LUKE 4:22 - Hakcipta - Biatah Bidayuh

²² Ngara samah nganju Ayŭh buang inga inga di pinyikana piminyu-I. Ngara nang, “Dŭh kah Ayŭh anak Joseph?”

LUKE 4:22 ပူးပေါင်းရင်းမြစ်များ

MAZMUR 45:2

Kaam inŭh dari adi siabo ramus; kaam inŭh daya adi siradik minyu. Tapa mbŭh siraru nyiberkat kaam.

MAZMUR 45:4

Panu meh ngga kuasa nuju pimanang yŭn ngibān pinyawŭ ngga pinyitŭnggŭn! Pinyibake mai re bada kaam dapŭd pimanang bās!

PITAS 10:32

Daya tŭnggŭn puan pinganang mandis an-i nang, pak daya ginaka ari nang pinganang adi kandam.

PITAS 16:21

Daya bijak, adi mbŭh sukup mirati tarun, dog puan amai pinyimirati-i. Makin ayŭh siradik minyu, makin ayŭh tungang bada daya tunda pinganang-i.

PITAS 25:11

Buwa pinganang adi batur dog piruah di tika adi batur inŭh keya ka butik mas di darŭm pinggen pirak.

EKLISIASTIS 10:12

Kayuh adi daya bijak nang taban stabi ka adŭp ngara, pak daya budo rusak bada pinganang adŭp ngara.

RAGU 5:16

Baba-i sidi dog sium; sopŭrŭg kayuh pasar ayŭh piripong aku. Mun anŭ inŭh dari adi aku awang, bara dayung Jerusalem.

ISAIAH 50:4

TUHAN Raja mbŭh ngajar aku kayuh adi re ku nang, isa aku bisa nyibake ngara adi mbŭh rarah. Barang isan Ayŭh bada aku graŭh an dingah kayuh adi Ayŭh ngajar di aku.

LUKE 2:47

Sopŭrŭg adi dingah Ayŭh mbŭh inga inga di pinyipitar darŭm pinyinam-I.

LUKE 2:48

Pimas-I mbŭh inga inga kan ngara kiris Ayŭh, ka sindŭ-I nang di Ayŭh, “Nak, mani Kuu simuti ngga kieh? Kieh duwŭh sama Mu mbŭh bipito jiroh Kuu!”

LUKE 21:15

sabab Aku re nggen di angān bang bang piminyu samŭn pinyibijak adi pinganyu ngan dŭh tungang rawan bait matah.

LUKE 4:21

darŭm Ayŭh nang di ngara, “Pinganang Surat-kudus ati mbŭh jadi bitŭtŭk andu ati darŭm angān dingah-i dog basa.”

JOHN 1:45

Philip dapŭd Nathanael ka kidaan di ayŭh, “Kieh mbŭh dapŭd Ayŭh adi Moses nyabŭt darŭm surat Ukum-adat ka adi bara nabi ko nyabŭt gŭh. Ayŭh inŭh Jesus anak Joseph, so Nazareth.”

JOHN 6:42

Ngara nang, “Daya ati, Jesus anak Joseph, dŭh kah? Ata puan sindŭ sama-I. Ka simuki meh garang, Ayŭh nang adŭp-I mūn so shorga?”

JOHN 7:46

Ngara nam, “Gi-mating daya minyu mun Ayŭh!”

PINGANDAI 6:10

Pak Roh Kudus mbŭh nggen di Stephen pinyibijak isa kan-i minyu, ngara dŭh tungang rawan ayŭh.

TITUS 2:8

Pakai pinganang adi dŭh daya ngamun, isa bara pinganyu mu mangŭh darŭm ngara dŭh biyŭn kayuh ngga kinarap ata.