LUKE 11:42 - Hakcipta - Biatah Bidayuh

⁴² “Mbŭh payah inŭh angān daya Pharisee! Angān jugan ka Tapa ndi utung darŭm simŭng so rapah rapah, mun silaseh, adar manis, jintan ka rapah rapah adi bŭkŭn, pak angān dŭh rada pinyitŭnggŭn ngga pinyirindu yŭn Tapa. Kayuh anŭ angān patut ndai, buang dŭh kambŭt adi bŭkŭn.

LUKE 11:42 ပူးပေါင်းရင်းမြစ်များ

NEHEMIAH 10:37

Kieh re taban ka yŭn imam di Ramin TUHAN pinguman ami adi dog pŭh so buwa bungas adi dog ngatŭm barang sawa samŭn pinganggen wain, inyo kanā, ka barang masam buwa pimuruh. Kieh re taban ka yŭn bara daya Levi, adi sun pinganggen di anak anak kupo teya ami, anŭ inŭh ndi utung-so-simŭng so buwa buwa pimuruh adi timbu di tana ami.

PITAS 21:3

Ndai kayuh adi batur ka tŭnggŭn; anŭ pimunos asŭng TUHAN rabis so sadis adi kuu jugan ka Ayŭh.

EKLISIASTIS 7:18

Pijo adŭp mu so soduwŭh-i. Kambŭi kuu stabi buang taru di Tapa, kuu re tatu mujur.

MICAH 6:8

Dŭh, TUHAN mbŭh kidaan di ata kayuh adi kana. Kayuh adi-I mite ata ndai inŭh ati: ndai kayuh adi batur, kiren pinyirindu adi dŭh bisa birubah, ka pirapat adŭp buang udip ndi ngga Tapa.

MALACHI 1:6

TUHAN Bisa-pŭrŭg nang di bara imam, “Anak stabi di sama-i, ka urun stabi di tuan-i. Aku ati Sama ngan, mani angān dŭh stabi di Aku? Aku ati Tuan ngan, mani angān dŭh taru di Aku? Angān ngamun Aku, pak angān siken, ‘Munki kieh ngamun Kaam?’

MALACHI 2:17

Angān mbŭh bada TUHAN reju di pinganang ngan. Pak angān siken, “Munki kieh bada Ayŭh reju?” Ngga pinganang ngan, “TUHAN Bisa-pŭrŭg nyirundeng sopŭrŭg daya adi ndai arap kana; sibatur-i Ayŭh suka ngara.” Bait kah angān nang, “Diki meh Tapa adi sipatut-i tŭnggŭn?”

MALACHI 3:8

Aku siken angān, kayuh adi batur kah nŭŭh nipu Tapa? Taŭn-i dŭh, pak angān nipu Aku. ‘Munki?’ angān siken. Di har pinganggen ndi utung-so-simŭng ngan ngga sadis ngan.

MATTHEW 23:13

“Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān nagah daya kinyam Pinyipritah Tapa. Dŭh-i angān abah kinyam Pinyipritah Tapa adŭ, pak angān nagah daya adi gruwŭn an kinyam-i. [

MATTHEW 23:23

“Mbŭh raru payah inŭh angān, bara gurū Ukum-adat, ka angān bara daya Pharisee! Angān pingadong! Angān jugan ka Tapa ndi utung darŭm simŭng so rapah rapah, mun silaseh, adar manis, ka jintan, pak angān dŭh tunda ajar adi biguna darŭm Ukum-adat, mun pinyitŭnggŭn ka pinyirasi ngga atin-tŭnggŭn. Kayuh kayuh ati angān patut ndai, buang dŭhnyah kambŭt adi bŭkŭn.

MATTHEW 23:27

“Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān mbŭh keya ka kubur adi buda ngasad ko dog ngu, adi ramus tura ka sapa-i pak tura ka darŭm-i mbŭh puno ngga dudu turang ka tadang tadang manusia adi madam.

LUKE 18:12

Aku bipusa piduwŭh kari darŭm ndi minggu, ka aku jugan ka Kaam ndi utung darŭm simŭng so pinyidapŭd ku.’

JOHN 5:42

Pak Aku puan asi angān sibandar-i; angān dŭh biyŭn pinyirindu di Tapa darŭm atin ngan.

1 JOHN 4:20

Kambŭi ata nang adŭp ta rindu Tapa, pak tiru dingan ta, ata inŭh pingadong. Amai ata dŭh tungang rindu Tapa adi bŭn ata kiris, kambŭi ata dŭh rindu dingan ta adi tungang ata kiris.

1 SAMUEL 15:22

Samuel nang, “Aki ndi TUHAN raan: nurut pinganang TUHAN kah pinganggen ngga sadis? Kana dŭ nurut pinganang-I so nŭŭh jugan biri adi gamu ka Ayŭh.