LUKE 1:78 - Hakcipta - Biatah Bidayuh

⁷⁸ Tapa ta masi buang duduh. Amai an nyiramat ata, Ayŭh re mandŭg. Keya ka pinusak batŭh andu

LUKE 1:78 ပူးပေါင်းရင်းမြစ်များ

MAZMUR 25:6

Ingat, O TUHAN, mandis Mai ka pinyirindu Mai adi dŭh bisa birubah adi Kaam mbŭh kiren so jah.

ISAIAH 11:1

Taris asar Raja David inŭh mun tŭngŭn kayuh adi mbŭh dog tabŭng; pak keya ka daan bauh adi bikanjak so tŭŭd, simŭnŭ gŭh raja adi bauh re makat so ruang sesang David.

ISAIAH 42:16

“Aku re nguru daya karak di aran adi bŭn ngara kadŭg. Aku re bada karŭm ngara jadi jawa ka pirata aran adi nyurok mugu yŭn ngara. Anŭ inŭh janji Ku, ka Aku re batur batur sita-i.

ISAIAH 63:15

TUHAN, tingga kieh so shorga, di yŭn Kaam rŭŭ darŭm pinyikudus ngga bragah Mai. Mbŭh dŭh kah Kaam mbit piduri pasar kieh? Diki kuasa Mai? Diki pinyirindu ngga masi Mai? Kaam nyipunok kieh kah?

ISAIAH 63:7

Aku re kidaan pasar pinyirindu TUHAN; Aku muji Ayŭh amai sopŭrŭg kayuh adi mbŭh-I ndai yŭn ta. Ayŭh mbŭh bandar nyiberkat daya Israel sabab masi-I ngga pinyirindu-I adi dŭh bisa birubah.

ZECHARIAH 3:8

Dingah Joshua, kuu adi Imam Bās; ka dingah, angān bara imam adi samah ngga ayŭh, angān adi tandā tipuh kana adi re: Aku re pinandŭng urun Ku, adi dog kadŭn Daan!

ZECHARIAH 6:12

Kidaan di ayŭh nang TUHAN Bisa-pŭrŭg nang, ‘Daya adi dog kadŭn Daan re mujur di tarun yŭn adŭp-i ka pari pijog Ramin TUHAN.

MALACHI 4:2

Pak yŭn angān adi nundok di Aku, kuasa Ku adi nyiramat angān re makat keya ka batŭh andu, ka kuasa Ku anŭ re nggen pinyibua keya ka jawa batŭh andu. Angān re dog pirupas ka gaŭn keya ka anak sapi dog piruah so kandang.

PINYIKIANG 24:17

Aku tingga tipuh adi re mandŭg, ka aku kiris bangsa daya Israel. Ndi naan raja, keya ka bitang adi nyirinyak, re makat so bangsa anŭ. Keya ka suat bitang ayŭh re mandŭg so Israel. Ayŭh re pirandŭk bara pinguru Moab ka ngarah sopŭrŭg daya Seth adi miruap ka ganas.

JOHN 3:16

Tapa ruai rindu ong ndŭg ka mbŭh nggen Anak tambŭ-I, isa barang naan adi sabah di Ayŭh dŭh re kabŭs pak dapŭd udip adi sawŭ adi tan adu adu.

EPHESUS 5:14

amai tadŭ kayuh adi granan tatŭng jadi jawa. Ngapŭi meh mbŭh agi dog nang, “Burah meh, kuu adi bŭŭs, makat so pinyikabŭs; Kristus re nyekar di tunduh mu.”

PHILIPPI 1:8

Tapa puan pinganang ku sawŭ kan aku nang pinyirindu ku di angān agi mandŭg so atin adŭp Kristus Jesus.

PHILIPPI 2:1

Pimudip ngan darŭm Kristus bada angān bake, ka pinyirindu-I nyaduh angān. Angān mbŭh udip ndi darŭm Roh Kudus, ka angān mbŭh biyŭn atin mandis ngga atin masi di dingan ngan.

COLOSSAE 3:12

Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

2 PETER 1:19

Anŭ sabab kieh mbŭh rabis sabah nang agah adi ko dog piagah bara nabi agi sawŭ. Angān patut nakit mbit bat di agah anŭ, sabab-i agi keya ka prita nyekar darŭm karŭm ndŭg andu jawa, ka keya ka jawa bitang isan isan nyekar darŭm atin ngan.

1 JOHN 3:17

Kambŭi ata kaya ka kiris dingan ta sutok, pak dŭh piduri ngara, simuki meh ata re patut nang adŭp ta rindu Tapa?

PINANDŬNG 22:16

“Aku, Jesus, mbŭh pait malaikat Ku da kidaan kayuh kayuh ati di barang eklisia. Aku ati sesang David; Aku ati bitang adi jawa nyekar isan isan.”