LUKE 3:11 - Hakcipta - Biatah Bidayuh

¹¹ Ayŭh nam, “Ayŭh adi biyŭn duwŭh jipo dŭh siŭn dŭh nggen ndi di sianŭ adi dŭh biyŭn, ka ayŭh adi biyŭn pinguman dŭh siŭn dŭh samah-i ngga dingan-i.”

LUKE 3:11 ပူးပေါင်းရင်းမြစ်များ

EZEKIEL 18:7

Ayŭh dŭh nipu bait mirupak daya. Ayŭh pari kayuh adi daya nggen di ayŭh ndu jamen kayuh adi dog nginjam; ayŭh paan daya adi sibŭrŭk ka nggen piraka di daya adi dŭh biyŭn.

DANIEL 4:27

Jadi meh, Tuan Raja, tunda pinyitayan ku. Dŭh tia bidosa, ndai kayuh adi batur, ka masi di daya adi sirata. Simŭnŭ kaam re adu adu mujur.”

MATTHEW 25:40

Raja anŭ re nam, ‘Aku kidaan di angān, tiap kari angān ndai simŭnŭ di ndi naan so bara pinunda Ku ati adi siabo sŭ darŭm pangkat-i, angān mbŭh ndai-i di Aku!’

LUKE 11:41

Pak nggen di daya sirata kayuh anŭ adi darŭm saker ka pinggen ngan, ka angān ngga sopŭrŭg adi angān dapu re jadi bisig.

LUKE 18:22

Kan Jesus dingah sakanŭ, Ayŭh nang di ayŭh, “Dŭm ndi kayuh adi patut kuu ndai. Jua sopŭrŭg kayuh adi kuu biyŭn ka nggen duit anŭ di daya sirata, ka kuu re dapŭd buat-rata di shorga; ko ndai simŭnŭ, kuu bisa tunda Aku.”

LUKE 19:8

Zacchaeus mijog ka nang di Jesus, “Dingah tuan! Aku re nggen sitangah so buat-rata ku di daya sirata, ka kambŭi aku agi nipu tadŭ daya, aku re bayar ayŭh pari pat rupet.”

JOHN 13:29

Amai Judas mbŭh daya tukang digŭng duit, kada murid pikir Jesus bada ayŭh di miris kayuh yŭn andu gawai, puan kah di nggen kayuh di daya sirata.

PINGANDAI 10:2

Ayŭh daya adi biyŭn atin taru di Tapa; ayŭh ngga sopŭrŭg manak-i nyambah Tapa. Ka mbŭh bagŭ gŭh kayuh adi ko-i ndai ngga turung daya sirata, buang siraru bidua ka Tapa.

PINGANDAI 10:31

ka nang: ‘Cornelius! Tapa mbŭh dingah dua mu ka mbŭh kiris pingandai kana mu.

PINGANDAI 10:4

Ayŭh nakit tingga malaikat anŭ buang taru; ayŭh nang, “Ani, tuan?” Malaikat anŭ nam, “Tapa mbŭh munos asŭng-I di dua ngga di pingandai kana mu, ka mbŭh ingat kuu.

EPHESUS 4:28

Daya adi pinaku, dŭhnyah-i tia naku pak nyiraja ngga nyiran adŭp-i pakai aran adi batur, siŭn-i dapŭd nggen di daya adi sirata.

1 TIMOTHY 6:17

Nakit ngajar ngara adi kaya di kayuh ong siŭn dŭh jadi gambung, pak na pingarap ngara, dŭh di kayuh adi dŭh tan tui mun pinyikaya, pak di Tapa, adi ngga pinyikana-I mbŭh nggen sopŭrŭg kayuh di ata yŭn udip sanang.

1 TIMOTHY 6:18

Ngajar ngara da ndai kayuh kana, da jadi kaya darŭm kraja kana, da dŭh bidagis buang sidia an samah kayuh ngga daya bŭkŭn.

HEBREW 6:10

Tapa, dŭh-I dŭh rada pingandai kana daya. Ayŭh dŭh re kambŭt kayuh adi angān ko ndai puan kah pinyirindu ngan yŭn-I adi angān ko kiren darŭm pinurung adi angān nggen di daya Kristen adi bŭkŭn, bait-i madin puan kah prajah.

JAMES 1:27

Adat adi Tapa Sama nyirundeng bisig buang sawŭ batur inŭh simuti: kingat jaga ngara adi tumang ka dayung uban di pinyusah ngara, ka jaga adŭp ngan so dog kinais ong ati.

JAMES 2:14

Bara dingan ku, ani kana-i kambŭi daya nang adŭp-i biyŭn pinyabah, pak mating pingandai-i ngga kiren ayŭh sawŭ biyŭn pinyabah? Bisa kah pinyabah anŭ nyiramat ayŭh?

1 JOHN 3:17

Kambŭi ata kaya ka kiris dingan ta sutok, pak dŭh piduri ngara, simuki meh ata re patut nang adŭp ta rindu Tapa?

1 JOHN 4:20

Kambŭi ata nang adŭp ta rindu Tapa, pak tiru dingan ta, ata inŭh pingadong. Amai ata dŭh tungang rindu Tapa adi bŭn ata kiris, kambŭi ata dŭh rindu dingan ta adi tungang ata kiris.