LUKE 7:16 - Hakcipta - Biatah Bidayuh

¹⁶ Sopŭrŭg ngara mbŭh taru buang muji Tapa. “Nabi bās mbŭh mandŭg di ruang ta!” ngara nang; “Tapa mbŭh mandŭg di nyiramat daya-I!”

LUKE 7:16 ပူးပေါင်းရင်းမြစ်များ

MAZMUR 65:9

Kaam nggen ujen ngga sita tana; Kaam bada-i kana ka damŭn. Kaam ngisi sungi ngga piin; Kaam bada tana piruah buwa pimuruh. Simuti inŭh Kaam ndai-i:

PINYIRUAH 4:31

Ngara sabah, ka kan ngara dingah nang TUHAN mbŭh mandŭg ka ngara ka mbŭh kiris munki masam ngara dog pijera, ngara mutu ubak ngara ka nyambah.

JEREMIAH 33:9

Jerusalem re jadi atak pinyigaŭn, stabi, ka kayuh adi Aku ngangŭn; ka barang bangsa di ong re taru ka kimŭtŭr kan ngara dingah pasar kayuh kana adi Aku ndai yŭn daya Jerusalem ka pasar udip mujur adi Aku taban ka kupo anŭ.”

MATTHEW 15:31

Daya mbŭh inga inga buang bipikir kan ngara kiris daya adi dŭh pandai minyu dapŭd minyu, adi kipang bua, adi bajang dapŭd panu, ka adi karak dapŭd kiris; ka ngara meh muji Tapa daya Israel.

MATTHEW 21:11

“Ayŭh anŭ Jesus, nabi so Nazareth di Galilee,” bara daya nam.

MATTHEW 28:8

Jadi ngara bigaut bu so kubur, taru buang raru gaŭn, ka bikaduh di kidaan di bara murid-I.

MATTHEW 9:8

Kan daya kiris kayuh anŭ, ngara mbŭh taru, ka muji Tapa amai-I mbŭh nggen kuasa adi mun anŭ di manusia.

LUKE 1:65

Bara rasū-i mbŭh raru taru, ka agah pasar kayuh ati mbŭh tambus barang yŭn di rais tarun tana sandah Judea.

LUKE 1:68

“Ja ata muji Tuhan, adi Tapa daya Israel! Ayŭh mbŭh mandŭg di turung daya-I ka mbŭh pirupas ngara.

LUKE 19:44

Ngara re pirarap kuu samŭn bara daya mu adi darŭm kuu; ndi batuh dŭh gŭh ngara re tandah di yŭn-i, sabab kuu dŭh natŭng tika adi ngga Tapa mandŭg di nyiramat kuu!”

LUKE 2:20

Bara pingingat-biri pari ka yŭn adŭp ngara, biragu muji Tapa amai sopŭrŭg kayuh adi ngara mbŭh dingah ka kiris. Kayuh anŭ mbŭh jadi nimun adi malaikat ko kidaan di ngara.

LUKE 24:19

“Kayuh ani,” Ayŭh siken. “Kayuh adi mbŭh jadi di Jesus so Nazareth,” ngara nam. “Daya anŭ inŭh nabi, adi Tapa samŭn manusia mbŭh nyirundeng biyŭn kuasa darŭm piminyu ngga darŭm pingandai.

LUKE 5:26

Ngara mbŭh inga inga! Buang taru, ngara muji Tapa, nang, “Ruai nang saruh-i kayuh adi ata kiris andu ati!”

LUKE 5:8

Kan Simon Peter kiris kayuh adi mbŭh jadi, ayŭh sidikang di kaja Jesus ka nang, “Bu so aku Tuhan! Aku ati daya bidosa!”

LUKE 7:15

Daya kabŭs anŭ makat ka guru, ka rasu minyu, ka Jesus nggen ayŭh di sindŭ-i.

LUKE 7:39

Kan daya Pharisee anŭ kiris, ayŭh nang darŭm asŭng-i, “Kambŭi daya ati sawŭ nabi, Ayŭh tatu puan asi dayung anŭ adi tama Ayŭh; Ayŭh tatu puan nang dayung anŭ dayung adi bidosa!”

LUKE 8:37

Ka ngara adi so tarun tana anŭ mite Jesus bu, sabab ngara mbŭh raru taru. Jadi Jesus mŭrŭt ka darŭm arud ka bu.

LUKE 9:19

Ngara nam, “Kada-i nang Kaam John Pembaptisa. Adi bŭkŭn nang Kaam Elijah, ka adi bŭkŭn nang Kaam ndi so bara nabi adi jah pari udip.”

JOHN 1:21

“Asi meh kuu, garang?” ngara siken. “Kuu Elijah kah?” “Dŭh,” John nam. “Kuu nabi anŭ kah?” ngara siken. “Dŭh,” ayŭh nam.

JOHN 1:25

siken John, “Kambŭi kuu dŭh Kristus, dŭh gŭh Elijah, dŭh gŭh Nabi; mani kuu baptisa daya?”

JOHN 4:19

“Kaam mun daya nabi kiris ku, tuan,” dayung anŭ nang.

JOHN 6:14

Kiris pingandai-nginga ati adi Jesus ndai, bara daya rasu nang, “Sawŭ inŭh siati Nabi anŭ adi dog kajŭn re mandŭg ka ong ati!”

JOHN 9:17

Ngara siken daya anŭ dinge, “Kuu nang Ayŭh pibua kuu, bada kuu dapŭd kiris; ani pikir-kira mu pasar Ayŭh?” “Ayŭh anŭ Nabi,” daya anŭ nam.

PINGANDAI 5:5

Kan Ananias dingah sakanŭ, ayŭh tumbang ka kabŭs; ka sopŭrŭg adi dingah kayuh anŭ mbŭh raru taru.

PINGANDAI 7:37

Moses inŭh adi nang di daya Israel, ‘Tapa re pait ka angān ndi naan nabi, nimun Ayŭh mbŭh pait aku; ka ayŭh re so bangsa adŭp ngan.’

GALATIA 1:24

Jadi ngara mbŭh muji Tapa sabab aku.

DITRONOMI 18:15

Ka Ayŭh re pait ka yŭn ngan ndi naan nabi mun aku, so ruang bangsa adŭp ngan, ka angān dŭh siŭn dŭh tunda pinganang-i.