LUKE 20:37 - Hakcipta - Biatah Bidayuh

³⁷ Ka adŭp Moses ko nakit kidaan nang daya adi mbŭh kabŭs re dog pakat udip bauh. Di dundan pasar anak tŭngŭn kayuh adi bijagu apui dieh, ayŭh minyu pasar Tuhan adi ‘Tapa Abraham, Tapa Isaac, ka Tapa Jacob.’

LUKE 20:37 ပူးပေါင်းရင်းမြစ်များ

TIBIRIK 17:7

“Aku re kingat janji Ku di kuu ka di sesang mu di turap turap adi re, da jadi simanya adi tan adu adu. Aku re jadi Tapa mu ka Tapa bara sesang mu.

TIBIRIK 28:13

Ka diginŭ TUHAN agi mijog sindŭk ayŭh, ka nang, “Aku ati TUHAN adi Tapa Abraham ngga Isaac, Aku re nggen di kuu ngga di bara sesang mu tarun tana ati adi yŭn mu guring.

TIBIRIK 28:21

ka kingat aku ndŭg ka aku mari ka ramin sama ku ngga siramat, nŭ ka Kaam jadi Tapa ku.

TIBIRIK 32:9

Ka Jacob bidua, “O Tapa babai ku Abraham, ka Tapa sama ku Isaac, dingah aku! Kaam bada aku, TUHAN, pari ka rais adŭp ku, ka yŭn bara madis ku, ka bada aku mujur darŭm pimudip ku.

PINYIRUAH 3:15

Kidaan di bara daya Israel nang Aku, adi TUHAN, adi Tapa tayung-babuk ngara, Tapa Abraham, Isaac ka Jacob inŭh adi pait kuu ka ngara. Anŭ inŭh dŭn Ku ndŭg situi tui; anŭ inŭh dŭn adi turap bauh re pakai ngga kadŭn Aku.

DITRONOMI 33:16

Isa-i tana ngara brisi ngga sopŭrŭg kayuh adi kana, dog nyiberkat ngga mandis TUHAN, adi muko minyu so anak tŭngŭn kayuh adi bijagu apui dieh. Isa-i sopŭrŭg berkat ati mandŭg ka tibaran-asar Joseph, sabab ayŭh mbŭh jadi pinguru di dupan adŭp ngara adi bijurud.