LUKE 16:15 - Hakcipta - Biatah Bidayuh

¹⁵ Jesus nang di ngara, “Angān inŭh bara adi ndai adŭp-i mun adi batur di batŭh daya, pak Tapa puan atin ngan. Amai kayuh adi dog nyirundeng raru brega di manusia agi au-tarun di batŭh Tapa.

LUKE 16:15 ပူးပေါင်းရင်းမြစ်များ

1 KRONIKEL 29:17

Aku puan nang Kaam suba atin barang naan daya, ka taŭn munos asŭng di daya adi jujur. Ngga atin jujur ka tŭnggŭn aku mbŭh ngga siabo asŭng nggen sopŭrŭg ati ka Kaam, ka aku mbŭh kiris munki masam daya Mai adi agi tikuruk digiti ngga sanang asŭng taban sadis ka Kaam.

2 KRONIKEL 6:30

dingah dua-i. Dingah ngara so yŭn pinyirŭŭ Mai di shorga ka apun ngara. Kaam sadi adŭ adi puan isi atin manusia. Ndai di tunduh barang naan daya nanyam patut,

MAZMUR 10:3

Daya ginaka mingangŭn di pinyiraan arap ngara; daya adi raka mangu ka tirawan TUHAN.

MAZMUR 49:13

Tingga ani jadi ngara adi sabah di adŭp-i, nasip ngara adi munos ngga buat-rata ngara —

MAZMUR 49:18

Sunggu kambŭi ayŭh munos di pimudip-i ka dog muji daya amai udip-i mujur,

MAZMUR 7:9

Kaam inŭh Tapa adi tŭnggŭn ka puan pikir-kira ngga pinyiraan ami. Pirŭŭ urah ginaka bara daya adi arap ka ngupah ngara adi kana.

PITAS 16:5

TUHAN tiru di barang naan daya adi sambuh; Ayŭh dŭh re bada ngara rupas so dog ukum.

PITAS 20:6

Barang naan daya minyu pasar munki masam tŭtŭd adŭp-i, pak suba jiroh asi adi sawŭ tŭtŭd!

PITAS 21:2

Kuu bisa pikir sopŭrŭg kayuh adi kuu ndai batur, pak ingat nŭh, TUHAN adi puan isi atin manusia.

JEREMIAH 17:10

Aku, adi TUHAN, kāp pikir manusia ka suba atin manusia. Aku nggen di barang naan daya nanyam ka gaya pimudip-i, nanyam ka kayuh adi-i ndai.”

MALACHI 3:15

Nimun adi mbŭh ta kiris, daya adi sambuh inŭh daya adi sanang. Daya adi arap dŭh-i udip mujur adŭ, pak ngara suba pinyitŭtŭd Tapa ngga pingandai arap ngara ka dŭh dog ukum.’ ”

MATTHEW 23:5

Ngara ndai bagŭ masam kayuh isa daya kiris. Tingga nŭh anak kutak adi brisi ngga ayat ayat pinganang Surat-kudus adi ngara na di arŭ ka di tangan ngara, ka tingga munki masam ramba-i! Ka ngatin gŭh munki masam ambu-i taris taris-abuh di jipo ngara!

MATTHEW 6:16

“Kan angān bipusa, dŭhnyah kiren raŭn ngan susah mun ngara adi pingadong. Ngara ndai adŭp-i mun adi sangsara isa daya puan ngara bipusa. Puan meh, ngara mbŭh dog bayar ngga sipuno-i.

MATTHEW 6:2

“Jadi kan angān nggen kayuh di daya adi sutok, dŭhnyah ndai-i ngga atin mirawa, nimun bara pingadong ndai urah-i di ramin simayang ka di aran passar. Ngara ndai simŭnŭ isa daya muji ngara. Puan meh, ngara mbŭh dog bayar ngga sipuno-i.

MATTHEW 6:5

“Kan angān simayang, dŭhnyah mun daya adi pingadong! Ngara suka mijog simayang di ramin simayang ka di sikuh tarun di aran passar, isa daya kiris ngara. Puan meh, ngara mbŭh dog bayar ngga sipuno-i.

LUKE 10:29

Pak gurū Ukum-adat Jahudi anŭ raan nyibandar adŭp-i, ayŭh siken, “Asi dingan ku?”

LUKE 11:39

Ka Tuhan nang di ayŭh, “Angān daya Pharisee, pibisig sapa saker ka pinggen, pak di darŭm angān mbŭh puno ngga pinyiganas ngga arap.

LUKE 18:11

Daya Pharisee anŭ mijog sadi-i ka bidua, ‘Aku nggen trima kaseh di Kaam, Tapa, sabab aku dŭh tama, dŭh pinipu, puan kah pinanggah, mun daya bŭkŭn. Aku nggen trima kaseh di Kaam amai aku dŭh mun daya pinsuke ajeh.

LUKE 18:14

Aku kidaan di angān,” Jesus nang, “daya pinsuke anŭ, dŭh-i daya Pharisee anŭ, adi dog trima Tapa kan-i maad ka ramin-i. Amai daya adi katuh adŭp-i re dog pirapat, ka daya adi pirapat adŭp-i re dog katuh.”

LUKE 18:21

Daya anŭ nam, “So aku gi-sŭ, aku tunda sopŭrŭg Pinyipesan anŭ.”

LUKE 18:9

Jesus nyidundan upama ati gŭh di ngara adi pikir adŭp-i kana ka ngamun daya bŭkŭn.

LUKE 20:20

Jadi ngara kajŭn pluang. Ngara nyuap daya da ngakar mun daya adi tŭnggŭn atin-i, ka pait ngara da kudog Jesus ngga piminyu pinganang, isa ngara bisa nyerah Ayŭh ka darŭm tangan ngga kuasa gabenor pritah Rome.

LUKE 20:47

Ngara nipu dayung uban ka sirapas ramin arŭn ngara, ka komŭnŭ nadar tui bidua! Tung ngara ukum re rabis bat!”

JOHN 2:25

Dŭhsah daya kidaan di Ayŭh pasar tadŭ tadŭ daya, amai Ayŭh mbŭh puan isi atin manusia.

JOHN 21:17

Jesus siken dinge, adi pitaruh saba, “Simon anak John, rindu mu kah Aku?” Peter mbŭh susah sabab Jesus mbŭh pitaruh kari siken ayŭh, “Rindu mu kah dŭh Aku?” Jadi ayŭh nang di Jesus, “Tuhan, Kaam puan sopŭrŭg kayuh; Kaam puan aku rindu Kaam!” Jesus nang di ayŭh, “Sita biri biri Ku.

PINGANDAI 1:18

Ngga duit adi-i dapŭd so kraja arap-i Judas miris ndi engan tana, di yŭn-i kabŭs rabu; tain-i bubus ka kuboi-i ruah.

PINGANDAI 1:24

Jadi ngara bidua, nang, “Tuhan, Kaam puan pikir-kira sopŭrŭg daya, kidaan di kieh aki so ngara duwŭh ati adi Kaam mien bada jadi pinyuruh gati Judas, adi mbŭh bu ka tarun yŭn adŭp-i.”

PINGANDAI 15:8

Ka Tapa, adi puan pikir-kira daya, mbŭh kiren adŭp-I nyibandar daya adi dŭh bangsa Jahudi kan-I nggen Roh Kudus di ngara, nimun-I ko nggen di ata.

ROME 3:20

Amai mating inŭh daya bamai ngga Tapa so ndai kayuh adi Ukum-adat bada; Ukum-adat batur-i bada ata puan kambŭi ata bidosa.

ROME 8:27

Ka Tapa meh, adi puan isi atin manusia, puan ani adi nang Roh anŭ; sabab Roh anŭ bidua ka Tapa ngarun daya-I buang nanyam ka pinyiraan-I.

1 CORINTH 4:5

Ngapŭi angān dŭh patut nang daya sarah bait dŭh sarah diŭ so tipuh-i. Itong dŭh siŭn patŭd sibayuh Tuhan mandŭg; Ayŭh re bada tatŭng sopŭrŭg rusia adi dog sukan darŭm karŭm samŭn pinŭtŭn atin manusia adi bisukan. Ka komŭnŭ barang naan daya re trima puji-i so Tapa nanyam patut.

1 PETER 3:4

Pinyiramus ngan inŭh patut so tura ka darŭm, pimudip adi dŭh bidudu buang adi duduh. Pinyiramus adi mun anŭ tan tui, ka mbŭh brega dŭ di batŭh Tapa.

1 PETER 5:5

Simŭnŭ gŭh angān daya adi babŭ mara, dŭh siŭn dŭh an nundok di daya adi tuuh. Ka sopŭrŭg ngan dŭh siŭn dŭh an taban atin tŭkŭn yŭn turung dingan ngan; amai Surat-kudus nang, “Tapa abah di daya adi sambuh, pak turung daya adi pirapat adŭp-i.”

PINANDŬNG 2:23

Aku re siŭ bara pinunda-i gŭh, ka komŭnŭ sopŭrŭg eklisia re puan nang Aku ati inŭh sianŭ adi puan sopŭrŭg pikir-kira ngga pinyiraan manusia. Aku re maras barang naan so bara mu nanyam ka pingandai adŭp ngara.

1 SAMUEL 16:7

Pak TUHAN nang di Samuel, “Dŭhnyah piduri ayŭh bigatung bait ramus. Aku dŭh raan ayŭh, amai Aku dŭh mien mun manusia mien. Manusia tingga sapa pŭrŭng ganan, pak Aku tingga darŭm atin daya.”