LUKE 6:21 - Hakcipta - Biatah Bidayuh

²¹ Sanang inŭh angān adi sikirau madin, amai angān re bisoh! Sanang inŭh angān adi muās madin, amai angān re tawŭh!

LUKE 6:21 ပူးပေါင်းရင်းမြစ်များ

TIBIRIK 17:17

Abraham mutu ubak-i ndŭg ka jawin-i dog tana, pak tawŭh kan ayŭh pikir darŭm asŭng-i, “Tungang kah daya biyŭn anak kan umbur-i mbŭh siratus sawa? Tungang kah Sarah biyŭn anak kan umbur-i mbŭh prii puru sawa?”

TIBIRIK 21:6

Ka Sarah nang, “Tapa mbŭh nggen pinyigaŭn adi bada aku tawŭh. Sopŭrŭg daya adi dingah kayuh ati re sua tawŭh ngga aku.”

MAZMUR 107:9

Ayŭh pimunos asŭng ngara adi badŭh ka paan ngara adi sibŭrŭk ngga kayuh kana.

MAZMUR 119:136

Randang batŭh ku aman mun piin sungi, sabab daya dŭh tunda ukum-adat Mai.

MAZMUR 143:6

Aku pakat tangan ku ka Kaam darŭm bidua; keya ka tana badŭh simangi ku biguna di Kaam.

MAZMUR 17:15

Pak aku re kiris Kaam, sabab aku mating ndai sarah; ka kan aku burah, Kaam agi ngga aku bada aku gaŭn.

MAZMUR 28:7

TUHAN grindung ka ngibān aku; aku sabah di Ayŭh. Ayŭh turung aku ka bada aku gaŭn; aku muji Ayŭh ngga ragu gaŭn.

MAZMUR 65:4

Sanang inŭh ngara adi Kaam mien, adi Kaam taban bada rŭŭ di yŭn pinyirŭŭ Mai. Kieh re munos ngga kayuh kana di Ramin Mai, adi berkat Ramin kudus Mai.

ISAIAH 25:6

Digiti di Sandah Zion TUHAN Bisa-pŭrŭg re sidia gawai yŭn sopŭrŭg bangsa di ong; gawai man pinguman adi grua ka nok wain adi siabo kana.

ISAIAH 30:19

Angān adi rŭŭ di Jerusalem re dŭh tia muās. TUHAN taŭn-I masi, ka kan angān mite turung so Ayŭh, Ayŭh re nam angān.

ISAIAH 66:10

Gaŭn ngga Jerusalem, angān adi rindu kupo anŭ! Gaŭn ngga ayŭh madin, sopŭrŭg ngan adi ko muās ayŭh!

JEREMIAH 13:17

Kambŭi angān abah dingah, Aku re sien darŭm bisukan sabab uap-sambuh ngan; Aku re nyisakuk sien, ka randang batŭh ku re pripasog ruah sabab daya TUHAN mbŭh dog taban ngga bu jadi daya-takap.

JEREMIAH 31:25

Aku re piranyah ngara adi kawŭk ka re pibisoh ngga pinguman barang naan adi ramah amai sikirau.

JEREMIAH 31:9

Daya Ku re pari buang sien, bidua buang Aku taban ngara pari. Aku re kayak ngara ka anak anak sungi, kadŭg aran adi rata isa ngara dŭh sikak sikakong. Aku keya ka sama di Israel, ka Ephraim inŭh anak pinuai Ku.”

JEREMIAH 9:1

Kasi ka ubak ku keya ka prigi adi puno ngga piin, ka batŭh ku keya ka sumbur adi mirasit piin-i, isa aku bisa sien sandu ngga singarŭm yŭn daya ku adi mbŭh dog siŭ.

EZEKIEL 7:16

Kada re bikaduh bu ka darŭd mun manuk asang mikabur bu so rubān. Sopŭrŭg ngara re muās amai dosa ngara.

EZEKIEL 9:4

“Panu ka barang yŭn darŭm kupo Jerusalem ka na tandā di arŭ barang naan daya adi susah ka adi bipito sabab sopŭrŭg kayuh sipŭ adi dog ndai darŭm kupo.”

MATTHEW 5:4

Sanang inŭh ngara adi ngurid; Tapa re nyaduh ngara!

MATTHEW 5:6

Sanang inŭh ngara adi gruwŭn adŭp-i ndai pinyiraan Tapa; Tapa re pimunos ngara ngga sipuno-i!

LUKE 1:53

Ayŭh pibisoh daya adi sirata ngga kayuh kana, ka bada daya kaya bu bŭrŭh.

LUKE 6:20

Jesus tingga bara murid-I ka nang, “Sanang inŭh angān adi sirata, amai angān kinyam Pinyipritah Tapa!

LUKE 6:22

“Sanang inŭh angān kan daya tiru di angān, tirawan angān, pimangŭh angān, ka kinarap angān, sitagar Anak Manusia!

LUKE 6:25

Payah inŭh angān adi bisoh madin, amai angān re sibŭrŭk! Payah inŭh angān adi tawŭh madin, amai angān re ngurid ka muās!

JOHN 11:35

Jesus sien.

JOHN 4:10

Jesus nam, “Kambŭi kuu puan ani adi Tapa nggen, ka asi Ayŭh adi mite nok so kuu, kuu manŭn re an mite, ka Ayŭh gŭh taŭn re an nggen di kuu piin adi nggen udip.”

JOHN 6:35

“Aku ati inŭh ruti adi nggen udip,” Jesus nang di ngara. “Daya adi mandŭg ka Aku dŭh re tia sibŭrŭk; daya adi sabah di Aku dŭh re tia badŭh asŭng.

1 CORINTH 4:11

Ndŭg madin tong-i kieh sibŭrŭk ngga badŭh asŭng; kieh pakai jamut ndu piraka; kieh dog pukong; kieh bigandon di tarun ndi ndŭg tarun andi;

2 CORINTH 11:27

Aku mbŭh bandar nyiraja ka siraru dŭh bŭŭs; aku mbŭh darŭm sibŭrŭk ngga badŭh asŭng; aku siraru dŭh biyŭn sukup pinguman, puan kah sutok tarun yŭn rŭŭ, puan kah kurang piraka.

2 CORINTH 12:10

Munos asŭng ku ngga pinyiramah, ngga bakit so daya, ngga kraja-jera, ngga pinyikisiis, ka ngga pinyusah amai Kristus. Amai di tika aku ramah, di tika anŭ gŭh aku dapŭd pinyibake so Kristus.

2 CORINTH 6:10

Sunggu dog pinyusah, kieh siraru gaŭn; mun adi sirata, pak kieh bada bagŭ daya kaya; mun adi dŭh biyŭn kayuh, pak kieh biyŭn sopŭrŭg kayuh.

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

PINANDŬNG 21:3

Aku dingah sirŭŭn minyu so takta anŭ: “Madin Tapa rŭŭ ngga bara daya! Ayŭh re rŭŭ ngga ngara, ka ngara re jadi bara daya-I. Adŭp Tapa re agi ngga ngara, ka Ayŭh re jadi Tapa ngara.

PINANDŬNG 7:16

Ngara dŭh re tia sibŭrŭk puan kah badŭh asŭng; mating batŭh andu puan kah sura bisā re tia pijera ngara,