LUKE 11:26 - Hakcipta - Biatah Bidayuh

²⁶ Komŭnŭ ayŭh ruah ka taban ju naan roh adi bŭkŭn adi rabis arap so adŭp-i, ka ngara mŭrŭt ka rŭŭ diginŭ. Sikasŭn-i, pimudip daya anŭ mbŭh jadi rabis arap so adi sibungas-i.”

LUKE 11:26 ပူးပေါင်းရင်းမြစ်များ

ZEPHANIAH 1:6

Aku re pirabur daya adi tagan Aku ka adi dŭh tia tunda Aku, daya adi dŭh mandŭg ka Aku bait kah mite pinyiruton so Aku.”

MATTHEW 12:45

Komŭnŭ ayŭh ruah ka taban ju roh adi bŭkŭn adi rabis arap so adŭp-i; ngara mandŭg ka rŭŭ diginŭ. Pinŭbŭn-i, daya anŭ mbŭh jadi rabis arap so adi mbŭh. Ati inŭh kayuh adi re jadi di daya adi arap di jaman ati.”

MATTHEW 23:15

“Mbŭh raru paya inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān birayar mutas rawŭt ka tambus barang rais ramŭn an pibŭrŭt ndi naan daya ka darŭm adat ngan; ka kan angān mbŭh dapŭd, angān bada ayŭh piduwŭh kari arap mun adŭp ngan yŭn patut dog taran ka apui neraka!

LUKE 11:25

Jadi ayŭh pari ka dapŭd ramin-i bisig buang mbŭh dog ngamas.

LUKE 11:27

Kan Jesus ko nang sakanŭ, ndi naan dayung nyirais so dupan bara daya bagŭ, ka nang di Ayŭh, “Bituah inŭh dayung adi ruwan ka mira Kaam!”

JOHN 5:14

Ripas anŭ, Jesus dapŭd ayŭh di Ramin Tuhan, ka nang di ayŭh, “Ingat nŭh, kuu mbŭh bua madin; dŭh tia bidosa te kayuh adi rabis arap jadi di kuu rai-i.”

1 JOHN 5:16

Kambŭi angān kiris dingan ngan adi sabah ndai dosa adi dŭh taban pinyikabŭs, angān patut bidua ka Tapa, adi re nggen udip adi sawŭ adi tan adu adu di ayŭh. Angān ndai simŭnŭ yŭn ngara adi ndai dosa adi dŭh taban pinyikabŭs. Pak agi dosa adi taban pinyikabŭs, ka aku dŭh minyu nang angān patut bidua ka Tapa pasar anŭ.