LUKE 6:30 - Hakcipta - Biatah Bidayuh

³⁰ Nggen di daya adi mite, ka kan daya tambit kayuh ngan, dŭhnyah mite pari kayuh anŭ.

LUKE 6:30 ပူးပေါင်းရင်းမြစ်များ

MAZMUR 112:9

Ayŭh nggen ngga siabo asŭng di daya adi sirata, ka atin mandis-i dŭh re arah; ayŭh re puno ngga kuasa buang dog stabi.

MAZMUR 41:1

Sanang inŭh ngara adi mbit bat daya sirata; TUHAN re turung ngara kan ngara dog susah.

PITAS 19:17

Kan kuu turung daya adi sirata, anŭ inŭh keya ka nginjam kayuh ka TUHAN, ka adŭp TUHAN re bayar kuu.

PITAS 21:26

daya adi mun anŭ, adŭ-i ari bipikir di kayuh adi raan-i biyŭn. Pak daya tŭnggŭn dapŭd nggen ka raan nggen bagŭ kayuh di daya.

PITAS 22:9

Daya adi kana atin-i ka kutung pinguman-i ngga daya adi sirata re dog nyiberkat TUHAN.

EKLISIASTIS 11:2

Nyikŭn duit mu di bagŭ yŭn, amai kuu dŭh puan ani nasip arap adi re nyatŭk kuu sundis andu di ong ati.

EKLISIASTIS 8:16

Kan aku suba an jadi bijak ka birajar pasar kayuh adi jadi di ong, aku rada nang sunggu ata bijaga sandu ngga singarŭm

MATTHEW 18:35

Ka Jesus nang, “Simŭnŭ inŭh Sama Ku re ngga barang naan angān kambŭi angān dŭh apun dingan ngan so atin ngan.”

MATTHEW 5:39

Pak madin Aku kidaan di angān: dŭhnyah maras dendam. Kambŭi daya napar angān di paŭp tura ka tauh, bada ayŭh napar gŭh angān di paŭp tura ka bait.

MATTHEW 6:12

Apun sarah ami, nimun kieh apun sarah daya di kieh.

LUKE 11:41

Pak nggen di daya sirata kayuh anŭ adi darŭm saker ka pinggen ngan, ka angān ngga sopŭrŭg adi angān dapu re jadi bisig.

LUKE 12:33

Jua sopŭrŭg kayuh adi angān biyŭn ka nggen duit anŭ di daya sirata. Ndai yŭn adŭp ngan kambut duit adi dŭh bisa rusak, ka nyikŭn buat-rata ngan di shorga. Diginŭ rata ngan dŭh bisa kurang, amai pinaku dŭh dapŭd nyindŭk-i ka gŭgŭt dŭh dapŭd pirusak-i.

LUKE 18:22

Kan Jesus dingah sakanŭ, Ayŭh nang di ayŭh, “Dŭm ndi kayuh adi patut kuu ndai. Jua sopŭrŭg kayuh adi kuu biyŭn ka nggen duit anŭ di daya sirata, ka kuu re dapŭd buat-rata di shorga; ko ndai simŭnŭ, kuu bisa tunda Aku.”

LUKE 6:29

Kambŭi daya napar angān di panding, ton anŭ ndi; kambŭi agi daya tambit jipo-tabar ngan, dŭhnyah gŭh bitan jipo ngan.

LUKE 6:31

Ndai di daya kayuh anŭ adi angān raan daya ndai di angān.

LUKE 6:38

Nggen di daya, ka Tapa re nggen di angān. Sawŭ, angān re kambat takar adi sukup kana, dog nyinjŭn, dog ngugoh, ndŭg ka babas di kŭkŭn ngan. Takar adi angān pakai di daya inŭh takar adi Tapa re pakai di angān.”

PINGANDAI 20:35

Aku mbŭh kiren di angān darŭm bagŭ masam kayuh, so ka bandar nyiraja mun ati ata dŭh siŭn dŭh an turung daya adi ramah, buang ingat pinganang Jesus adi nang, ‘Sanang dŭ inŭh daya adi nggen so daya adi kambat.’ ”

2 CORINTH 8:9

Angān puan pinyirasi-mandis Tuhan ta Jesus Kristus; Ayŭh adi kaya, pak sabab angān Ayŭh bada adŭp-I sirata, siŭn angān bisa jadi kaya.

EPHESUS 4:28

Daya adi pinaku, dŭhnyah-i tia naku pak nyiraja ngga nyiran adŭp-i pakai aran adi batur, siŭn-i dapŭd nggen di daya adi sirata.