LUKE 8:24 - Hakcipta - Biatah Bidayuh

²⁴ Murid murid Jesus di tudu Ayŭh ka kies Ayŭh, nang, “Gurū, Gurū! Ata mbŭh re rŭnggŭd!” Jesus makat ka mritah sabak ribut ngga girumbang da rŭŭ, ka-i rŭŭ; ka sopŭrŭg-i mbŭh tanang.

LUKE 8:24 ပူးပေါင်းရင်းမြစ်များ

MAZMUR 65:7

Kaam pirŭŭ magā girumbang di rawŭt ka pirŭŭ jawŭn girumbang; Kaam pirŭŭ sirais bara daya.

ISAIAH 50:2

“Mani daya Ku abah kambat Aku kan Aku mandŭg tudu ngara an nyiramat ngara? Mani ngara abah nam kan Aku bagan? Aku ati ramah kah, ka dŭh dapŭd nyiramat ngara? Aku bisa nyibadŭh rawŭt ngga ndi bang piminyu ka marik sungi sungi bada jadi tarun tana-sumat, isa iken iken adi darŭm-i kabŭs dŭh biyŭn piin.

JEREMIAH 5:22

Aku ati TUHAN; mani angān dŭh taru Aku? Mani angān dŭh kimŭtŭr di sirung jawin Ku? Aku na sumat ndu baat rawŭt, baat adi tatap adi dŭh rawŭt dapŭd mutas. Rawŭt bisa magā ka ndai girumbang, pak dŭh dapŭd mutas-i.

NAHUM 1:4

Ayŭh mritah rawŭt, ka-i makat! Ayŭh bada sungi badŭh. Tarun tana Bashan pisŭk, Darŭd Carmel marui sia, ka bunga bunga Lebanon rayu.

MATTHEW 14:30

Pak kan ayŭh kinyam sabak ribut, ayŭh mbŭh taru ka rasu re timŭtŭm di piin. “Tuhan nyiramat aku!” ayŭh nang.

MATTHEW 8:25

Murid murid-I tudu Ayŭh ka kies Ayŭh. “Tuhan, nyiramat ata!” ngara nang. “Ata re rŭnggŭd!”

MARK 4:39

Jesus makat ka mritah sabak, “Pajam!” ka-I nang di rawŭt, “Pirŭŭ adŭp mu!” Sabak rasu rŭŭ, ka sopŭrŭg-i mbŭh batur tanang.

LUKE 4:35

Jesus mritah roh anŭ, “Pajam! Ruah so daya anŭ!” Umot anŭ pitumbang daya anŭ ka tana di sirung jawin ngara ka ruah so ayŭh buang dŭh bada-i kinaman.

LUKE 4:39

Ayŭh di ka mijog di bŭngŭn panggo-i ka mritah sungoh-i anŭ da bu so ayŭh; sungoh anŭ bu so ayŭh, ka ayŭh makat rasu ngidang ngara.

LUKE 5:5

“Gurū,” Simon nam, “kieh ko bandar nyiraja ndi ngarŭm ngarŭm pak mating dapŭd ami. Pak amai Kaam bada, aku bisa bisor jaring.”

LUKE 8:25

Ka-I nang di murid murid-I, “Mani angān dŭh sabah di Aku?” Pak ngara mbŭh inga inga buang taru, ka nang sanuh di sanuh, “Asi daya ati? Ayŭh mritah sabak ribut ngga girumbang, ka-i tunda pinganang-I!”