8 Jesus nang, “Jaga meh adŭp ngan; dŭhnyah udah tiyur. Bagŭ daya, pakai adŭn Ku, re mandŭg ka nang, ‘Aku ati Ayŭh!’ ka, ‘Tipuh mbŭh mandŭg!’ Pak dŭhnyah tunda ngara.
Aku, adi TUHAN, adi Tapa Israel, bakan angān bada dŭh tandah adŭp ngan dog nipu bara nabi adi rŭŭ di ruang ngan bait dog nipu tadŭ tadŭ adi bŭkŭn adi nang adŭp-i pandai ninjau tipuh adi re. Dŭhnyah mbit piduri di pŭmŭh pŭmŭh ngara.
Jadi Ayŭh nang di ngara, “Kan angān katuh Anak Manusia, angān re puan ‘Aku ati inŭh Ayŭh’; komŭnŭ angān re puan Aku dŭh ndai kayuh so ka pinyiraan adŭp Ku, pak nimun Sama mbŭh ngajar Aku, sakanŭ inŭh Aku minyu.
Angān tatu puan nang daya adi ginaka dŭh re kinyam Pinyipritah Tapa. Dŭhnyah nyibudo adŭp ngan; daya adi dŭh tatu pimudip-i, puan kah adi nyambah tibudo, puan kah adi tanggah, puan kah adi ndai pingandai kais dupan adŭp-i adi samah dari,
Dŭhnyah bada daya nyibudo angān. Andu anŭ dŭh re mandŭg ndŭg ka andu adi ngga daya bagŭ makat rawan Tapa, ka Manusia adi Arap anŭ adi taŭn re dog taran ka neraka, pinandŭng adŭp-i.
Angān adi aku rindu, dŭhnyah sabah tadŭ tadŭ daya adi nang adŭp-i biyŭn Roh Kudus, pak suba ngara yŭn puan sawŭ kah dŭh roh anŭ adi ngara biyŭn mandŭg so Tapa. Amai bagŭ nabi kadong mbŭh tambus barang yŭn.
Bagŭ pingadong mbŭh bijaruh di ong, ngara adi abah sabah Jesus Kristus ko mandŭg darŭm gayŭn manusia. Daya adi mun anŭ taŭn-i pingadong ka mbŭh Pinganyu Kristus.
Sanang inŭh sianŭ adi basa surat ati, ka sanang inŭh ngara adi dingah pinganang-binabi ati ka tunda kayuh adi dog nuris darŭm surat ati! Amai tipuh-i re rikas mandŭg adi ngga sopŭrŭg kayuh ati re tambus.
Tibande naga anŭ dog taran, anŭ inŭh jippŭh jah, adi dŭn Siarap, puan kah Shetan, adi nyibudo sopŭrŭg daya di ong. Ayŭh dog taran ka ong samŭn bara malaikat-i.