LUKE 4:25 - Hakcipta - Biatah Bidayuh

²⁵ “Dingah pinganang Ku ati: taŭn-i sawŭ, di jaman Elijah, agi bara dayung uban di Israel kan ujen mating sitŭkŭd taruh sawa sitangah ka apag adi bisā timbur di ndi tarun tana.

LUKE 4:25 ပူးပေါင်းရင်းမြစ်များ

1 RAJA 17:1

Ndi naan nabi dŭn Elijah, so Tishbe di Gilead, nang di Raja Ahab, “Ngga adŭn TUHAN, Tapa Israel adi udip, adi aku yŭn bituan, aku kidaan di kuu re mating sipot-abun bait ujen sitŭkŭd duwŭh puan kah taruh sawa ndŭg ka andu adi ngga aku kidaan-i re agi.”

ISAIAH 55:8

“Pikir Ku,” TUHAN nang, “dŭh mun pikir ngan, ka aran Ku bŭkŭn so aran ngan.

MATTHEW 20:15

Dŭh kah aku biyŭn hak ndai ani ani aku raan ngga duit adŭp ku? Mani, kuu sina kah amai aku dŭh sibut?’ ”

LUKE 10:21

Di tika anŭ Jesus gaŭn amai brisi ngga Roh Kudus, ka nang, “Sama, adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar pandai kayuh adi Kaam sukan so ngara adi bijak ka pitar pandai. Sawŭ, Sama, simŭnŭ inŭh ayŭh patut jadi nanyam ka adi munos di asŭng Mai.”

ROME 9:15

Amai Ayŭh nang di Moses, “Aku re kiren pingapun di tadŭ daya Aku raan; Aku re masi di tadŭ daya Aku raan.”

ROME 9:20

Pak bara dingan ku, asi meh angān nak birani nam Tapa? Priok tana dŭh siken daya adi ndai-i, “Mani aku dog ndai mun ati?”

EPHESUS 1:11

Sopŭrŭg-i re dog ndai nanyam ka atur-pinyiraan Tapa. Nunda ka tujuan-I adi ko-I natu so sibungas-i, Tapa mbŭh mien ata da jadi daya adi tung adŭp-I darŭm udip ndi ngga Kristus.

EPHESUS 1:9

Tapa mbŭh pijadi kayuh nanyam tujuan-I, ka mbŭh kiren di ata atur pinyiraan-I adi-I mbŭh natu an ngamas so ka Kristus.

JAMES 5:17

Elijah inŭh daya adi mun ata. Ayŭh bandar bandar simayang mite mating ujen, ka-i dŭh ujen sitŭkŭd taruh sawa sitangah.

PINANDŬNG 11:6

Ngara biyŭn kuasa ngga tŭŭp rangit isa di tika ngara piagah agah so Tapa andu dŭh ujen. Ngara biyŭn gŭh kuasa di tunduh atak atak piin, da-i marui jadi deya. Ngara biyŭn gŭh kuasa ngga ari taban nanyam pinyiraan adŭp ngara barang masam susah-bās ka ong.