LUKE 12:4 - Hakcipta - Biatah Bidayuh

⁴ “Aku kidaan di angān, bara dingan Ku, dŭhnyah taru daya adi siŭ pŭrŭng, pak ripas anŭ dŭh-i biyŭn kuasa re ndai rabis so anŭ.

LUKE 12:4 ပူးပေါင်းရင်းမြစ်များ

PITAS 29:25

Taru kayuh adi daya pikir pasar kuu, bisa nyusah kuu. Sabah di TUHAN bisa nyiramat kuu.

RAGU 5:1

Pingaten dayung ku adi aku siŭt, aku mbŭh mŭrŭt ka darŭm teya ku. Aku nguruk rapah ngga myrrh ku; aku man ju banyis ngga mara banyis ku; aku nok wain ngga sisuh ku. Man, angān adi biawang, ka nok ndŭg ka angān mabuk ngga pinyiawang!

RAGU 5:16

Baba-i sidi dog sium; sopŭrŭg kayuh pasar ayŭh piripong aku. Mun anŭ inŭh dari adi aku awang, bara dayung Jerusalem.

ISAIAH 41:8

“Pak angān, Israel adi urun Ku, Angān inŭh daya adi Aku mbŭh mien, adi bara sesang Abraham, jerā Ku.

JEREMIAH 1:17

Sidia adŭp mu, Jeremiah; panu di kidaan di ngara sopŭrŭg kayuh adi Aku pesan di kuu bada nang. Dŭhnyah taru ngara madin, te Aku bada kuu rabis taru kan kuu mbŭh situra jawin ngga ngara rai-i.

JEREMIAH 1:8

Dŭhnyah taru ngara, amai Aku re agi ngga kuu ka grindung kuu. Aku, adi TUHAN, mbŭh minyu!”

EZEKIEL 2:6

“Pak kuu, manusia, dŭh siŭn taru ngara bait ani ani adi ngara nang. Ngara re nyakar ka ngamun kuu; anŭ re keya ka udip di yun dudu rikara. Pak, dŭhnyah taru ngara bait tadŭ tadŭ kayuh adi ngara nang.

MATTHEW 10:28

Dŭhnyah taru ngara adi siŭ pŭrŭng pak dŭh biyŭn kuasa ngga siŭ simangi; pak taru meh Tapa, adi bisa pirabur pŭrŭng ngga simangi di apui neraka.

JOHN 15:13

Pinyirindu adi bās dŭ adi daya biyŭn yŭn bara dingan-i inŭh taran asŭng adŭp-i yŭn bara dingan-i anŭ.

PINGANDAI 20:24

Pak aku dŭh mbit bat di asŭng adŭp ku, bait aku kabŭs puan kah udip; kaŭs aku gruwŭn an ngamas kraja adi Tuhan Jesus ko nggen di aku, anŭ inŭh kidaan Agah Kana pasar pinyirasi-mandis Tapa.

PINGANDAI 4:13

Bara daya Kunsil mbŭh inga inga kiris munki masam birani-i Peter ngga John, buang gŭh dinge ngara duwŭh mbŭh daya adi dŭh biyŭn sikura. Ka ngara gŭh rada nang ngara duwŭh anŭ taŭn ko biayo ngga Jesus.

PHILIPPI 1:28

Dŭhnyah taru pinganyu ngan; ari bada adŭp ngan pagan ngga kiren di ngara adŭp ngan re manang ka adŭp ngara re arah, sabab Tapa inŭh adi nggen pimanang di angān.

JAMES 2:23

Ka pinganang Surat-kudus mbŭh jadi bitŭtŭk adi nang, “Abraham sabah di Tapa, ka sabab pinyabah-i Tapa mbŭh ngitong ayŭh tŭnggŭn.” Ka Abraham meh mbŭh dog kadŭn bidingan ngga Tapa.

1 PETER 3:14

Pak sunggu angān patut kinyam sangsara bait kani sitagar pingandai kana ngan, Tapa re mandis ngga angān! Dŭhnyah taru tadŭ tadŭ daya, ka dŭhnyah susah.

PINANDŬNG 2:10

Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.