LUKE 12:42 - Hakcipta - Biatah Bidayuh

⁴² Ka Tuhan nam, nang-I “Asi meh garang daya-gaji adi tŭtŭd ka adi bijak? Ayŭh inŭh sianŭ adi tuan-i re tijuan da jaga abin ramin-i ka tukang nggen man di daya daya-gaji adi bŭkŭn di jam adi patut.

LUKE 12:42 ပူးပေါင်းရင်းမြစ်များ

PINYIRUAH 36:4

Komŭnŭ ngara anŭ adi bitukang adi ndai kraja anŭ di

PITAS 12:8

Kambŭi kuu pitar, kuu re dapŭd puji; kambŭi kuu budo, daya re ngamun kuu.

PITAS 15:23

Nggen pinganang adi batur di tika adi batur, bada asŭng sanang!

PITAS 27:18

Nakit sita tŭngŭn ara ka kuu re biyŭn buwa ara man mu. Daya-gaji adi sita kingat tuan-i re dog stabi.

PITAS 31:15

Ayŭh makat awar diŭ so andu jawa amai an sidia pinguman yŭn rawang-i ka kidaan di bara daya gaji-i kayuh adi re ngara ndai.

ISAIAH 50:4

TUHAN Raja mbŭh ngajar aku kayuh adi re ku nang, isa aku bisa nyibake ngara adi mbŭh rarah. Barang isan Ayŭh bada aku graŭh an dingah kayuh adi Ayŭh ngajar di aku.

JEREMIAH 23:4

Aku re tijuan pimritah bada kingat jaga ngara. Daya Ku re dŭh tia taru bait dog pitaru, ka Aku re dŭh tia ngukum ngara. Aku, adi TUHAN, mbŭh minyu.”

EZEKIEL 34:3

Angān nok sisuh, nēn piraka adi dog ndai so buruh biri, ka siŭ biri adi siabo kana. Pak angān bŭn mbit bat pasar biri biri anŭ.

MATTHEW 13:52

Jadi Ayŭh nam, “Sirati-i inŭh meh, barang naan gurū Ukum-adat Jahudi adi mbŭh trima ajar pasar Pinyipritah Tapa, mbŭh keya ka tuan ramin adi piruah kayuh bauh ngga kayuh amba so darŭm birit pinyirikŭn-i.”

MATTHEW 20:8

“Kan-i mbŭh singumi andu, daya adi dapu teya nang di mandor-i, ‘Bagan bara adi nyiraja ka nggen gaji ngara, piguru so ngara adi sikasŭn dog bada nyiraja ndŭg ngara adi sibungas raya dog bada nyiraja.’

LUKE 12:43

Ruai nang bituah-i daya-gaji anŭ kan tuan-i dapŭd ayŭh ndai simŭnŭ di jam-i mari!

LUKE 7:13

Kan Tuhan kiris ayŭh, Ayŭh mbŭh raru masi di ayŭh, ka nang di ayŭh, “Dŭhnyah sien.”

LUKE 7:19

ka pait ngara ka yŭn Tuhan da siken, “Kaam kah sianŭ adi dog kidaan nang re mandŭg nanyam ka janji Tapa, puan kah kieh babŭ kajŭn adi bŭkŭn?”

PINGANDAI 20:28

Jaga adŭp ngan samŭn sopŭrŭg kaban eklisia adi Roh Kudus ko nyerah ka darŭm tangan ngan. Jadi pingingat eklisia Tapa, nimun pingingat-biri jaga biri-i, adi Ayŭh mbŭh dapu so deya Anak-I.

1 TIMOTHY 3:15

Pak kambŭi aku rambat, surat ati re kiren di kuu munki ata patut ngatur urah ta darŭm rawang Tapa, adi eklisia Tapa adi udip, tiang ngga pinagap ajar adi sawŭ pasar Tapa.

1 TIMOTHY 5:17

Bara nyamba eklisia adi ndai kraja kana darŭm ngara kingat eklisia patut trima duwŭh rupet gaji, rabis-i ngara adi bandar nyiraja tura ka nyuse pinganang Tapa ka ngajar.

2 TIMOTHY 4:2

da nyuse agah so Tapa, ka piagah-i dŭh kira tika-i patut bait dŭh patut. Kuu an nyibatur ka kidaan sarah daya, ka ngatat daya, darŭm kuu ngajar ngga puno atin sabar.

TITUS 1:7

Amai nyamba eklisia digŭng kraja Tapa, ayŭh patut dŭh biyŭn sarah. Ayŭh dŭh patut daya adi miruap gambung puan kah gŭtŭh, pimabuk puan kah gira piayo daya, puan kah daya adi gira duit.

HEBREW 13:17

Tŭtŭd ngga bara pinguru ngan ka nurut pritah ngara. Ngara dŭh masah jaga simangi ngan, amai ngara mbŭh dapu tanggong kraja ngara di sirung jawin Tapa. Kambŭi angān tŭtŭd ngga ngara, ngara re ndai kraja ngara ngga atin gaŭn; kambŭi dŭh, ngara re ndai-i ngga atin susah, ka-i dŭh re jadi utung di angān.

HEBREW 13:7

Ingat bara pinguru ngan adi mbŭh, adi ko piagah agah Tapa di angān. Ingat munki ngara ko udip ka kabŭs, ka nanya meh pinyabah ngara.

HEBREW 3:5

Moses agi sawŭ tŭtŭd darŭm ramin Tapa nimun urun, ka ayŭh minyu pasar kayuh adi Tapa re nang jŭ.

1 PETER 4:10

Barang naan angān mbŭh kambat ndi masam pinganggen so bagŭ masam pinganggen Tapa ngga turung dingan ngan. Pakai meh pinganggen anŭ ngga batur.