Kan andu anŭ mandŭg, ngara re ngāb bana sak jawŭn girumbang di rawŭt, darŭm ngara nyerang Israel. Tingga meh, ndi rais rais anŭ dog marut karŭm ngga pinyusah! Jawa dog tŭrŭn karŭm!
“Aku re bada sinadan angān adi dog taran ka rais daya ruai taru ndŭg ka jawŭn dawŭn dog poh sabak re bada angān bikaduh. Angān re bikaduh keya ka dog tadak darŭm biperang, ka angān re rabu pŭn ka pinganyu mating sindŭk angān.
“Dŭh tui ripas pinyusah di tipuh anŭ, batŭh andu re marui jadi karŭm, buran re dŭh tia nyekar, bitang bitang re rabu so rangit, ka kuasa di rangit re bigugoh.
“Re agi kayuh saruh jadi di batŭh andu, di buran, ka di bitang. Sopŭrŭg bangsa di ndi ong ong re taru da jawŭn girumbang ka passang bās, ka ngara dŭh puan ani re ngara ndai.