LUKE 9:31 - Hakcipta - Biatah Bidayuh

³¹ tatŭng darŭm bragah shorga, minyu ngga Jesus pasar munki Ayŭh re pijadi pinŭtŭn Tapa ngga pinyikabŭs-I di Jerusalem.

LUKE 9:31 ပူးပေါင်းရင်းမြစ်များ

LUKE 9:22

Ayŭh nang gŭh di ngara, “Anak Manusia dŭh siŭn dŭh kinyam pinyusah bās ka dog tirawan nyamba bangsa Jahudi, pingubak pingubak imam, ka bara gurū Ukum-adat Jahudi. Ayŭh re dog ukum kabŭs, pak andu adi taruh Ayŭh re dog pakat udip bauh.”

LUKE 9:30

Ka gŭgŭh agi diginŭ duwŭh naan daya minyu ngga Ayŭh. Ngara anŭ, Moses ngga Elijah,

JOHN 1:29

Andu anŭ ndi, John kiris Jesus mandŭg tudu adŭp-i, ka nang, “Jeh rah-I no, Anak Biri Tapa, adi taran dosa ong!

2 CORINTH 3:18

Sopŭrŭg ata meh, ngga jawin adi dŭh bitaŭb, kiren jawa bragah Tuhan; ka bragah anŭ, adi mandŭg so Tuhan adi Roh, bada ata bitukar jadi mun Ayŭh darŭm bragah adi rabis bās.

PHILIPPI 3:21

Ayŭh re nukar pŭrŭng ta ati adi ramah adi re kabŭs da mun pŭrŭng adŭp-I adi bragah, pakai kuasa anŭ adi-I pakai ngga nguasa sopŭrŭg kayuh.

COLOSSAE 3:4

Pimudip ngan adi sawŭ inŭh Kristus ka kan Ayŭh pinandŭng adŭp-I, angān re nandŭng ngga Ayŭh ka sua dapu bragah-I!

HEBREW 11:22

Pinyabah inŭh adi bada Joseph, kan-i mbŭh re kabŭs, minyu pasar pinyiruah bara daya Israel so Egypt, buang-i nggen pinganang pasar munki re ngga pŭrŭng-i kan ayŭh mbŭh kabŭs.

1 PETER 5:10

Pak ripas angān ko sangsara nyitiro, Tapa adi dapu sopŭrŭg pinyirasi-mandis, adi bagan angān da sua dapu bragah-I adi tan adu adu darŭm udip ndi ngga Kristus, re adŭp-I bada angān sukup kana ka nŭtŭd atin ngan, nyibake angān, ka nagap angān.

2 PETER 1:15

Aku re ngga sibisa bisa ku nggen di angān aran ngga ari ingat sopŭrŭg kayuh ati ripas aku mbŭh kabŭs.

PINANDŬNG 7:14

“Aku dŭh puan, tuan. Kaam kidŭ-i puan,” aku nam. Ayŭh nang di aku, “Ngara inŭh adi ko kinyam sangsara pinyikisiis. Ngara muko ngu piraka ambu ngara da buda pakai deya Anak Biri.