Agi ndi sidah, di tika apag di ndi tarun tana anŭ, Elisha pari so Gilgal. Darŭm ayŭh ngajar ndi tibaran nabi, ayŭh bada daya gaji-i tanŭk pinguman di ndi tibande priok yŭn ngara.
Bara daya matak an kiris ani adi mbŭh jadi. Ka kan mbŭh ndŭg Jesus, ngara kiris sianŭ adi so bara umot mbŭh ruah, guru sindŭk kaja Jesus, nēn piraka buang mbŭh bua ka tirase; ka ngara mbŭh taru.
Mary mbit sitangah lita inyo wangi adi mbar rega-i adi dog ndai so ndi masam kayuh adi buuh ramak dagŭn-i, ka susen-i di kaja Jesus. Ayŭh ngutos kaja Jesus ngga ubok-i. Ka ramin mbŭh puno ngga dagŭn wangi anŭ.
“Aku ati daya Jahudi, dog biranak di Tarsus darŭm tarun tana Cilicia, pak sikura digiti di Jerusalem di ribo Gamaliel; dog nakit ngajar pasar ukum-adat tayung-babuk ta, ka mbŭh bana bituan di Tapa mun adŭp ngan adi agi digiti andu ati.