LUKE 13:34 - Hakcipta - Biatah Bidayuh

³⁴ “Jerusalem, Jerusalem! Kuu siŭ bara nabi, ka manjan ngga batuh bara pinyisung adi Tapa pait ka kuu! Mbŭh pikudu kari Aku raan dakŭp sopŭrŭg daya mu, nimun sindŭ siok nguruk anak-i di ribo urad-i, pak kuu abah!

LUKE 13:34 ပူးပေါင်းရင်းမြစ်များ

NEHEMIAH 9:26

“Pak daya Mai rawan ka dŭh tŭtŭd di Kaam; ngara nyipunok Ukum-adat Mai. Ngara siŭ nabi nabi adi bakan ngara, adi kidaan di ngara bada pari ka Kaam. Ngara ari ngamun Kaam,

NEHEMIAH 9:30

Barang sawa ngga tŭtŭd Kaam bakan ngara. Kaam bada bara nabi Mai minyu, pak daya Mai bangam, ka Kaam bada ngara dog ngarah daya bangsa bŭkŭn.

MAZMUR 149:2

Gaŭn, Israel, sabab Pinapa ngan; pawŭn, daya Zion, sabab raja ngan!

MAZMUR 17:8

Grindung aku nimun Kaam kingat batŭh adŭp Mai; sukan aku di sayung ribo urad Mai

MAZMUR 36:7

O Tapa, munki masam brega-i pinyirindu Mai adi dŭh bisa birubah! Kieh dapŭd pinyigrindung di sayung ribo urad Mai.

MAZMUR 57:1

Masi di aku, O Tapa, masi di aku, sabab aku mandŭg ka Kaam yŭn pinyiramat. Di sayung ribo urad Mai aku dapŭd pinyigrindung ndŭg ka sabak ribut adi bangat mbŭh saya.

MAZMUR 81:13

Mbŭh raru kana-i kambŭi daya Ku raan dingah pinganang Ku; mbŭh raru kana-i kambŭi daya Ku raan ndai pinyiraan Ku!

MAZMUR 91:4

Ayŭh re nutu kuu ngga urad-I; kuu re siramat darŭm tangan-I; pinyitŭtŭd-I re grindung ka ngibān kuu.

ISAIAH 30:15

TUHAN Raja, Tapa kudus Israel, nang di daya-I, “Pari ka Aku ka sabah di Aku ngga atin sanang. Angān re dog nyibake ka re siramat.” Pak angān abah!

ISAIAH 50:2

“Mani daya Ku abah kambat Aku kan Aku mandŭg tudu ngara an nyiramat ngara? Mani ngara abah nam kan Aku bagan? Aku ati ramah kah, ka dŭh dapŭd nyiramat ngara? Aku bisa nyibadŭh rawŭt ngga ndi bang piminyu ka marik sungi sungi bada jadi tarun tana-sumat, isa iken iken adi darŭm-i kabŭs dŭh biyŭn piin.

JEREMIAH 2:30

Aku ngukum kuu, pak mating guna-i; kuu abah dingah ajar Ku. Keya ka singah, kuu mbŭh siŭ nabi nabi mu.

JEREMIAH 26:23

Ngara taban ayŭh pari ka Jehoiakim, adi siŭ ayŭh, ka tadang-i ngara taran di kubur-ratus.)

JEREMIAH 35:14

Bara sesang Jonadab tunda pinganang-i ka dŭh nok wain, ka ndŭg andu ati mating ngara nok wain. Aku minyu gŭh ngga angān, pak angān bŭn tunda pinganang Ku.

JEREMIAH 35:17

Jadi madin, Aku, adi TUHAN Bisa-pŭrŭg, adi Tapa Israel, re taban ka angān adi daya Judah ngga daya Jerusalem sopŭrŭg pinyirusag adi Aku mbŭh nang re nyatŭk angān kambŭi angān dŭh an dingah pinganang Ku. Aku re ndai anŭ sabab angān abah dingah kan Aku minyu ngga angān, ka angān abah nam kan Aku bagan angān.”

JEREMIAH 6:16

TUHAN nang di daya-I, “Mijog di sakap sakap aran ka tingga. Siken diki aran amba adi jah ka diki aran adi siabo kana. Kadŭg-i, ka kuu re udip darŭm damai.” Pak ngara nang, “Dŭh, abah kieh!”

PUĀS 1:16

“Anŭ inŭh sabab randang batŭh ku pripasor ruah. Mating daya dapŭd nyaduh aku; mating daya dapŭd ngatat aku. Pinganyu mbŭh ngarah aku; daya ku mbŭh dŭh biyŭn ani ani tia.

PUĀS 4:13

Pak-i sawŭ jadi simŭnŭ, sabab nabi nabi-i bidosa ka imam imam-i sarah amai mbŭh siŭ daya adi dŭh sarah.

HOSEA 11:2

Pak makin Aku bagan ayŭh, makin ka ayŭh bu so Aku. Daya Ku nyadis ka Baal; ngara badang kimanyan ka tibudo.

HOSEA 11:7

Ngara garis an bu so Aku. Ngara re bagan mite turung amai dog pijera darŭm pimudip ngara, pak mating daya re pirupas ngara.

JOEL 2:23

“Gaŭn angān, daya Zion, gaŭn meh angān amai kayuh adi TUHAN adi Tapa ngan mbŭh ndai yŭn ngan. Ayŭh mbŭh nggen di angān sukup ujen di tipuh jaya; Ayŭh mbŭh ren ujen tipuh madud ka ujen tipuh bunga mun dawŭ-i yŭn ngan.

ZECHARIAH 1:4

Dŭhnyah mun tayung-babuk ngan. Ndun jah bara nabi nggen di ngara pinganang Ku, bada ngara ko bidosa. Pak ngara abah dingah Aku bait nundok di Aku.

MATTHEW 22:3

Ayŭh pait daya gaji-i da kidaan di bara adi ko dog bagan da mandŭg ka gawai anŭ, pak ngara dŭh an mandŭg.

MATTHEW 22:6

atan adi bŭkŭn nakap daya daya-gaji anŭ, mukong ngara, ka siŭ ngara.

LUKE 15:28

“Pinuai anŭ mbŭh raru baji ndŭg ka-i abah mŭrŭt arŭn. Jadi sama-i ruah ka bandar nutut ayŭh da mŭrŭt.

LUKE 19:44

Ngara re pirarap kuu samŭn bara daya mu adi darŭm kuu; ndi batuh dŭh gŭh ngara re tandah di yŭn-i, sabab kuu dŭh natŭng tika adi ngga Tapa mandŭg di nyiramat kuu!”

LUKE 23:28

Jesus bigiring nura ngara ka nang, “Dayung Jerusalem! Dŭhnyah muās Aku, pak muās adŭp ngan samŭn bara anak ngan.

PINGANDAI 7:52

Agi kah nabi adi dŭh tayung-babuk ngan kisiis? Ngara siŭ bara pinyisung Tapa, adi ko jah-i piagah pimandŭg Urun Tapa adi tŭnggŭn. Madin, angān mbŭh jua ka siŭ Ayŭh.

PINGANDAI 7:59

Darŭm ngara manjan ayŭh ngga batuh, Stephen bidua, “Tuhan Jesus, kambat simangi ku.”

PINGANDAI 8:1

Ka Saul mbŭh situju di pinyikabŭs-i. Di andu anŭ gŭh eklisia di Jerusalem piguru dog kisiis. Sopŭrŭg adi sabah di Jesus, adŭ-i bara pinyuruh, mbŭh papar sasah di ndi tarun tana darŭm utung utung rais Judea ngga Samaria.

DITRONOMI 32:29

Ngara dŭh tungang rada ani sabab ngara dog ngarah; ngara dŭh tungang mirati ani mbŭh jadi.

DITRONOMI 5:29

Kasi kah kambŭi ngara ari mun anŭ! Kasi kah kambŭi ngara ari stabi di Aku ka tunda sopŭrŭg pesan Ku, isa ngara ngga bara sesang ngara adu adu sanang.

PINANDŬNG 11:8

ka tadang ngara re dog piguring di aran kupo bās, di yŭn Tuhan ngara ko dog masak di rigang. Dŭn tandā pinatŭng kupo anŭ inŭh Sodom, puan kah Egypt.

RUTH 2:12

Isa-i TUHAN ngupah kuu sabab kayuh adi mbŭh mu ndai. Isa-i kuu dapŭd upah ngga sipuno-i so TUHAN adi Tapa Israel, adi kuu mbŭh tudu yŭn pinyigrindung.”