25 Tuan ramin re makat ka tŭŭp tiban; ka kan angān mijog di sapa ka gutog-i buang nang, ‘Kuka tiban yŭn ami, tuan!’ ayŭh re nam angān, ‘Aku dŭh puan so ki angān mandŭg!’
“Komŭnŭ Ayŭh re nang di ngara adi tura ka bait-I, ‘Bu so Aku angān, angān adi dog pangu Tapa! Bu angān ka apui neraka adi mbŭh dog sidia yŭn Siarap ngga bara malaikat-i!
Ndai pingandai adi kiren angān mbŭh dŭh tia bidosa adi kiren angān mbŭh marik pimudip ngan pari ka Tapa. Ka dŭhnyah nang dupan adŭp ngan, Abraham mbŭh babuk ngan. Aku kidaan di angān, Tapa bisa ndai so dudu batuh ati bara sesang yŭn Abraham!
Dingah kayuh adi Tapa nang: “Kan tika adi ngga Aku kiren pinyikana Ku di angān mandŭg, Aku dingah angān; kan andu adi ngga Aku nyiramat angān mandŭg, Aku turung angān.” Dingah! Madin inŭh jam adi ngga nŭŭh trima pinyirasi Tapa; madin inŭh andu adi ngga nŭŭh dog nyiramat!