LUKE 11:48 - Hakcipta - Biatah Bidayuh

⁴⁸ Adŭp ngan meh, garang, ngaku adŭp ngan nyibandar pingandai tayung-babuk ngan; ngara siŭ bara nabi, ka angān ndai kubur-i.

LUKE 11:48 ပူးပေါင်းရင်းမြစ်များ

2 KRONIKEL 36:16

Pak ngara napat bara pinyisung Tapa, dŭh tambit piduri di pinganang-I ka tawŭh bara nabi-I, ndŭg ka pinŭbŭn-i TUHAN mbŭh raru baji di daya-I ka mating aran ngara re tungang pirupas adŭp-i so ukum-I.

JOB 15:6

Dŭhsah aku nyarah kuu; piminyu adŭp mu mbŭh nyarah kuu.

MAZMUR 64:8

Ayŭh re pirabur ngara sabab pinganang adi mun anŭ; sopŭrŭg adi kiris-i re kuting ubak ngara.

EZEKIEL 18:19

“Pak angān siken, ‘Mani anak dŭh dapu tanggong dosa sama-i?’ Pinyinam-i inŭh anak ndai kayuh adi batur ka adi kana. Ayŭh sita ukum-adat Ku ka tunda-i ngga nakit, ngapŭi meh ayŭh manŭn re udip.

MATTHEW 23:27

“Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān mbŭh keya ka kubur adi buda ngasad ko dog ngu, adi ramus tura ka sapa-i pak tura ka darŭm-i mbŭh puno ngga dudu turang ka tadang tadang manusia adi madam.

MATTHEW 23:31

Jadi angān taŭn mbŭh ngaku adŭp ngan bara sesang ngara adi ko siŭ bara nabi!

LUKE 11:47

Mbŭh payah inŭh angān! Angān ndai kubur kubur adi kana yŭn bara nabi adi tayung-babuk ngan ko siŭ.

LUKE 11:49

Sabab anŭ meh Pinyibijak Tapa nang, ‘Aku re pait nabi ngga pinyisung ka ngara. Ngara re siŭ kada so ngara ka kisiis adi bŭkŭn.’

ROME 1:32

Ngara puan ukum-adat Tapa nang daya adi udip mun anŭ patut dog ukum kabŭs. Gŭt-i ngara, dŭh-i babŭ ndai kayuh adi mun anŭ adŭ, pak mbŭh ngatat daya bŭkŭn ndai simŭnŭ.

JAMES 5:10

Bara dingan ku, ingat bara nabi adi minyu ngga adŭn Tuhan. Tambit ngara ndu suto danding yŭn pinyitŭtŭd atin ngga sabar di tika sangsara.

JOSHUA 24:22

Joshua kidaan di ngara, “Adŭp ngan jadi saksi yŭn adŭp ngan; angān mbŭh ngaku adŭp ngan raan bituan di TUHAN.” “Sawŭ,” ngara nang, “kieh jadi saksi yŭn adŭp ami.”