LUKE 7:21 - Hakcipta - Biatah Bidayuh

²¹ Di jam anŭ Jesus mbŭh pibua bagŭ daya so barang masam andam udar ka so roh roh arap, samŭn ngara adi karak Ayŭh mbŭh bada dapŭd kiris.

LUKE 7:21 ပူးပေါင်းရင်းမြစ်များ

1 RAJA 8:37

“Kan agi apag di tarun tana puan kah sesak-andam, puan kah pimuruh dog pirusak sabak adi paras, puan kah kadis, puan kah kan daya Mai dog nyerang pinganyu, puan kah kan agi andam di ruang ngara,

LEVITICUS 14:48

Kambŭi di tika imam mandŭg di pirasa ramin anŭ, ka kurat mating timbur dinge ripas-i muko dog nyamen bauh, imam anŭ siŭn pikadŭn ramin anŭ bisig, sabab kurat anŭ mbŭh abo dog kadi.

MATTHEW 4:23

Jesus panu di ndi tarun tana Galilee, ngajar di ramin ramin simayang-Jahudi, nyuse Agah Kana pasar dŭm dŭh tui Tapa re mritah, ka pibua bagŭ daya adi naman barang masam andam ka udar.

MATTHEW 4:24

Agah pasar Ayŭh kambang di ndi tarun tarun tana rais Syria, ndŭg ka daya taban ka yŭn-I sinadan adi birandam adi naman barang masam andam ngga pinyusah: daya adi dog mŭrŭt umot, adi nyisŭt, ka adi naman andam ruku. Jesus pibua sopŭrŭg ngara.

MARK 3:10

Ayŭh ko pibua bagŭ daya, ngapŭi sopŭrŭg ngara adi birandam mbŭh samah birabut an tama Ayŭh.

MARK 5:29

Ayŭh tama jipo-I, ka nganŭ gŭh deya-i badŭh; ka ayŭh mbŭh kinyam adŭp-i bua so andam-i.

MARK 5:34

Jesus nang di ayŭh, “Nak, sabab kuu sabah di Aku kuu mbŭh bua. Mari meh darŭm damai. Kuu mbŭh bua madin”

LUKE 7:20

Kan ngara mbŭh ndŭg Jesus, ngara nang, “John Pembaptisa pait kieh da siken, yŭh kah dŭh Kaam ati sianŭ adi-i nang re mandŭg, puan kah kieh babŭ kajŭn adi bŭkŭn.”

HEBREW 12:6

Sabab Tuhan ngajar barang naan daya adi-I rindu, ka ngukum barang naan daya adi-I ngaku anak adŭp-I.”