LUKE 23:35 - Hakcipta - Biatah Bidayuh

³⁵ Bara daya mijog diginŭ tingga, darŭm bara pingibās bangsa Jahudi napat Ayŭh: “Ayŭh nyiramat daya; tandah Ayŭh nyiramat adŭp-I kambŭi Ayŭh sawŭ Kristus adi Tapa mbŭh mien!”

LUKE 23:35 ပူးပေါင်းရင်းမြစ်များ

MAZMUR 22:17

Sopŭrŭg turang ku tungang dog kiris. Pinganyu ku tingga ka tirek aku.

MAZMUR 35:15

Pak kan aku darŭm susah, sopŭrŭg ngara gaŭn ka tikuruk maning aku ka napat aku; daya saruh mukong aku ka adu adu mukong aku.

MAZMUR 4:2

Re tian-ki angān pimangŭh Aku? Re tian-ki angān rindu kayuh adi dŭh biguna ka tadak kayuh adi dŭh batur?

MAZMUR 69:26

Ngara kisiis ngara adi Kaam mbŭh ngukum; ngara minyu pasar sangsara ngara adi Kaam mbŭh bada biragan.

MAZMUR 71:11

Ngara nang, “Tapa mbŭh tagan ayŭh; ja tadak ayŭh ka nakap ayŭh; mating daya re nyiramat ayŭh.”

ISAIAH 42:1

TUHAN nang, “Ati inŭh urun ku, adi Aku nyibake — adi Aku mbŭh mien; di ayŭh asŭng Ku munos. Aku mbŭh nggen di ayŭh kuasa Ku, ka ayŭh re taban pinyitŭnggŭn ka barang bangsa.

ISAIAH 49:7

Pinyikudip ngga Tapa kudus Israel nang di sianŭ adi bandar dog ngamun, adi tiru bangsa bangsa dieh ka adi urun bara pimritah: “Raja raja re kiris kuu dog pirupas ka re makat yŭn kiren stabi ngara; bara pinguasa gŭh re kiris-i, ka ngara mutu ubak ngara stabi di kuu.” Kayuh re jadi sabab TUHAN mbŭh mien urun-I; Tapa Israel, Tapa adi kudus sita janji-I.

ISAIAH 53:3

Ata ngamun ayŭh ka tirawan ayŭh; ayŭh kinyam sangsara ngga sarang andam. Mating daya an kimat ayŭh; ata nyipunok ayŭh mun ata ngga kayuh au-tarun.

PUĀS 3:14

Daya tawŭh aku ndi andu andu; aku mbŭh jadi buwa tapat sopŭrŭg ngara.

ZECHARIAH 12:10

“Aku re nggen di sesang sesang David ngga di daya Jerusalem atin adi masi ngga atin adi gagā bidua. Ngara re tingga sianŭ adi ngara mbŭh tabŭk ndŭg ka kabŭs, ka ngara re ngurid-i mun ngurid anak tambŭ adŭp ngara. Ngara re bandar bandar ngurid, mun daya ngurid anak pinuai dari.

MATTHEW 12:18

“Ati inŭh Urun Ku, adi Aku ko mien, adi Aku rindu; di Ayŭh asŭng Ku munos. Aku re pait Roh Ku di Ayŭh, ka Ayŭh re kidaan pinyitŭnggŭn Ku di sopŭrŭg bangsa.

MATTHEW 3:17

Komŭnŭ agi dog dingah sirŭŭn Tapa minyu, nang, “Ati inŭh Anak nyirot Ku, di Ayŭh asŭng Ku munos.”

LUKE 16:14

Kan daya Pharisee dingah sopŭrŭg kayuh anŭ, ngara napat Jesus, sabab ngara awang duit.

LUKE 23:13

Pilate bagan da tikuruk bara pingubak imam, nyamba bangsa Jahudi, samŭn bara daya bagŭ,

LUKE 23:39

Ndi naan so daya arap anŭ adi dog masak, bakit Ayŭh: “Dŭh kah Kuu Kristus? Nyiramat adŭp Mu samŭn kieh!”

1 PETER 2:4

Mandŭg meh ka Tuhan, batuh udip adi dog taran daya amai dog nyirundeng dŭh biguna, pak dog mien Tapa amai-i brega.