LUKE 11:29 - Hakcipta - Biatah Bidayuh

²⁹ Darŭm bara daya bagŭ tikuruk maning Jesus, Ayŭh pijuu minyu nang-I, “Mbŭh raru arap-i daya jaman ati! Ngara mite pingandai-nginga, pak mating re dog nggen adŭ-i pingandai-nginga Jonah.

LUKE 11:29 ပူးပေါင်းရင်းမြစ်များ

EZEKIEL 24:24

Komŭnŭ aku re jadi tandā yŭn ngan; angān re ndai sopŭrŭg anŭ adi aku mbŭh ndai. TUHAN nang kan kayuh anŭ jadi, angān re puan Ayŭh anŭ TUHAN Raja.”

JONAH 1:1

Agi ndi sidah TUHAN minyu ngga Jonah anak Amittai.

MATTHEW 3:7

Kan John kiris bagŭ daya Pharisee ka daya Sadducee mandŭg ka yŭn-i an kambat baptisa, ayŭh nang di ngara, “Angān jippŭh, asi kidaan di angān nang angān bisa bu mangān ukum adi Tapa re pait?

MARK 8:38

Kambŭi daya di turap ati adi ginaka ngga adi dŭh stabi di Tapa mangŭh ngarun Aku ngga ajar Ku, Anak Manusia re mangŭh gŭh ngarun ayŭh kan Ayŭh mandŭg darŭm bragah Sama-I ngga bara malaikat kudus.”

LUKE 11:16

Adi bŭkŭn, an kudog Jesus di pinganang-I, mite Ayŭh ndai pingandai-nginga ngga kiren sawŭ kah dŭh Ayŭh mandŭg so Tapa.

LUKE 11:50

Jadi daya di jaman ati re dog ukum amai tanggong deya sopŭrŭg nabi adi dog siŭ so sibungas ong jadi,

LUKE 12:1

Darŭm biribu ribu bara daya mbŭh tikuruk, ndŭg ka agi adi digang kaja dingan-i, Jesus diŭ kidaan di bara murid-I, “Jaga adŭp ngan so ragi daya Pharisee, anŭ inŭh pingandai kadong ngara.

LUKE 9:41

Jesus nam, “Angān sarah buang kurang sabah! Ndŭg sinde meh Aku dŭh siŭn dŭh rŭŭ ngga angān? Ndŭg sinde Aku patut bijijŭ ngga angān?” Jadi Ayŭh nang di daya anŭ, “Taban anak mu kamati.”

JOHN 2:18

Bara Pinguasa Jahudi tudu Jesus ka siken, “Ani pingandai-nginga adi bisa Mai ndai ngga kiren adŭp Mai biyŭn hak ndai kayuh ati?”

JOHN 6:30

Ngara nam, “Pingandai nginga ani meh bisa Mai ndai da kieh tingga isa kieh bisa sabah di Kaam? Ani re Mai ndai?

JOHN 8:44

Angān inŭh bara anak sama ngan, Siarap; angān raan tunda pinyiraan-i. So sibungas-i ayŭh taŭn mbŭh pinyiŭ ka bŭn adŭ tura ka pinyawŭ, sabab mating pinyawŭ darŭm ayŭh. Kan ayŭh kadong, anŭ mbŭh taŭn tibiat adŭp-i, sabab ayŭh pingadong ka raja pingadong.

1 CORINTH 1:22

Daya Jahudi biguna di pingandai-nginga ngga kiren kayuh adi sawŭ, ka daya Greek jiroh pinyibijak.