LUKE 1:32 - Hakcipta - Biatah Bidayuh

³² Ayŭh re jadi bās ka dog kadŭn Anak Tapa adi Sambu Sopŭrŭg. Tuhan Tapa re bada Ayŭh jadi raja, nimun David adi babuk-I,

LUKE 1:32 ပူးပေါင်းရင်းမြစ်များ

2 SAMUEL 7:16

Kuu re adu adu biyŭn bara sesang, ka Aku re bada pritah mu tan adu adu. Taris asar pinyipritah mu re dŭh mungan.’ ”

MAZMUR 132:11

Kaam bipayu ngga David — janji adi Kaam dŭh re tarik pari: “Aku re bada ndi so anak dari mu jadi raja, ka ayŭh re mritah ripas kuu.

MAZMUR 132:12

Kambŭi anak anak mu sita simanya Ku samŭn pesan adi Aku nggen di ngara, anak ngara, gŭh, re adu adu gati kuu jadi raja.”

ISAIAH 16:5

Komŭnŭ ndi naan so sesang David re jadi raja, ka ayŭh re mritah daya ngga pinyitŭtŭd ka pinyirindu. Kayuh adi batur ayŭh rikas ndai, ka pinyitŭnggŭn ayŭh pimanu.)

JEREMIAH 17:25

Komŭnŭ raja raja ngara ngga bara pinguasa ngara re mŭrŭt tiban tiban Jerusalem ka biyŭn kuasa raja mun anŭ adi ko David biyŭn. Samah ngga daya Judah ka daya Jerusalem, ngara re nambang krita krita kuda ka nunggang kuda, ka kupo Jerusalem re ari puno ngga dudu daya.

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

MATTHEW 1:1

Ati inŭh susud taris tayung-babuk Jesus Kristus, sesang David, adi sesang Abraham.

MATTHEW 12:42

Di Andu Bisara Rani so Sheba re makat ka nyarah angān, sabab ayŭh mandŭg so rais-i adi jo ramŭn an dingah pinyibijak ajar Raja Solomon; ka puan meh digiti agi kayuh adi rabis bās so Solomon!

MATTHEW 28:18

Jesus tudu ngara ka nang di ngara, “Aku mbŭh dog nggen sopŭrŭg kuasa di shorga ngga di ong.

MATTHEW 3:11

Aku baptisa angān ngga piin ngga kiren angān mbŭh dŭh tia bidosa, pak sianŭ adi mandŭg sundis so aku re baptisa angān ngga Roh Kudus ka apui. Ayŭh agi bās dŭ so aku; ka aku dŭh sadang kana re sirabi ka tukang taban kasut-I.

MARK 14:61

Pak Jesus pirŭŭ adŭp-I, dŭh an nang ani ani. Imam Bās siken Ayŭh dinge, “Kuu Kristus kah, Anak Tapa adi biberkat?”

MARK 5:7

buang nyirais ngga sirŭŭn bana nang, “Jesus, Anak Tapa adi Sambu Sopŭrŭg! Ani re Mai ndai di aku? Ngga adŭn Tapa, aku mite Kaam, dŭhnyah ngukum aku!” (

LUKE 1:15

Ayŭh re jadi daya adi bās di batŭh Tuhan. Ayŭh dŭh siŭn nok wain bait tadŭ kayuh nok adi bisā. So tika-i dog biranak ayŭh re brisi ngga Roh Kudus,

LUKE 1:35

Malaikat anŭ nam, “Roh Kudus re mandŭg ka kuu, ka kuasa Tapa re nyayung kuu. Anŭ sabab Anak adi kudus anŭ re dog kadŭn Anak Tapa.

LUKE 1:76

“Kuu nak, re dog kadŭn nabi Tapa adi Sambu Sopŭrŭg. Kuu re panu diŭ so Tuhan di sidia aran yŭn-I,

LUKE 3:16

Jadi John nang di sopŭrŭg ngara, “Aku baptisa angān ngga piin, pak Ayŭh adi rabis bās so aku re mandŭg. Bŭŭng kasut-I bina, dŭh aku pus re kuka. Ayŭh re baptisa angān ngga Roh Kudus ka ngga apui.

LUKE 6:35

Dŭh-i simŭnŭ! Rindu pinganyu ngan ka ndai kana di ngara; nginjam buang dŭhsah kira gati. Simŭnŭ, angān re biyŭn upah bās, buang re jadi anak Tapa adi Sambu Sopŭrŭg. Amai Ayŭh kana ngga daya adi dŭh rada budi, samŭn ngara adi ginaka.

JOHN 12:34

Bara daya nam, “Ukum-adat ami kidaan nang Kristus re udip adu adu. Simuki Kuu bisa nang Anak Manusia dŭh siŭn dŭh dog katuh? Asi Anak Manusia anŭ?”

JOHN 6:69

Kieh madin mbŭh sabah ka puan Kaam inŭh sianŭ adi Kudus adi mandŭg so Tapa.”

PINGANDAI 16:17

Ayŭh tunda Paul ngga kieh, buang nyirais nang, “Bara daya ati inŭh urun Tapa adi Sambu Sopŭrŭg! Ngara mandŭg di kidaan di angān munki angān bisa dog nyiramat!”

PINGANDAI 2:30

David mbŭh nabi, buang puan janji Tapa di ayŭh: Tapa bipayu ngga ayŭh an bada ndi naan so bara sesang-i jadi raja mun adŭp-i.

PINGANDAI 2:36

“Sopŭrŭg daya Israel patut puan ngga tatu-i Jesus ati, adi angān masak di atuh rigang, inŭh sianŭ adi Tapa mbŭh bada jadi Tuhan ka Kristus!”

PINGANDAI 7:48

“Pak Tapa adi Sambu Sopŭrŭg, dŭh-I rŭŭ di ramin adi manusia ndai; sak adi nang nabi,

ROME 1:4

pak so ka tibiat-I adi kudus, Ayŭh taŭn dog kiren ngga kuasa adi raru bās mbŭh Anak Tapa darŭm-I dog pakat so kabŭs.

PINANDŬNG 3:7

“Nuris ka malaikat eklisia di Philadelphia: “Ati inŭh agah so sianŭ adi kudus ka adi sawŭ. Ayŭh biyŭn kusi adi dog dapu David, ka kan Ayŭh kuka tiban, mating daya dapŭd tŭŭp-i, ka kan Ayŭh tŭŭp-i, mating daya dapŭd kuka-i.