MALACHI 2:7 - Hakcipta - Biatah Bidayuh

⁷ Anŭ mbŭh kraja bara imam, ngajar pinyipuan adi sawŭ pasar Tapa. Daya patut tudu ngara yŭn birajar pasar pinyiraan Ku, sabab ngara inŭh pinyisung TUHAN Bisa-pŭrŭg.

MALACHI 2:7 ပူးပေါင်းရင်းမြစ်များ

2 RAJA 16:11

Jadi Uriah pijog ndi mija-sambah adi batur brimun ngga anŭ, ka pijadi-i diŭ so Ahaz pari.

2 RAJA 16:16

Uriah ndai nimun adi mbŭh raja pesan.

2 KRONIKEL 30:22

Hezekiah muji bara daya Levi amai pandai nguru simayang nyambah TUHAN. Ripas ju andu adi ngga ngara jugan sadis ngga muji TUHAN, adi Tapa tayung-babuk ngara,

2 KRONIKEL 31:4

Ngga nambah anŭ, raja bada daya Jerusalem taban pinganggen adi tah tung bara imam ngga daya Levi, isa ngara dapŭd nggen sopŭrŭg masā ngara nanyam adi mbŭh dog miratak Ukum-adat TUHAN.

EZRA 7:10

Ezra mbŭh ngga siabo atin-i birajar Ukum-adat TUHAN, tunda-i, ka ngajar sopŭrŭg ukum-adat ngga atur adat di darŭm-i di daya Israel.

EZRA 7:25

“Kuu, Ezra, ngga pinyibijak adi Tapa mu mbŭh nggen di kuu, an tijuan daya bada jadi pingubak ka akim da nguasa sopŭrŭg daya adi di Euphrates Barat adi udip tunda Ukum-adat Tapa mu. Kuu dŭh siŭn dŭh ngajar Ukum-adat anŭ di tadŭ tadŭ ngara adi gibayuh puan-i.

PITAS 5:2

Isa kuu pandai ngatur urah rakah mu, ka pinganang mu re kiren kuu biyŭn pinyipuan.

EKLISIASTIS 5:5

Kana dŭ dŭhsah ndai janji so nŭŭh ndai janji ka dŭh tungang sita-i.

ISAIAH 42:19

Agi kah adi rabis karak so urun Ku, rabis bangam so pinyisung adi Aku pait?

ISAIAH 44:26

Pak kan urun Ku ninjau, kan Aku pait pinyisung bada pinandŭng atur kraja Ku, Aku bada atur kraja ngga pininjau anŭ jadi bitŭtŭk. Aku kidaan di Jerusalem nang daya re pari rŭŭ diginŭ, ka kupo kupo Judah re pari dog pijog. Kupo kupo anŭ re makat so tugung rakang tibawang.

JEREMIAH 15:19

TUHAN nam, “Kambŭi kuu pari, Aku trima kuu, ka kuu re jadi urun Ku dinge. So kuu minyu nang kayuh adi sipadin, kana dŭ kuu piagah pinganang adi biguna, ka kuu re pari jadi nabi Ku. Adŭp daya re tudu kuu, dŭhsah kuu tudu ngara.

JEREMIAH 18:18

Komŭnŭ daya nang, “Ja ata bipekat rawan Jeremiah! Re ari agi imam adi an ngajar ata, daya bijak adi an pitayan ata, ka bara nabi adi an piagah pinganang so Tapa. Ja ata nyarah ayŭh, ka dŭh tia dingah kayuh adi nang-i.”

JEREMIAH 2:8

Bara imam mating siken, ‘Diki TUHAN?’ Bara imam Ku dŭh puan Aku. Bara pimritah birawan matah Aku; bara nabi minyu ngga dŭn Baal ka nyambah tibudo adi dŭh biguna.

EZEKIEL 22:26

Bara imam miranggar ukum-adat ka dŭh stabi di kayuh adi kudus. Ngara dŭh puan ani adi kudus ngga ani adi dŭh kudus. Ngara dŭh ngajar ani bŭkŭn-i kayuh adi bisig ngga kayuh adi dŭh bisig, ka ngara dŭh mbit piduri di andu Sabbath. Anŭ meh sabab daya Israel dŭh stabi di Aku.

EZEKIEL 7:26

Pinyirusag re bitunda nyatŭk angān, ka agah arap re adu adu mandŭg. Angān re bada nabi nabi pinandŭng kayuh adi ngara diŭ kiris. Imam imam re dŭh biyŭn kayuh re-i ngajar di bara daya, ka bara nyamba re dŭh biyŭn pinganang pitayan re-i nggen.

DANIEL 11:33

Pinguru pinguru adi bijak re kutung pinyibijak ngara ngga bagŭ daya. Pak agi gŭh andu-i kada so ngara re agi dog siŭ darŭm perang puan kah dog badang bada kabŭs, ka kada re dog mirupak ka jadi daya-takap.

HOSEA 4:6

Daya Ku re rabur amai ngara dŭh ngaku Aku. Angān bara imam abah ngaku Aku ka mbŭh tirawan ajar Ku, ngapŭi Aku tirawan angān ka re dŭh ngaku bara anak ngan keya bara imam Ku.

LEVITICUS 10:11

Angān dŭh siŭn dŭh an ngajar bara daya Israel sopŭrŭg ukum-adat adi ko Aku nggen di angān so Moses.”

ZEPHANIAH 3:4

Bara nabi dŭh an dapu tanggong di kayuh ka dŭh dapŭd dog sabah; bara imam nyembar kayuh adi kudus, ka nikok ukum-adat Tapa yŭn guna adŭp ngara.

HAGGAI 1:13

Komŭnŭ Haggai nggen pinganang TUHAN di bara daya: “Aku re agi ngga angān; anŭ janji Ku ngga angān.”

ZECHARIAH 7:3

ka siken di imam imam ngga nabi nabi: “Patut kah kieh pijuu ngurid pinyirusag Ramin TUHAN, ngga bipusa darŭm buran rimŭh nimun adi mbŭh ami bisawa sawa ndai?”

MALACHI 3:1

TUHAN Bisa-pŭrŭg nam, “Aku re pait pinyisung Ku bada sidia aran yŭn Ku. Komŭnŭ TUHAN adi angān jiroh re gŭgŭh mandŭg ka Ramin-I. Pinyisung adi angān kajŭn re mandŭg ka piagah simanya Ku.”

PINYIKIANG 27:21

Ayŭh re bisangan di imam Eleazar adi puan pinyiraan Ku pakai urim ngga Thummim. Simŭnŭ inŭh Eleazar re ngatur Joshua ngga sopŭrŭg daya Israel, di tadŭ tadŭ gaya aran pimudip ngara.”

JOHN 13:20

Aku kidaan di angān kayuh adi sawŭ: daya adi kambat daya adi Aku pait agi kambat Aku; ka daya adi kambat Aku agi kambat Ayŭh adi pait Aku.”

JOHN 20:21

Jesus nang di ngara dinge, “Damai ka angān. Nimun Sama mbŭh pait Aku, simŭnŭ gŭh Aku pait angān.”

PINGANDAI 16:17

Ayŭh tunda Paul ngga kieh, buang nyirais nang, “Bara daya ati inŭh urun Tapa adi Sambu Sopŭrŭg! Ngara mandŭg di kidaan di angān munki angān bisa dog nyiramat!”

2 CORINTH 5:20

Kieh ati meh garang, minyu yŭn Kristus, keya ka adŭp Tapa ndai pimite-I so baba ami. Kieh mite ngga ngarun Kristus: bada Tapa ngubah angān so jadi pinganyu da jadi bara dingan-I!

GALATIA 4:14

Pak sunggu andam ku mbŭh jadi pinyisuba di angān, angān mating ngamun puan kah tirawan aku. Tibarik-i angān kambat aku mun kambat malaikat so shorga. Angān kambat aku mun kambat Kristus Jesus.

DITRONOMI 21:5

Imam imam so asar Levi an sua di ka tarun anŭ, amai ngara anŭ inŭh adi ngatur har bisara adi bigagit ngga pinyiganas ngga pinyiŭ. TUHAN adi Tapa ngan mbŭh mien ngara da ndai kraja yŭn-I ka nyiberkat daya ngga adŭn-I.

DITRONOMI 24:8

“Kan angān naman andam kurit adi bisā, angān dŭh siŭn dŭh ndai nimun adi bara imam so asar Levi mbŭh kidaan di angān. Tunda atur adi aku mbŭh nggen di ngara.

1 THESSALONICA 4:8

Jadi meh, asi asi adi tirawan ajar ati dŭh-i tirawan manusia, pak Tapa, adi nggen di angān Roh Kudus-I.

1 SAMUEL 2:17

Dosa anak anak Eli mbŭh raru sipŭ di batŭh TUHAN, sabab ngara dŭh stabi di sadis adi dog jugan ka TUHAN.