kiren angān mbŭh sawŭ sabah di Ayŭh. Kambŭi anŭ sawŭ, sanang asŭng ku isa angān sua gaŭn ngga aku.

PHILIPPI 4:18

Aku ngaku agi trima sopŭrŭg kayuh adi angān nggen, adi mbŭh rabis so sadang! Aku mbŭh trima sopŭrŭg pinganggen ngan so tangan Epaphroditus, ka madin aku mbŭh biyŭn sopŭrŭg-i adi aku biguna. Pinganggen ngan anŭ mbŭh keya ka pinganggen adi buuh ramak adi dog jugan ka Tapa, sadis adi tibirang buang pimunos asŭng-I.

2 TIMOTHY 4:6

Ka aku ati, tika-i mbŭh mandŭg adi ngga Aku re kabŭs keya ka sadis yŭn Tapa. Dŭm dŭh tui aku re tingge ong ati.

TITUS 2:14

Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.

HEBREW 12:10

Sama ta di ong ngukum ata nyitiro adŭ, nimun patut sŭn-i nang; pak Tapa ngukum ata yŭn kana adŭp ta, isa ata bisa jadi kudus mun adŭp-I.

1 PETER 1:7

Tujuan-i inŭh ngga tingga batur kah dŭh pinyabah ngan anŭ. Mas bina, adi bisa dog pirusak babŭ gŭh dog suba ngga apui; ngapŭi pinyabah ngan, adi brega dŭ so mas, dŭh siŭn dŭh gŭh dog suba, isa-i jadi tan. Komŭnŭ angān re trima puji ngga bragah ka stabi di Andu anŭ kan Jesus Kristus dog pinandŭng.

1 PETER 2:5

Mandŭg meh mun batuh batuh adi udip, ka bada adŭp ngan dog pakai ngga pijog ramin Tapa adi roh, di yŭn ngan jadi bara imam adi kudus adi jugan sadis roh adi tibirang di Tapa so Jesus Kristus.

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

PINANDŬNG 1:6

ka bada ata jadi bara raja ka bituan di Tapa adi Sama-I nimun bara imam. Di Jesus Kristus bragah ngga kuasa ndŭg situi tui! Amen.

PINANDŬNG 3:18

Sabab anŭ Aku pitayan kuu, miris mas so Aku, tigŭrŭ mas, ngga mu jadi kaya. Miris gŭh piraka buda ngga kibarui adŭp mu ka nutu adŭp mu adi sitagor. Miris gŭh inyo ngga nginyo batŭh mu, isa kuu bisa kiris tarun.

PINANDŬNG 5:10

Kaam mbŭh bada ngara jadi raja adi bituan di Tapa nimun bara imam, ka ngara re mritah di ong.”