LUKE 11:4 - Hakcipta - Biatah Bidayuh

⁴ Apun dosa ami, nimun kieh apun sarah daya di kieh. Ka dŭhnyah tandah kieh ramah darŭm pinyabah di tika kieh dog pisuba.’ ”

LUKE 11:4 ပူးပေါင်းရင်းမြစ်များ

TIBIRIK 48:16

Isa-i malaikat, adi mbŭh nyiramat aku so barang masam pinyusah, nyiberkat ngara! Isa-i dŭn ku ka dŭn nyamba ku Abraham ka Isaac adu adu dog kingat so ngara duwŭh madis ati! Isa-i ngara biyŭn bagŭ anak, bagŭ sesang!”

1 RAJA 8:34

dingah ngara so shorga. Apun dosa daya Mai, ka taban ngara pari ka tarun tana adi Kaam mbŭh nggen di tayung-babuk ngara.

1 RAJA 8:36

dingah ngara so shorga. Apun dosa raja ka dosa daya Israel. Ngajar ngara bada ndai kayuh di batur. Komŭnŭ, O TUHAN, pait ujen di tarun tana Mai ati, adi Kaam mbŭh nggen di daya Mai ndu bisaka.

MAZMUR 121:7

TUHAN re grindung angān so sopŭrŭg pinyusah; Ayŭh re bada angān siramat.

MAZMUR 25:11

Digŭng janji Mai, TUHAN, ka apun dosa ku, amai dosa ku bagŭ.

MAZMUR 25:18

Nimbang pinyusah ngga sangsara ku ka apun sopŭrŭg dosa ku.

DANIEL 9:19

TUHAN, dingah kieh. TUHAN, apun kieh. TUHAN, dingah kieh, ndai meh yŭn ami! Siŭn barang naan daya puan nang Kaam inŭh Tapa, dŭhnyah sais! Kupo ngga bara daya ati inŭh jamai.”

HOSEA 14:2

Pari ka TUHAN, ka bada dua ati jadi sadis ngan ka Ayŭh: “Apun sopŭrŭg dosa ami, ka kambat dua ami, ka kieh re muji Kaam nimun adi ko ami janji.

MATTHEW 18:35

Ka Jesus nang, “Simŭnŭ inŭh Sama Ku re ngga barang naan angān kambŭi angān dŭh apun dingan ngan so atin ngan.”

MATTHEW 26:41

Bijaga nŭh ka simayang isa angān dŭh rabu darŭm pinyisuba. Pinyiraan taŭn agi pak pŭrŭng ngan paŭh dŭh sinunuh.”

LUKE 11:5

Ka Jesus nang di bara murid-I, “Nyamtadar-i ndi so angān di ka ramin dingan ngan arong sitŭrŭp ngarŭm ka nang di ayŭh, ‘O dingan, aku an nginjam taruh baru ruti.

LUKE 13:4

Ka ngara adi simŭng-mai naan di Siloam boh, adi kabŭs dog nyatŭk tawā? Angān pikir rati-i ngara mbŭh bidosa dŭ so daya bŭkŭn adi rŭŭ di Jerusalem?

LUKE 22:46

Ayŭh nang di ngara, “Mani angān bŭŭs? Makat ka simayang isa angān dŭh rabu darŭm pinyisuba.”

LUKE 8:13

Bine adi rabu di tarun pibatuh, rati-i ngara adi dingah agah anŭ ka kambat-i ngga gaŭn. Pak dŭh-i mŭrŭt tŭrŭp darŭm atin ngara; ngara sabah nyitiro adŭ ka kan pinyisuba mandŭg, ngara dŭh tia sabah agah anŭ.

JOHN 17:15

Aku dŭh mite Kaam tambit ngara so ong, pak mite Kaam grindung ngara so Siarap.

1 CORINTH 10:13

Angān dog suba mun daya bŭkŭn gŭh. Pak Tapa ingat janji-I, ka dŭh-I re bada angān dog suba rabis so tungang angān trima. Di tika angān dog suba, Ayŭh re nggen di angān pinyibake ngga rawan-i, buang ngga pirupas adŭp ngan.

COLOSSAE 3:13

Sabar ngga dingan ngan ka apun dingan ngan kan angān agi dŭh sanang asŭng di dingan ngan. Angān dŭh siŭn dŭh an apun dingan ngan nimun Tuhan mbŭh apun angān.

2 THESSALONICA 3:3

Pak Tuhan taŭn-I tŭtŭd; Ayŭh re nyibake angān ka bada angān pagŭng so Daya Ginaka anŭ.

2 TIMOTHY 4:18

Ka Tuhan re nyiramat aku so sopŭrŭg kayuh arap ka taban aku ka darŭm Pritah-I di shorga. Bragah ka Ayŭh ndŭg situi tui! Amen.

JAMES 2:13

Amai Tapa dŭh re kiren masi kan Ayŭh nggen bisara di daya adi bŭn masi; pak daya adi masi dŭh re dog ukum Tapa.

PINANDŬNG 2:10

Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.

PINANDŬNG 3:10

Sabab kuu mbŭh dingah pinyipesan Ku ngga mu jadi tŭtŭd, Aku re kingat gŭh kuu di tika pinyusah adi re mandŭg ka ong adi ngga sopŭrŭg daya di ong dog suba.