LUKE 24:27 - Hakcipta - Biatah Bidayuh

²⁷ Jadi Jesus kidaan di ngara rati kayuh adi mbŭh dog nuris pasar adŭp-I di Surat-kudus, piguru so surat surat Moses samŭn so surat surat bara nabi.

LUKE 24:27 ပူးပေါင်းရင်းမြစ်များ

TIBIRIK 12:3

Aku re nyiberkat ngara adi nyiberkat kuu, pak Aku re mangu ngara adi mangu kuu. Ka so kuu Aku re nyiberkat sopŭrŭg bangsa bŭkŭn.”

TIBIRIK 22:18

Sopŭrŭg bangsa re bada Aku nyiberkat adŭp ngara nimun Aku mbŭh nyiberkat sesang mu, amai kuu tunda pesan ku.”

TIBIRIK 26:4

Aku re bada sesang mu bagŭ keya ka bitang di rangit; ka re nggen di ngara sopŭrŭg tarun tana ati. Sopŭrŭg bangsa re mite Aku nyiberkat ngara nimun Aku ko nyiberkat bara sesang mu.

TIBIRIK 3:15

Aku re bada kuu ngga dayung anŭ tiru di dingan ngan; bara sesang-i ngga tung jamu re jadi pinganyu. Anak sukuh-i re mŭmŭs ubak mu ka kuu re kuut tiga ngara.”

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

MAZMUR 132:11

Kaam bipayu ngga David — janji adi Kaam dŭh re tarik pari: “Aku re bada ndi so anak dari mu jadi raja, ka ayŭh re mritah ripas kuu.

ISAIAH 1:23

Bara pinguru mu inŭh daya adi an birawan ka jerā bara pinaku; ngara marar trima pinganggen ngga suap. Ngara bŭn ngibān anak tumang di yŭn bisara bait dingah pinganang dayung uban pasar har ngara.

ISAIAH 50:6

Aku nggen punok ku di ngara adi mukong aku. Aku nggen paŭp ku kan ngara ngamun aku, kan ngara nyirugut gagap ku ka nyiruja jawin ku.

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

ISAIAH 8:17

TUHAN mbŭh sukan adŭp-I so daya-I, pak aku sabah di Ayŭh ka na pingarap ku di Ayŭh.

ISAIAH 9:1

Mating aran ngara re pirupas adŭp ngara so tika pinyusah anŭ. Tarun tana tibaran-asar Zebulun ngga Naphtali muko dawŭ-i dog ngamun, pak jŭ tarun tana anŭ re dog stabi, so Mediterranean ka timor nuju tarun tana di pah mandi Jordan, jeh ndŭg Galilee, di yŭn daya tami rŭŭ.

EZEKIEL 34:23

Aku re nggen di ngara raja mun David, adi urun Ku, bada jadi pingingat ngara, ka ayŭh re kingat ngara.

EZEKIEL 37:25

Ngara re udip di tarun tana adi Aku nggen di urun Ku Jacob, tarun tana di yŭn tayung-babuk ngara rŭŭ. Ngara re rŭŭ diginŭ ndŭg situi tui, ka simŭnŭ gŭh bara anak ngara samŭn bara sesang ngara. Raja adi mun urun Ku David re mritah ngara ndŭg situi tui.

DANIEL 7:13

Darŭm kayuh anŭ adi dog kiris keya ka darŭm pŭmŭh ngarŭm anŭ, aku kiris kayuh mun manusia. Ayŭh mandŭg tudu aku, dog kirurung abun, ka ayŭh di ka sianŭ adi udip ndŭg situi tui ka dog taban ka yŭn-I.

MICAH 5:6

Ngga kuasa sinyata, ngara re ngarah Assyria, tarun tana Nimrod, ka ngara re nyiramat ata so bara daya Assyria kan ngara nyerang tarun tana ta.

MICAH 7:20

Kaam re kiren pinyitŭtŭd ngga pinyirindu Mai adi dŭh bisa birubah di daya Mai, bara sesang Abraham ngga Jacob, nimun adi muko Mai janji di tayung-babuk ami jah.

ZECHARIAH 13:7

TUHAN Bisa-pŭrŭg nang, “Burah meh, pedang, ka nyerang pingingat-biri adi nyiraja yŭn Ku! Siŭ ayŭh, ka kaban biri-i re mingare. Aku re nyerang daya Ku

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

MALACHI 4:2

Pak yŭn angān adi nundok di Aku, kuasa Ku adi nyiramat angān re makat keya ka batŭh andu, ka kuasa Ku anŭ re nggen pinyibua keya ka jawa batŭh andu. Angān re dog pirupas ka gaŭn keya ka anak sapi dog piruah so kandang.

PINYIKIANG 21:14

Ngapŭi darŭm Surat Pasar Perang TUHAN agi dog nuris “...kupo Waheb di arong gadung Suphah, ngga rubān rubān;

MARK 4:34

Ayŭh taŭn ari pakai upama kan-I ngajar, pak kan Ayŭh mbŭh sadi ngga bara murid-I, Ayŭh kidaan rati sopŭrŭg-i di ngara.

LUKE 24:25

Komŭnŭ Jesus nang di ngara, “Ruai nang budo-i angān, paŭh sais sabah di sopŭrŭg kayuh anŭ adi bara nabi ko nang!

LUKE 24:44

Komŭnŭ Ayŭh nang di ngara, “Ati inŭh kayuh adi Aku ko kidaan di angān sitadŭn Aku gibabŭ ngga angān: sopŭrŭg kayuh adi dog nuris pasar Aku di Ukum-adat Moses, di surat surat nabi, ka di Mazmur, dŭh siŭn dŭh jadi bitŭtŭk.”

JOHN 1:45

Philip dapŭd Nathanael ka kidaan di ayŭh, “Kieh mbŭh dapŭd Ayŭh adi Moses nyabŭt darŭm surat Ukum-adat ka adi bara nabi ko nyabŭt gŭh. Ayŭh inŭh Jesus anak Joseph, so Nazareth.”

JOHN 12:41

Isaiah nang sakanŭ sabab ayŭh ko kiris bragah Jesus ka minyu pasar Ayŭh.

JOHN 5:37

Ka Sama adi pait Aku mbŭh gŭh bisaksi ngarun Aku. Angān gi-bŭn dingah sirŭŭn-I puan kah kiris jawin-I,

JOHN 5:39

Angān birajar Surat-kudus, sabab angān pikir darŭm-i angān bisa dapŭd udip adi sawŭ adi tan adu adu. Ka Surat-kudus ati inŭh adi mbŭh minyu pasar Aku!

PINGANDAI 10:43

Sopŭrŭg nabi mbŭh minyu pasar Ayŭh, nang sopŭrŭg adi sabah di Ayŭh re dapŭd pingapun dosa so ka kuasa adŭn-I.”

PINGANDAI 3:18

Tapa muko kidaan ndun jah so baba bara nabi nang Kristus-I dŭh siŭn dŭh re kinyam jera-birasa; ka Ayŭh mbŭh bada-i jadi bitŭtŭk.

PINGANDAI 3:22

Amai Moses ko nang, ‘Tuhan adi Tapa ngan re pait ka angān ndi naan nabi, nimun Ayŭh ko pait aku, ka Ayŭh inŭh re ndi naan so bangsa adŭp ngan. Angān dŭh siŭn dŭh dingah pinganang-I.

PINGANDAI 3:24

Ka sopŭrŭg nabi adi ko minyu, samŭn Samuel ka ngara adi mandŭg ripas ayŭh, samah ko kidaan kayuh adi mbŭh jadi di tipuh ati.

PINGANDAI 7:37

Moses inŭh adi nang di daya Israel, ‘Tapa re pait ka angān ndi naan nabi, nimun Ayŭh mbŭh pait aku; ka ayŭh re so bangsa adŭp ngan.’

PINGANDAI 8:35

Jadi Philip piguru minyu; piguru so pinganang Surat-kudus anŭ, ayŭh kidaan di ayŭh Agah Kana pasar Jesus.

DITRONOMI 1:45

Ka angān nyirais mite turung so TUHAN, pak Ayŭh dŭh raan dingah angān, ka dŭh piduri angān.

DITRONOMI 18:15

Ka Ayŭh re pait ka yŭn ngan ndi naan nabi mun aku, so ruang bangsa adŭp ngan, ka angān dŭh siŭn dŭh tunda pinganang-i.

PINANDŬNG 19:10

Aku sidikang di kaja-i re nyambah ayŭh, pak ayŭh nang di aku, “Dŭhnyah simŭnŭ! Aku ati urun mun kuu gŭh, mun bara adi bŭkŭn adi sabah, sopŭrŭg adi bidigŭng tagap di ajar adi sawŭ adi dog pinandŭng Jesus. Nyambah Tapa nŭh!” Ajar adi sawŭ adi Jesus pinandŭng inŭh adi nyibake bara nabi.