LUKE 7:19 - Hakcipta - Biatah Bidayuh

¹⁹ ka pait ngara ka yŭn Tuhan da siken, “Kaam kah sianŭ adi dog kidaan nang re mandŭg nanyam ka janji Tapa, puan kah kieh babŭ kajŭn adi bŭkŭn?”

LUKE 7:19 ပူးပေါင်းရင်းမြစ်များ

TIBIRIK 22:18

Sopŭrŭg bangsa re bada Aku nyiberkat adŭp ngara nimun Aku mbŭh nyiberkat sesang mu, amai kuu tunda pesan ku.”

TIBIRIK 3:15

Aku re bada kuu ngga dayung anŭ tiru di dingan ngan; bara sesang-i ngga tung jamu re jadi pinganyu. Anak sukuh-i re mŭmŭs ubak mu ka kuu re kuut tiga ngara.”

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

ISAIAH 11:1

Taris asar Raja David inŭh mun tŭngŭn kayuh adi mbŭh dog tabŭng; pak keya ka daan bauh adi bikanjak so tŭŭd, simŭnŭ gŭh raja adi bauh re makat so ruang sesang David.

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

MICAH 5:2

TUHAN nang, “Bethlehem Ephrathah, kuu inŭh kupo adi siabo sŭ di Judah, pak so kuu Aku re pakat ndi pimritah yŭn Israel, adi taris rawang asar-i inŭh so jaman jah.”

HAGGAI 2:7

Aku re pitumbang sopŭrŭg bangsa, ka ratā ngara re dog taban kamati, ka Ramin Ku re puno ngga pinyikaya.

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

MALACHI 4:2

Pak yŭn angān adi nundok di Aku, kuasa Ku adi nyiramat angān re makat keya ka batŭh andu, ka kuasa Ku anŭ re nggen pinyibua keya ka jawa batŭh andu. Angān re dog pirupas ka gaŭn keya ka anak sapi dog piruah so kandang.

MARK 6:7

Ayŭh bagan ngara adi simŭng-duwŭh naan da tikuruk ka pait ngara duwŭh duwŭh naan. Ayŭh nggen di ngara kuasa ngga pibu roh arap

LUKE 10:1

Ripas anŭ Jesus mien ju puru-duwŭh naan ngara adi bŭkŭn ka pait ngara duwŭh duwŭh naan da panu diŭ so adŭp-I ka barang kupo samŭn tarun adi re-I ka.

LUKE 11:1

Agi ndi sidah, Jesus simayang di ndi yŭn. Kan-I muko simayang, ndi so bara murid-I nang di Ayŭh, “Tuhan, ngajar kieh bidua, nimun John ngajar jangi murid.”

LUKE 11:39

Ka Tuhan nang di ayŭh, “Angān daya Pharisee, pibisig sapa saker ka pinggen, pak di darŭm angān mbŭh puno ngga pinyiganas ngga arap.

LUKE 12:42

Ka Tuhan nam, nang-I “Asi meh garang daya-gaji adi tŭtŭd ka adi bijak? Ayŭh inŭh sianŭ adi tuan-i re tijuan da jaga abin ramin-i ka tukang nggen man di daya daya-gaji adi bŭkŭn di jam adi patut.

LUKE 13:15

Tuhan nam ayŭh, “Kuu pingadong! Di andu Sabbath, adŭp ngan siraru piruah sapi puan kah kaldi so buwang ka taban-i da di nok piin.

LUKE 17:5

Bara pinyuruh nang di Tuhan, “Bada pinyabah ami tagap.”

LUKE 17:6

Tuhan nam, “Kambŭi angān biyŭn pinyabah mati ndi sirah ruwang sabi, angān tungang nang di tŭngŭn ara ati, ‘Dimbut ka purun adŭp mu di rawŭt!’ ayŭh re tunda pinganang ngan.

LUKE 18:6

Ka Tuhan nang, “Dingah nŭh kayuh adi akim anŭ adi arap nang.

LUKE 19:8

Zacchaeus mijog ka nang di Jesus, “Dingah tuan! Aku re nggen sitangah so buat-rata ku di daya sirata, ka kambŭi aku agi nipu tadŭ daya, aku re bayar ayŭh pari pat rupet.”

LUKE 22:61

Tuhan kimat ka tirek Peter, ka Peter ingat Tuhan ko nang di ayŭh, “Sibayuh babang kukok sikambŭh, kuu re pitaruh kari nang adŭp mu dŭh puan Aku.”

LUKE 24:34

adi nang, “Tuhan sawŭ mbŭh makat! Ayŭh agi nandŭng di Simon!”

LUKE 7:13

Kan Tuhan kiris ayŭh, Ayŭh mbŭh raru masi di ayŭh, ka nang di ayŭh, “Dŭhnyah sien.”

LUKE 7:20

Kan ngara mbŭh ndŭg Jesus, ngara nang, “John Pembaptisa pait kieh da siken, yŭh kah dŭh Kaam ati sianŭ adi-i nang re mandŭg, puan kah kieh babŭ kajŭn adi bŭkŭn.”

JOHN 11:2

Mary ati inŭh sianŭ adi ko susen inyo wangi di kaja Jesus ka nyibadŭh-i ngga ubok-i; jurud-i, Lazarus, inŭh adi birandam.)

JOHN 4:1

Bara daya Pharisee mbŭh dingah Jesus baptisa bagŭ dŭ murid so John. (

JOHN 4:25

Dayung anŭ nang di Ayŭh, “Aku puan Kristus re mandŭg, ka kan Ayŭh mbŭh mandŭg, Ayŭh re nakit kidaan sopŭrŭg kayuh di ata.”

JOHN 6:23

Arud arud adi bŭkŭn, adi so Tiberias, agi mandŭg ka deyŭh sindŭk tarun yŭn bara daya ko man ruti ripas Jesus ko nggen trima kaseh.

JOSHUA 2:1

Komŭnŭ Joshua pait duwŭh naan pinyiong so bari ngara di Acacia, ngga pinganang bada ngara pirasa tarun tana Canaan darŭm bisukan, rabis-i kupo Jericho. Kan ngara ndŭg kupo anŭ, ngara nyirŭmŭn di ramin dayung sundar adi dŭn Rahab.

PINANDŬNG 11:3

Aku re pait duwŭh naan saksi ku adi nēn piraka guni; ngara re piagah agah so Tapa sitŭkŭd 1,260 andu anŭ.”