LUKE 5:32 - Hakcipta - Biatah Bidayuh

³² Aku dŭh mandŭg di bagan daya adi nang adŭp-i kana, pak bagan daya adi bidosa isa ngara marik pimudip ngara pari ka Tapa.”

LUKE 5:32 ပူးပေါင်းရင်းမြစ်များ

ISAIAH 57:15

“Aku ati Tapa adi di sambu ka adi kudus. Aku rŭŭ di yŭn adi bigatung ka adi kudus, pak Aku gŭh adi rŭŭ ngga daya adi pirapat adŭp-i ka adi mbŭh marik pimudip-i pari ka Aku, isa Aku dapŭd bada pari tagap pinyabah ngga pingarap ngara.

MATTHEW 18:10

“Ingat nŭh, dŭhnyah ngamun tadŭ tadŭ so ngara adi sŭ ati. Malaikat ngara di shorga, Aku kidaan di angān, agi siraru di sirung jawin Sama Ku di shorga. [

MATTHEW 9:13

Di tingga ka jiroh rati pinganang Surat-kudus adi nang: ‘Atin mandis inŭh adi Aku raan, dŭh-i sadis dāng.’ Aku dŭh mandŭg di bagan daya adi nang adŭp-i kana, pak di bagan ngara adi dog tirawan.”

MARK 15:10

Ayŭh taŭn puan bara pingubak imam nyerah Jesus ka adŭp-i sabab atin sina ngara.

MARK 15:7

Di tika anŭ agi ndi naan daya dŭn Barabbas dog jer ngga bara adi bŭkŭn adi rawan pritah, adi ko siŭ daya darŭm ngara ndai pito darŭm rais.

MARK 2:17

Jesus dingah ngara ka-I nam, “Daya adi bua dŭh-i biguna di doktor, pak ngara adi birandam inŭh. Aku dŭh mandŭg di bagan daya adi nang adŭp-i kana, pak di bagan ngara adi dog tirawan.”

LUKE 15:10

Simŭnŭ gŭh, Aku kidaan di angān, malaikat malaikat Tapa re gaŭn amai ndi naan daya bidosa adi mbŭh marik pimudip-i pari ka Ayŭh.”

LUKE 15:7

Simŭnŭ gŭh, Aku kidaan di angān, re agi rabis bās pinyigaŭn di shorga sabab ndi naan daya bidosa adi mbŭh marik pimudip-i pari ka Tapa, so pinyigaŭn sabab prii puru-prii naan daya adi dog stabi adi pikir adŭp-i dŭhsah ndai simŭnŭ.”

LUKE 19:10

Anak Manusia mbŭh mandŭg an jiroh ka nyiramat daya adi manyap.”

LUKE 24:47

Ka ngga adŭn-I, agah pasar daya patut marik pimudip-i pari ka Tapa siŭn dapŭd pingapun dosa, dŭh siŭn dŭh dog nyuse di sopŭrŭg bangsa, piguru so Jerusalem.

LUKE 5:31

Jesus nam ngara, “Daya adi bua dŭh biguna di doktor, adŭ-i ngara adi birandam.

LUKE 5:33

Kada daya nang di Jesus, “Bara murid John awet bipusa ka simayang, ka simŭnŭ gŭh bara murid daya Pharisee; pak bara murid Mai man nok.”

PINGANDAI 17:30

Tapa mbŭh kambŭt tipuh tipuh adi mbŭh ripas adi ngga daya dŭh puan Ayŭh; pak madin Ayŭh mbŭh pesan di sopŭrŭg daya di barang yŭn da marik pimudip ngara pari ka Ayŭh.

PINGANDAI 2:38

Peter nang di ngara, “Barang naan angān marik pimudip ngan pari ka Tapa, ka kambat baptisa meh ngga adŭn Jesus Kristus, isa dosa ngan bisa dog apun; ka angān re bisa kambat pinganggen Tapa, anŭ inŭh Roh Kudus.

PINGANDAI 20:21

Di daya Jahudi, simŭnŭ gŭh di daya adi dŭh bangsa Jahudi, aku agi bakan ngara da marik pimudip ngara pari ka Tapa, ka sabah di Tuhan Jesus.

PINGANDAI 3:19

Marik pimudip ngan pari ka Tapa, isa Ayŭh apun dosa ngan. Kambŭi angān ndai simŭnŭ,

PINGANDAI 3:26

Ngapŭi Tapa mbŭh mien Urun-I ka pait Ayŭh ka angān diŭ, da nyiberkat angān darŭm-I bada barang naan angān marik so aran pimudip ngan adi ginaka.”

PINGANDAI 5:31

Tapa mbŭh katuh Ayŭh ka tangan tauh-I, nimun Pinguru ka Pinyikudip, siŭn daya Israel dapŭd aran ngga marik pimudip-i pari ka adŭp-I ka dapŭd pingapun dosa.

2 PETER 3:9

Tuhan dŭh-I sais ndai kayuh adi-I ko bijanji an ndai, sak adi nang daya. Ayŭh sabar ngga angān, sabab Ayŭh dŭh raan tadŭ tadŭ daya dog pirabur, pak raan sopŭrŭg daya marik pimudip-i pari ka adŭp-I.