LUKE 18:13 - Hakcipta - Biatah Bidayuh

¹³ Pak daya pinsuke anŭ mijog jo, dŭh-i an nyigura ka rangit, pak nupap sudo-i ka nang, ‘Tapa, masi di aku daya bidosa!’

LUKE 18:13 ပူးပေါင်းရင်းမြစ်များ

2 SAMUEL 12:13

“Aku mbŭh bidosa rawan TUHAN,” David nang. Nathan nam, “TUHAN mbŭh apun kuu; kuu dŭh re kabŭs.

2 KRONIKEL 33:19

Dua raja samŭn pinyinam-i so Tapa, ka dundan pasar dosa adi ayŭh mbŭh ndai sibayuh ayŭh marik pimudip-i pari ka Tapa — arap adi-i ndai, tarun tarun yŭn bisambah adat karŭm ngga tandā tandā pinatŭng tapa Asherah adi-i ndai ngga tibudo adi-i nyambah — mbŭh dog nuris sopŭrŭg-i darŭm Surat Dundan bara Nabi.

2 KRONIKEL 33:23

Pak dŭh mun sama-i, ayŭh dŭh pirapat adŭp-i ka TUHAN; ayŭh mbŭh rabis bidosa so sama-i.

EZRA 9:6

Aku nang, “O Tapa, aku mbŭh raru mangŭh re pakat ubak ku nyigura Kaam. Dosa ami mbŭh bitugung, bigatung so ubak ami; sopŭrŭg-i mbŭh bitugung ndŭg rangit.

JOB 42:6

Ngapŭi aku mangŭh ngarun sopŭrŭg kayuh adi aku mbŭh nang ka ngga atin nyesar aku ngabu dabu ngga apŭk di adŭp ku.

MAZMUR 106:6

Kieh mbŭh bidosa nimun tayung-babuk ami; kieh mbŭh ginaka buang arap.

MAZMUR 119:41

Kiren di aku munki masam bās pinyirindu Mai di aku, TUHAN, ka nyiramat aku nanyam ka janji Mai.

MAZMUR 130:7

Israel, sabah di TUHAN, sabab pinyirindu-I dŭh bisa birubah ka Ayŭh taŭn ari raan nyiramat.

MAZMUR 25:11

Digŭng janji Mai, TUHAN, ka apun dosa ku, amai dosa ku bagŭ.

MAZMUR 25:7

Apun dosa ngga sarah ku andu gi-mara. Darŭm pinyirindu Mai adi dŭh bisa birubah ngga pinyikana, ingat aku, O TUHAN!

MAZMUR 40:12

Aku dog kirurung bagŭ pinyusah — raru bagŭ re nŭŭh mirang! Dosa ku mbŭh nyandat aku, ka aku mbŭh dŭh tia dapŭd kiris; ka-i rabis bagŭ so sirah ubok di ubak ku, ka pinyipagan ku mbŭh mating.

MAZMUR 41:4

Aku nang, “Aku mbŭh bidosa rawan Kaam TUHAN; masi di aku ka pibua aku.”

PINYIRUAH 33:10

Kan bara daya kiris tŭngŭn abun anŭ di baŭm tiban Bari TUHAN, ngara mutu ubak.

ISAIAH 1:18

TUHAN nang, “Ja, ngatur har ati. Angān mbŭh bitameg bireh bada dosa, pak Aku re ngu angān bada bisig mun salju. Sunggu kais ngan takod bireh, angān re buda mun buruh biri.

ISAIAH 6:5

Aku nang, “Mating pingarap ku tia! Mŭmbŭh inŭh aku ati, sabab barang bang piminyu adi ruah so baba ku inŭh bidosa, ka aku udip bigaur ngga daya adi barang bang piminyu-i bidosa. Pak ngga batŭh adŭp ku, aku mbŭh kiris Raja, adi TUHAN Bisa-pŭrŭg!”

ISAIAH 66:2

Adŭp Ku napa rangit ngga ong! Aku munos asŭng di ngara adi pirapat adŭp-i ka adi marik pimudip-i pari ka Aku, adi taru ka nundok di Aku.

EZEKIEL 16:63

Aku re apun sopŭrŭg sarah adi kuu mbŭh ndai, pak kuu re ingat-i ka re raru mangŭh kanga baba mu.” TUHAN Raja mbŭh minyu.

DANIEL 9:5

“Kieh mbŭh bidosa, kieh mbŭh ndai arap, kieh mbŭh ndai sarah. Kieh mbŭh tirawan kayuh adi Kaam pesan di kieh bada ndai ka mbŭh miriseu so kayuh adi Kaam nang batur.

MATTHEW 10:3

Philip ngga Bartholomew; Thomas ngga Matthew, adi daya pinsuke; James anak Alphaeus, ka Thaddaeus;

MATTHEW 6:5

“Kan angān simayang, dŭhnyah mun daya adi pingadong! Ngara suka mijog simayang di ramin simayang ka di sikuh tarun di aran passar, isa daya kiris ngara. Puan meh, ngara mbŭh dog bayar ngga sipuno-i.

MATTHEW 9:13

Di tingga ka jiroh rati pinganang Surat-kudus adi nang: ‘Atin mandis inŭh adi Aku raan, dŭh-i sadis dāng.’ Aku dŭh mandŭg di bagan daya adi nang adŭp-i kana, pak di bagan ngara adi dog tirawan.”

MARK 11:25

Ka kan angān mijog simayang, apun sopŭrŭg sarah daya di tunduh ngan, isa Sama ngan adi di shorga apun gŭh dosa ngan.” [

LUKE 17:12

Ayŭh aŭn mŭrŭt ndi anak kupo kan-I bidapŭd ngga simŭng naan daya adi naman andam kurit adi bisā. Ngara mijog so jo

LUKE 22:41

Komŭnŭ Ayŭh panu jo so ngara dang ndi pinyijakad batuh, ka-I sidikang ka bidua.

LUKE 23:48

Bara daya adi agi tikuruk diginŭ kiris kayuh adi mbŭh jadi; sopŭrŭg ngara maad ka ramin adŭp ngara, nupap sudo buang susah.

LUKE 5:8

Kan Simon Peter kiris kayuh adi mbŭh jadi, ayŭh sidikang di kaja Jesus ka nang, “Bu so aku Tuhan! Aku ati daya bidosa!”

PINGANDAI 2:37

Kan bara daya dingah anŭ, ngara mbŭh raru bipito buang nang di Peter samŭn di bara pinyuruh adi bŭkŭn, “Dingan, ani patut ami ndai?”

ROME 5:8

Pak Tapa mbŭh kiren munki masam bās pinyirindu-I di ata, ka sitadŭn ata gibabŭ bidosa Kristus mbŭh kabŭs yŭn ta.

2 CORINTH 7:11

Angān bisa tingga kayuh adi Tapa ndai ngga atin mandam ngan! Angān mbŭh batur batur raan kiren adŭp ngan dŭh sarah! Angān mbŭh bangok, mbŭh gŭgŭh, ka mbŭh gruwŭn an ngukum pingandai sarah! Angān mbŭh kiren adŭp ngan dŭh sarah di sopŭrŭg kayuh anŭ.

1 TIMOTHY 1:15

Pinganang ati agi sawŭ, patut dog trima ka dog sabah: Kristus Jesus mandŭg ka ong di nyiramat daya adi bidosa. Aku ati adi rabis arap,

HEBREW 4:16

Ja ata ngga atin birani masang ka yŭn takta Tapa, di yŭn agi pinyirasi-mandis. Diginŭ ata re kambat pingapun buang dapŭd pinyirasi-mandis, ngga turung adŭp ta di tika ata biguna dieh.

HEBREW 8:12

Aku re apun dosa ngara ka dŭh re tia ingat sarah ngara.”