LUKE 6:25 - Hakcipta - Biatah Bidayuh

²⁵ Payah inŭh angān adi bisoh madin, amai angān re sibŭrŭk! Payah inŭh angān adi tawŭh madin, amai angān re ngurid ka muās!

LUKE 6:25 ပူးပေါင်းရင်းမြစ်များ

MAZMUR 49:19

ayŭh re sua ngga tayung tayung babuk-i, di yŭn karŭm patŭ' ruro.

PITAS 14:13

Tawŭh bisa sukan atin susah. Kan pinyigaŭn mating tia, pinyusah taŭn agi diginŭ.

PITAS 30:9

Kambŭi aku biyŭn bagŭ, kadŭ-i aku nang aku dŭh biguna di Kaam. Pak kambŭi aku sirata, kadŭ-i aku naku ka nggen mangŭh di Tapa ku.

EKLISIASTIS 2:2

Aku puan tawŭh inŭh kayuh adi budo, ka udip rami inŭh kayuh adi dŭh kana di nŭŭh.

EKLISIASTIS 7:3

Pinyusah kana dŭ so tawŭh; ayŭh bisa bada jawin nŭŭh susah, pak-i bada nŭŭh rabis mirati.

EKLISIASTIS 7:6

Kan daya budo tawŭh, anŭ inŭh keya ka jawŭn reja dog man apui. Dŭh biyŭn rati.

ISAIAH 28:7

Bara nabi ngga bara imam mbŭh raru mabuk ndŭg ka mbŭh tibabeu. Ngara nok raru bagŭ wain ngga arak ka sikak sikakong amai pikir-i mbŭh manyap. Bara nabi mbŭh raru mabuk ka dŭh tungang mirati kayuh adi keya ka darŭm pŭmŭh adi Tapa nggen, ka bara imam mbŭh raru mabuk ka dŭh tungang ngatur har adi dog taban ka yŭn ngara.

ISAIAH 65:13

Ngapŭi meh Aku kidaan di angān, ngara adi nyambah ka tunda pinganang Ku re biyŭn bagŭ kayuh man ngga kayuh nok, pak angān re sibŭrŭk ka badŭh asŭng. Ngara re gaŭn, pak angān re dog pimangŭh.

ISAIAH 8:21

Daya re bigandon di ndi tarun tana, susah buang sibŭrŭk. Darŭm sibŭrŭk ngga baji ngara re mangu raja ngara samŭn Tapa ngara. Sunggu ngara nyigura ka rangit

ISAIAH 9:20

Di barang yŭn darŭm rais, daya naku ka man barang mun rapuh pinguman adi ngara dapŭd, pak tain ngara dŭh pandai bisoh. Ngara man anak adŭp ngara ani!

AMOS 8:10

Aku re bada andu gawai ngan jadi andu nyikubur ka bada ragu pawŭn ngan jadi ragu puās. Aku re bada angān gumbak ubok ngan ka nēn banang guni, ka angān re mun pimas ngurid anak tambŭ-i. Andu anŭ re pa'it ndŭg pinŭbŭn-i.

NAHUM 1:10

Keya ka randa reja adi bikarut ka mun siriyang adi badŭh, angān pimabuk re dog badang!

LUKE 12:20

Pak Tapa nang di ayŭh, ‘Kuu budo! Ngarŭm ati simangi mu re tingge kuu; ka asi meh re dapu kayuh kayuh anŭ adi kuu ko nyikŭn yŭn adŭp mu?’ ”

LUKE 13:28

Di tika kuu kiris Abraham, Isaac, ka Jacob, samŭn bara nabi darŭm Ong Bauh Tapa, kuu re sien buang sangsara sabab adŭp mu mbŭh dog taran ka sapa!

LUKE 6:24

“Pak payah inŭh angān adi kaya madin, amai angān mbŭh udip gaŭn madin!

LUKE 6:26

“Payah inŭh angān kambŭi sopŭrŭg daya nganju angān, amai tayung-babuk ngara mbŭh nang sakanŭ gŭh pasar bara nabi kadong.

LUKE 8:53

Sopŭrŭg ngara tawŭh Ayŭh, sabab ngara puan nang anak anŭ taŭn mbŭh kabŭs.

EPHESUS 5:4

Dŭh gŭh angān siŭn pakai piminyu pinganang adi kais, adi sembar, puan kah tapat adi kais. Pak angān patut nggen trima kaseh di Tapa.

1 THESSALONICA 5:3

Kan daya nang, “Ati tika damai, ka mating ani ani pito,” nganŭ gŭh pinyusah re gŭgŭh timbur ka nyatŭk ngara! Pinyusah anŭ re nyirŭgŭh mandŭg keya ka dayung adi bite nyirŭgŭh naman sarang re biranak, ka mating daya re tungang pirupas adŭp-i so pinyusah anŭ.

JAMES 4:9

Jadi susah meh angān, sien, ka muās; nukar tawŭh ngan da jadi sien, gaŭn ngan da jadi atin susah!

PINANDŬNG 3:17

Kuu nang, ‘Aku ati kaya ka mbŭh udip sanang; aku biyŭn sopŭrŭg kayuh adi aku biguna.’ Pak kuu dŭh puan munki masam payah ka susah-i kuu! Kuu sirata, sitagor, ka karak.

1 SAMUEL 2:5

Daya adi muko ari bisoh man madin mbŭh bikuri jiroh man, pak adi sibŭrŭk mbŭh dŭh tia sibŭrŭk, dayung adi aboh mbŭh biranak ju madis anak, pak sindŭ adi biyŭn bagŭ anak mbŭh piasi adŭp-i sadi, dŭh biyŭn anak.