LUKE 12:15 - Hakcipta - Biatah Bidayuh

¹⁵ Ka-I pijuu nang di sopŭrŭg ngara, “Jaga meh ka kingat adŭp ngan so barang masam pinyiripong; sabab udip ngan adi sawŭ dŭh-i so ka buat-rata adi angān biyŭn, kaya bait kani angān.”

LUKE 12:15 ပူးပေါင်းရင်းမြစ်များ

1 RAJA 2:40

ayŭh na tapas-pinyiguru di tunduh kaldi-i ka di ka yŭn Raja Achish di Gath, di jiroh urun urun-i anŭ. Ayŭh dapŭd ngara ka taban ngara ngga mari.

JOB 2:4

Shetan nam, “Daya dŭh re piduri ani ani ramŭn-i an dapŭd tui udip.

MAZMUR 10:3

Daya ginaka mingangŭn di pinyiraan arap ngara; daya adi raka mangu ka tirawan TUHAN.

MAZMUR 37:16

Nisit kayuh adi daya kana dapu re rabis brega so pinyikaya sopŭrŭg daya adi ginaka,

MAZMUR 62:10

Dŭhnyah sabah di pinyiganas; dŭhnyah harap adŭp ngan dapŭd utung so kraja taku; sunggu pinyikaya ngan bitambah, dŭhnyah bisangan dieh.

PITAS 15:16

Kana dŭ udip sirata ka taru di TUHAN so nŭŭh udip kaya ka dog pinyusah.

PITAS 16:16

Jo kana-i, nŭŭh biyŭn pinyibijak ngga pinyipuan so nŭŭh biyŭn mas ngga pirak.

PITAS 28:16

Pimritah adi dŭh biyŭn pikir inŭh gaok, pak pimritah adi tiru di tipu re mritah tui.

JEREMIAH 6:13

Barang naan daya, bās ngga sŭ, suba dapŭd duit ngga aran adi dŭh batur; nabi ngga imam gŭh nipu daya.

EZEKIEL 33:31

Jadi daya Ku tikuruk an dingah kayuh adi kuu nang, pak ngara dŭh ndai kayuh adi kuu bada ngara ndai. Pinganang adi kana ruah so baba ngara, pak ngara babŭ udip tama.

MICAH 2:2

Kan ngara raan ŭmŭh, ngara sirabut-i; kan ngara raan kuda, ngara tambit-i. Mating adŭ kayuh bait buat-rata adi siramat.

HABAKKUK 2:9

Mbŭh payah inŭh angān! Angān mbŭh bada rawang ngan kaya ngga kayuh adi angān tambit ngga pinyiganas, ka mbŭh suba bada ramin arŭn adŭp ngan siramat so kayuh adi bisa kandam ka pirusak!

MARK 7:22

tanggah, tama, ka sopŭrŭg pingandai arap adi bŭkŭn; kadong, pingandai kais, sina, napŭ daya, sambuh, ka pimudip adi dŭh taru di Tapa.

LUKE 12:16

Komŭnŭ Jesus nang upama ati di ngara: “Agi ndi naan daya kaya adi biyŭn tana adi pijadi bagŭ buwa.

LUKE 16:14

Kan daya Pharisee dingah sopŭrŭg kayuh anŭ, ngara napat Jesus, sabab ngara awang duit.

LUKE 21:34

“Jaga adŭp ngan! Dŭhnyah bada adŭp ngan sayŭp da gawai, da birunok, ka da atin ngingen di pimudip ong, te andu anŭ gŭgŭh mandŭg ka angān

LUKE 8:14

Bine adi rabu di ruang reja, rati-i ngara adi dingah; pak susah pasar pimudip buang gruwŭn pinyikaya samŭn udip sanang di ong mbŭh bada ngara aka. Tung ngara buwa bŭn masak.

1 CORINTH 6:10

adi naku, puan kah adi tama, puan kah adi pimabuk, puan kah adi an napŭ dingan-i, puan kah pirupak; mating katŭn so ngara anŭ re kinyam Pinyipritah Tapa.

COLOSSAE 3:5

Angān patut siŭ pinyiraan ong adi nguasa angān, mun pingandai kais, pimudip adi dŭh tatu, pinyiripong ngga pinyiraan adi sarah, ka tama (amai tama inŭh nyambah tibudo).

2 TIMOTHY 3:2

Daya re sibut, tama, sambuh, gambung; ngara re ginaka, dŭh dingah pinganang sindŭ sama, dŭh biyŭn atin trima kaseh, ka dŭh raan puan Tapa;

HEBREW 13:5

Bada pimudip ngan jo so pinyiawang duit, ka bada adŭp ngan munos ngga anŭ adi angān mbŭh biyŭn. Amai Tapa mbŭh nang, “Aku dŭh re tandah angān; Aku dŭh re tagan angān.”

JOSHUA 7:21

Bigaur ngga dudu kayuh adi kieh sirapas, aku agi dapŭd ndi jipo Babylonia adi raru ramus, pirak sindŭk 2 kilogram bat-i, ka ndi panggar mas adi rabis sitangah kilogram bat-i. Aku raru ripong di kayuh kayuh anŭ, ka aku tambit-i. Kaam bisa dapŭd dudu kayuh anŭ dog napuk darŭm tana darŭm bari ku, ka pirak anŭ agi di rasan-i.”

2 PETER 2:14

Kayuh adi ngara jiroh inŭh pluang yŭn tanggah; pinyiripong ngara di dosa taŭn dŭh pandai ko. Ngara kudog daya adi ramah, ka atin ngara taŭn mbŭh kanyet tama. Ngara mbŭh di ribo pangu Tapa!

2 PETER 2:3

Ngga atin tama, bara gurū kadong ati jiroh bagŭ utung so dundan adi ngara nimbur da angān dingah. Mbŭh tui ukum mbŭh dog sidia yŭn ngara, ka pinyirusag adi dog natu yŭn ngara mbŭh kajŭn ngara!